السلام عليكم ورحمة الله وبركاته
العنوان لحاله يقول لكم اني مجنونة صح
والله اني اشوف اللي مريض يكون قريب من الله
وان المرض يكون كفارة لذنوبه
ودعوات الناس له تكون بالخير دايم
حتى يوم يموت يدعون له كثير
مثل حبيبتنا ام فيصل الله يرحمها ويغفر لها
قرأت مواضيعها
وخصوصا قصة مرضها
ولاحظت انها صابرة
واسأل الله ان يعطيها من خيره على قد صبرها واكثر
الاحظ ان البنات هنا يدعون لها بكل لحظة
ياالله
كل واحدة تمر على توقيع مكتوب فيه ام فيصل
دعوات دعوات
ياحظها بالدعاء
تصدقون
تمنيت اني أنال مثل دعائكم لها
تمنيت امرض :( عشان الله يكتب لي الاجر مع الصبر على البلاء
اخاف اموت يابنات وماتدرون عني ولااحد يدعي لي
اخاف اموت ويقفلون اهلي جهازي ولااحد يدخل يشوف ايميلاتي ويرسل لكل صديقاتي يدعون لي بالرحمة والمغفرة بوقت احتاج فيه الدعاء
اخاف اموت ولااحد يعرف يدخل هنا ويكتب ادعو لام جودي وعبودي
والله اني جالسة معكم ومستمرة هنا اولا عشان اطلب الاجر من الله
اساعد اخوات بالردود
وسامحوووني يامن رديت عليهم احيان بعصبية سامحوووني :icon33:
المشكلة نتحمس لوجهة نظرنا وننسى غيرنا
جالسة معكم هنا اثبت وجودي
ابي الاجر من الله
ثم عشان تتذكروني
ماابيكم تفقدوني ولاتسألون عني
اخاف اغيب عنكم شهور وسنين ولااحد يجيب لي طاري
احيان افكر بأم فيصل
يالله
شوفي الدعوات لها هنا
وكان لموتها قصص هداية لبنات كثير هنا
شوفي التواقيع اللي تذكرها بالخير
كل واحدة تدخل هنا بالفجر الظهر العصر المغرب العشاء اخر الليل
يدعون باستمرار
ادري مكثرة كلام
لكني افكر بحزن
ياترى يأم جودي
هل بيتذكرونك هنا؟
أم يحطون موضووع دعاء وينسونك وتروح مشاركاتك للصفحات الخلفية
وينسووووونك
بنات
ابي منكم شيء واحد الله يسعدكم
ابيكم ترفعون يدكم
وتدعون لي ولكل اخت هنا بالمنتدى
ان الله يثبتنا على الطاعة
وأن يرزقنا لااله الا الله عند الموت
ويحسن خاتمتنا
وان يجمعنا الله جميعا في جناته جنات النعيم
بنات
مااوصيكم
لاتنسوووووووني لاتنسووووني
والله اني احبكم واشارك هنا معكم دايم
لاجل ان تكون لي شهادة عند الله اني ساعدتكم لو بكلمة واحدة
الله يحفظكم ويخليكم ويخليني لكل غاليين
ويطول بأعمارنا على الطاعة
لاتنسووني أرجووكم من دعواتكم الطيبة الصالحة
فربما واحدة منكم دعوتها تكون بوقت مستجاب :26: :26: :26: :26:
ام جودي وعبودي
❤غلا سامي❤ @ghla_samy_1
كبيرة محررات
يلزم عليك تسجيل الدخول أولًا لكتابة تعليق.
انا زيزي
•
الله يخليك لعيالك ويحفضك ومثل ماقالت الاخت نحن نحبك في الله ام فيصل ماعرفها لكن تصدقين انا من مكه وقريت قصتها ويوم الجمعه اول مادخلت الحرم جات بالي ودعيت لها من قلب الله يرحمها تاثررت فيها بقووووه مع اني ماعرفت من ام فيصل الا بعد ما ماتت وقريت قصتها مع المرض وبنفس الوقت اشوف خالتي تعاني نفس مرضها الله يشفيهاااا
اختي انا زيزي
حتى انا ماكنت اعرف ام فيصل
ولاعرفت عنها الا بعد وفاتها
ومع هذا حبيتها وحزنت كثير على موتها
جزاك الله كل خير على مروروك الطيب
حتى انا ماكنت اعرف ام فيصل
ولاعرفت عنها الا بعد وفاتها
ومع هذا حبيتها وحزنت كثير على موتها
جزاك الله كل خير على مروروك الطيب
الله يغفر لنا ولك ولأختنا أم فيصل ووالدينا وأحبابنا جميعا ويتجاوز عنا ويختم بالصالحات أعمالنا ويجعل خير أعمالنا خواتيمها وخير أيامنا يوم نلقاه
الصفحة الأخيرة
أسال الله أن يختم لنا ولك ولأخواتنا بالخاتمة الحسنة وأن نلقاه وهو راض عنا..