السلام عليكن ورحمه الله وبركاته
اخواتى الغاليات
انا عضوه جديده في المنتدي
واتمنى اتعلم فنون واساسيات الطبخ واصير طباخه ماهره
انا متزوجه منذ 4 سنوات
لكن لأسف احيانا تضبط الطبخه واحيانا لا
دقيقه في المقادير وخاصه الملح احيان يصير مالح
اتمنى ان تفيدونى بالمقادير الدقيقه والطبخات وتكون المقاسات مضبوطه
ادرى طولت عليكم
ابي اتعلم انا اعرف اسوي الرز ويضبط
بس في شغلات ثانيه ماتضبط
اتمنى ريحه الحمسه تكون زكيه يعنى سابع جار يشمها
اتمنى منكن التعاون جزاكن الله خير
تحياتى
23-06-1431 هـ, 01:39 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
4 سنين والعمر كله إن شاء الله في خير وستر وعافية وسعادة

بالنسبة للملح حاولي تذوقينه أول أو قلي الملح وبعد ما تنتهي الطبخة ذوقيها وإذا تحتاج زيديها

وبالنسبة للحمسة

أول شيء سخني الزيت وبعدين أضيفي البصل وشمي الريحة وخليه يتحمر شوي بعدين أضيفي البهارات سواء مطحونة أو حب صحيح وحركي ولا تخلينها تطول علشان ما تحترق بس تتحمص وتقوى ريحتها
وأضيفي عليها الطماط وخليها تتسبك وبعدين حطي الملح أو الماجي
واذا هي حمسة لحم مفروم أضيفي الورقيات مثل الكزبرة والبقدونس والشبث ترى عطي نكهة رهيييبة

أما إذا بغيتي حمسة للرز

سخني الزيت وأضيفي عليه بصل مقطع شرائح وجزر مبشور وفلفل رومي وخليها تذبل شوي بس علشان تبقى قاسية ويكون طعمها لذيذ
وبعدين أضيفي الملح والفلفل الأسود ورشة كمون وطفي عليها الغاز وحطيها على الرز واستمتعي

وفيه هذي بعد جربتها وكانت مررررة لذيذة وطعمها ححامض حلو

اقتباس مشاركة




في موضوعي هذا ..



۝ .. مظبي الدجاج .. من مطبخ غزولة حصري لحملة " كُلّنا للجنوب " .. ۝



عملت خلطة الرز " الكشنة "


سهلة وماتحتاج أي جهد لكن بما إني صورت الخطوات قلت لازم أنزلها ..



المقادير ..


بصل شرائح + فلفل لو مقطع شرائح أيضاً
زبيب مغسول ومنقوع لمدة 5 دقائق في ماء حار ..
ملح + فلفل أسود + كمون .. بالكمية المرغوبة ..



الخطوات بالصور ..







نضع البصل في المقلاة ..



،‘








نضيف الزيت وحرك البصل حتى يذبل ويميل لونه للأشقر ..



،‘







الآن نُضيف الفلفل ونحركه قليلاً ..



،‘







نُضيف الزبيب ونستمر بالتحريك حتى لا يحترق ..



،‘







بعد دقيقتين نُطفيء النار ونضيف الملح والفلفل الأسود والكمون حسب الرغبة
ويخلط سويّاً ، ثٌمّ يوضع على وجه الأرز عند التقديم ..




،‘



نجي لسلطة الطماطم ..



سهله ما يبي لها زود شرح لكن للأمانة في العمل راح أعطيكم طريقتي ..







3 حبات طماطم + القليل من البقدونس والبصل الأخضر ..
فلفل حار حسب الرغبة
ملح + عصرة ليمونه + ربع ملعقة صغيرة خلّ ..


نخلطها سويّاً بالفود بروسيسور علشان تكون خشنة نوعاً ما ..


وبالعافية على قلوبكم ..

