الذ برياني بالقدر الفخاري سبيشل لعالم حواء

أطباق رئيسية









.

(( يسعد لي اوقاتكم ))
قبل فتره زوجي اشترى قدور فخاريه باكستانيه وجربت الطبخ فيه خيال وله نكهه خاصه قلت اجرب البرياني طلع روووووعه بمعنى الكلمه قلت انزله لمنتداي وحبيباتي الغاليات ...والقدر هذا ميزته يكتم البخار كمان..ما ادوشكم بكثر الكلام .
..هذا قدر الفخار..


ندش بالتفاصيل .
المقادير ..
دجاجه مقطعه ومنزوعة الجلد ومغسوله كويس بمويه وملح علشان تشيلين الزفره .
مقاير التتبيله..
بصله مشوحه بزيت زيتون ما احب استخدم غيره ,
ثوم ,زنجبيل طازج مبشور,4ملاعق كبيره زبادي ,ملعقه كبيره بهار برياني ,ملعقه كبيره تمر هندي ..ياجاهز او طازج ..وهذ صورته



قرن فلفل طماطم مقطعه ,برش ليمونه,كم ورقة نعناع وربع كاس كزبره مفروم,ومكعبات بطاطس مقليه ,كاسين رز ابيض مسلوق بمويه وملح وملعقة زيت زيتون, خضار مشكله مسلوقه نصف سلق..
وصنوبر مقلي للتزيين ,وبصل مقلي..ربع كاسة موية ورد منقوع فيها شوية زعفران
ـــــــــــــــــــــــــــــــــــــــــــــــــــــــــــــــــــــ

نشوح البصل مع الثوم والزنجبيل مع زيت زيتون ثم اضيف التمر الهندي والبهار وملعقه صغيره ملح ثم اخلطها بالخلاط مع الزبادي .
وانقع الدجاج بهذي التتبيله والافضل يكون التنقيع قبل بيوم لاكن مو مشكله لو يكون قبل بساعتين .


بعدين اشوح شرائح بصل مع ثوم وزنجبيل وعود قرفه وقرنفل وحبات هيل



اضيف الدجاج مع التتبيله الى البصل واضيف قطع فلفل واقلبه واغطيه مدة عشر دقائق.






السائل اللي راح ينزل من الدجاج شيلي جزاء منه علشان تضيفينه للارز بالاخير
ثم اضيف الخضار المسلوقه نصف سلق الى الدجاج واتركه خمس دقائق ثم اضيف الطماطم المقطعه وبرش الليمونه واقلبه واغطيه واتركه لحد مايذوب الطماطم .
طبعا حيطلع مويه من الدجاج والزبادي والطماطم يعني مايحتاج اضيف مويه.



اغطيه لين تنشف المويه شويه .
ثم اضيف ورقات النعناع ,والكزبره وشيه بصل مقلي ومكعبات البطاطس واقلب واشيل نصف الخلطه


يتبع
182
19K

يلزم عليك تسجيل الدخول أولًا لكتابة تعليق.

تسجيل دخول

كوكو aaa
كوكو aaa
شكلة لذيذ كملي
لمسة الكادي
لمسة الكادي
بعد ماشلت نصف الخلطه اضع طبقه من الارز المسلوق واشيل شويه منه علشان اضيف له مصفر لتجميل الارز عند التقديم.





ثم طبقه من الدجاج وخلطته..
ثم طبقه اخيره رز واوزع فوقها باقي خلطة الدجاج السائله و موية الورد منقوع فيها زعفران..مع رشة بصل مقلي..


واغطي القدر واتركه على نار هادئه مدة ربع ساعه واضعه بطبق التقديم واجمله بالصنوبر المقلي والبصل والطماطم واوزع الارز الملون .
وبالف صحه وعافيه على قلوبكم واتمنى انه يحوز على اعجابكم
وهذا الشكل النهائي ...




((..ودمتم بحفظ الله..))
عالم الابتكارات
يسلموا
قمررررهم
قمررررهم
تسلم يدينك
sweet sun
sweet sun