انا عندي كل شي والطبخ بس لشخصين لي ولزوجي
عندي رز الوليمة
وعندي ماء الكادي
وعندي كشنة للرز(بصل مقلي بزيت وبهارات
وعندي بهارات حائل
واصلح رز بس مايكون مفلفل ولا لة طعم زين اخرة مرة كثرت ماة وانهرس
اتفشل قدام زوجي
خصوصا انة يمووووت على شي اسمة رز

ابي اصلح رز مع دجاج بس يكون زين ومفلفل
وانتم تعرفون المثل
اطريق الى قلب الرجل معدتة
تكفون اللي عندها الوليمة وتضبطة تقولي كيف تسوية

اول اشترية ويطلع طويل حبتة وحلو بس اللحين مادري مايضبط معي
تكفون السنعة تقولي كيف الطريقة عشان اطبخة للغداء وابية ضروري عشان بكرى ابي اصلحة
20-06-1431 هـ, 03:23 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ياحبيلتس يمكن الرز جديد علشان كذا ينهرس شوفي تاريخه كل ما صار قديم صار طبخه وطعمه أحسن

وكانه قديم بعد ما تغسلينه لما ينظف خلي اخر غسله بما حار وبعدين نقعيه بماء عادي

ولما يستوي الدجاج خوذي المرق وصفيه وحطيه على الرز بس يالله يغطيه وحطي عليه قطع زبده وفلفل حار وبارد وليمون أسود وكم عود قرفه
ولما تنشف المويه قصري النار وقلبيه بملعقة خشب على شوي شوي ..لو إحتاج زيادة مرق زودي بس بالتدريج ..

ثم حطي عليه الكشنه اللي فوق وبالقصدير غطيه ..

وإن شاء الله يضبط معك ويبيض وجهك ويجيك كلمة شكر من أبو الشباب
20-06-1431 هـ, 04:04 صباحاً
 
عادي اطبخ الدجاج باي طريقه تحبينه ونقعي الرز تقريبن نصف ساعه ثم طلعي الدجاجه وحطي الرز ورفعي النارشوي بعدين قصري وخليه ربع ساعه المويه فوق مستوى الرز بواحد سنتي او اقل شوي وسلمتك
20-06-1431 هـ, 04:07 صباحاً
 
شوفي ياقلبي انا استخدم رز الوليمة من زمان وطريقتي فيه انقعه لمدة ربع ساعة في موية دافيه بعدين وقت الطبخ اقيس كل كاس رز يقابلها كاسين موية مغلي واحط زيت طبعا علشان يطلع مفلفل وسلامتك جربيه وادعي لي في غربتي
20-06-1431 هـ, 04:09 صباحاً
 
للرفع
20-06-1431 هـ, 04:50 صباحاً
 


الساعة الآن 03:51 .