وهذي بعد

اقتباس مشاركة
بصل وصنوبر وزبيب
مع قليل من الزيت والبهار الخفيف مع الدارسين المطحون

و

اقتباس مشاركة
بالنسبة لي مجرب اكثر من طريقه وكلها تمام والحمدلله
بس الافضل فيهم هي التالي:
1-بصل ابيض مقطع جنحه
2-لوز
3-صنوبر
4-كاجو
5- بهارات (أي نوع)
6- ذرة زعفران
وملعقة سمن وفنجان زيت زيتون
اول تسخن الزيت والسمنه سوا بعدين تحط البصل حتى يتكرمل او بمعنى ثاني يصير اشقر بعدين زد عليه المكسرات والبهارات
واذا انحمس تماما رشة زعفران وسكر عليه بالقدر الصغير دقيقتين

وبعدين حطها على الرز في قدره وغطه لدقيقتين او اقل بعد
وراح تدعي لي ان شاء الله


وأي سؤال حاضرين
23-06-1431 هـ, 02:14 صباحاً
 
الله يعينك

وبداية الزواج حلوة وفيها قدور محروقة


الملح حطي قليل

ولما تقرب الطبخة تستوي ذوقي الملح
وان احتاجت زودي كمان شوي

مممم انا كنت اطبخ بقدور الضغط بداية زواجي وكان يحترق ويطلع فيه احجار سوداء هههههههههه


فصرت احيان اطبخ بالقدور العادية

عشان انتبه للطبخة

والحمد لله تعودت

قدر الضغط خليه للرز والكبسة والمضغوط

والبقية صلحيهم بقدر عادي مثل الايدامات والمكرونة


عشان تعرفين اذا استوت او لا

لازم كل بداية زواج تكون حوسة

اختي لها ثلاث سنين متزوجة والكبسة للحين مرة تطلع مويه ومرة تطلع محروقة

جربي طريقة القدر العادي لين تتعلمين المقادير


ربي يوفقك ويسعد حياتك
23-06-1431 هـ, 02:27 صباحاً
 
رفع لعيونك
23-06-1431 هـ, 02:33 صباحاً
 
مثل ما قالت لك اختي ورد الجوري
بالنسبه للملح حطي في البدايه كميه قليله وذوقيها وانصحك اذا مكتوب لك بالطبخه ملعقة ملح لا تحطيها لأنه تختلف الكميه حطيه بالتدريج لحد ما تذوقينه وتحسينه ملحه مضبوط
بالنسبه للرز على حسب الرز والكشنه والرزمثلا ابو كاس و الوليمه والنافوره عادي الماء اكثر منها ب2او اكثر شوي لانه يشرب ماء اما المهيدب والمها وابو خروف ما يحتاج ماء كثير
المنكهات عندك في نهاية طبخك سواء ايدام او رز اضع عود نعناع يعطي ريحه حلو
بالنسبه للايدام لملح ايدام احط مرقة دجاج ماجي اضبط مااحطه كله اقسمه واحطه يالتدريج وكل شوي اذوقه لحد مايضبط اما الطماط المخلوط حطي معه فص ثوم وشوي فلفل اخضر بارد رهيب يعطي ريحه وطعم الايدام لا تكثرين بهارات احسها يطلع فيه مراره انت طولي في الحمسه بالبدايه البصل والدجاج والخضار والطماط المخلوط بالثوم والفلفل وماجي وقللي كمية الماء واستخدمي قدر الضغط يستوي بسرعة بدون مايحتاج ماء كثير يضيع طعم الايدام
الرز حطي معه ثوم فص او حسب كمية رز يكون بدون ما تقطعيه علشان اذا خلص تطلعيه اثناء الغرف وحطي معاه فلفل اخضر بس حار يعطي ريحه وطعم حلو
وبالتوفيق ان شاء الله البنات ما يقصرون معك
23-06-1431 هـ, 02:38 صباحاً
 


الساعة الآن 04:01 .