لادتي كانها حلم تعالوا ياللي مقبلين على الولاده

السلام عليكم ورحمة الله وبركاته


كيفكم ياكروشات ان شاء الله بخير


اليوم جايه وراح احكيلكم تجربتي مع ولادتي هذه المره سبحان الله جميع ولاداتي السابقه صعبه خاصة طلوق اللحظات الاخيره مؤلمه جدا واحس كاني طالعه من موت وكل مره احلف ان هذا اخر حمل لكن تجري الرياح بما تشتهي السفن وطبعا من يوم حملت وانا مناوبه عند هالقسم مناوبه تامه كل ما افتح المنتدى جري على قسم الولاده وبس همي اتابع مواضيع اللي ولدوا طبعا اللي ولادتهم سهله استانس ذاك اليوم واقول لا ان ***** الله تساهيل واللي سهل عليهم بيسهل علينا واذا قرات ولادة عضوه متعسره ما انام ذاك اليوم ابد وهاتي يابكا ومغير بغرفتي واطالع بالسقف واقول ياربي كيف الخلاص طبعا يا اخوات استفدت كثير من خلطة الحليب رغم اني خفت من استخدامها خاصة الاخوات اللي سبوها وقالوا ماشفنا شي وصراحه استغربت من كلامهم رغم ان صاحبة الموضوع امدحتها كثير وفيه اخوات اخريات ايضا امدحوها المهم مالكم بالطويله ابعلمكم بقصتي وانتن خوذن منها العبره لما دخل التاسع خلاص احس الدنيا اسودت بوجهي من الخوف منالولاده وخلاص الدمعه مغير على الخد ابي الاطفال بس الموت اللي قبل الولاده من يتحمله المهم زوجي كان قدامي يلبس ملابس العمل وانا نايمه على سريري ويقول يابنت الحلال لاتوسوسين العيال بعدك ماهم ضايعين راح ادور لي على بنت الحلال اللي تسنعهم ولاحس الا بكرتون المنديل فوق راسه المهم الشهر هذا دائما مشغلة اذاعة القران ويوم راح الا المذيع يقول الا بذكر الله تطمئن القلوب يا الله يابنات احس الكلمات هذي اعطتني دافع قوه غريب غريب سبحان الله وكل الهم اللي بقلبي راح وانشرح صدري وفعدت اردد بصوت عالي فعلا الا بذكر الله تطمئن القلوب وسبحان الله شال ربي كل الهم اللي بداخلي

عاد اختي من دخل التاسع تقولي كثري الاستغفار وفعلا يابنات طول التاسع وانا اردد الاستغفار واردد دعاء احبه موت ولا يمكن اقوله الا كل شي سبحان الله يهون وهذا الدعاء هو اللهم اجعلني بين يدي رحمتك ولا تجعلني بين ايديهم وكل يوم على هالحال وايضا كل يوم اشرب كوب ماء زمزم بنية اني ربي يسهل ولادتي وايضا كل ما اصحي بالليل الساعه 3 او 4 اجلس ادعي ربي انه يسهل ولادتي وادع بالدعاء السابق وايضا اردد كثير اللهم اني استودعتك نفسي من قوة الطلق اللهم اني استودعتك نفسي من الولاده المتعسره ولما صار لي عشر ايام بالتاسع استخدمت خلطة الحليب رغم اني متردده بس توكلت على الله ولما جت الولاده وبدات الطلوقجلست اشم حلتيته بنات عليكم بالحلتيته الحلتيته الحلتيته سبحان الله اذا بدا الطلق اشمها ثم سبحان الله تسحب الالم من الجسم سحب وهذي طريقتي لحد ما رحت للمستشفى حتى اني ما ني ناويه اروح بس قلت من امس الطلق بادي ابي اروح اشوف وش يصير علي فلما وصلتهم قالوا لي الرحم 4 سانتي يالله ما ني مصدقه

وجلست عندهم ساعتين الم دوره عادي جدا وبعد الساعتين ولدوني ويا الله ما ني مصدقه معقوله خلصت معقوله ما فيه الم

وترى يابنات اهم شي التوكل على الله قبل كل شي ثم الدعاء والاستغفار ثم خلطة الحليب والحلتيته وماء زمزم


اتمنى تكونوا استفدتوا من تجربتي بس فعلا الحلتيته تخفف الم الطلق بالحيل وتساعد كثير بفتح الرحم