Analysis Services
السلام عليكم

انا مصممة أزياء وحابه ابدأ في مشروعي الصغير لكن مادري راح ينجح او لا


طبعا المصممات اما يكون لهم مشغل او يشتغلون في البيت


انا بشتغل لا في مشغل لافي البيت


بشترك في عضويه تاجره وبعرض تصاميمي والبلايز اللي اصممها والجلابيات والفساتين لكن متخوفه من شيئين


الاول سرقه التصاميم وتقليدها


والثاني كيف اخذ مقاسات الزباين


طبعا انا بخيطها لزبونه واشحنها لها على عنوانها



بنات ابي رايكم لو كنتي زبونه هل تتعاملين مع مصممه عن طريق النت او تفضلي زيارتها في محلها


خايفه اشترك في العضويه ومالاقي زباين
23-06-1431 هـ, 10:29 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
طالما انك عزمتي ع الفكره خلاص توكلي ع ربي العالمين

بس ابدئي من البيت واعملي لك دعايه لانه صعب تبدئين ع النت اشلون يتعاملون معك الزباين؟

واذا ع الموديلات وتصاميمك اتوقع لازم يشوفون نموذج لشغلك عشان يتشجعون ويطلبونك...

موفقه يارب
23-06-1431 هـ, 12:20 مساءً
 
موفقه يارب
23-06-1431 هـ, 12:37 مساءً
 
مرحبا عزيزتي ..
الله يوفقك عزيزتي ..
انا مصممه وعندي خياطه فالبيت أستقبلت الزبائن ببيتي وصار البيت والعماره اللي أسكن فيها فوضى
والزبونات يجن بأي وقت وبداعي وبدون داعي أحيانآ بعضهن بس بيتفرجن وتحسين مو عارفات وش يبن ..
وتضايق زوجي من هالوضع ورفض أستقبل أحد بالبيت واللحين أعرض لزبوناتي أني أتقابل معهم برى بمكان يناسبهم يجيبن المقاس
ولا وحده رضت بهالشي أبد ويقعدن يتريقن وغير كذا تشكك فيك بكلامها مع اني بنت بلدهم والمفروض الثقه موجوده ..
وبالنسبه للتصاميم أغلب الناس ماعندها لاذمه ولا ضمير وربي كثير طلبوا مني تصاميم وأنا أقعد باليوم واليومين أرسم وأطلع أفكار
ولحطيت التصاميم يعجبهن مره ويطلبن أشرحه وانا شرررررررح وأقعد معهن بالساعتين والأربع وأعطل أشغالي وآخرتها كلهن يروحن ولا يرجعن والله العظيم أنصدمت ناس ماتخاف الله ..
ياأختي بهالزمن ماعاد تثاقين بأحد ..
أحسن لك إذا عندك راس مال خيطي فيها وأعرضيها ببوتيك أحسن لك وإلا تعاملي مع مشغل ..

معليش طولت عليك بكلامي بس أنا مجربه وقلت أفيدك ..

الله يوفقك ويسعدك ان شاء الله ...
23-06-1431 هـ, 03:29 مساءً
 
السلام عليكم

انا مع اخت حايرره في كل كلامها , الناس صايرين لا عندهم ذمة ولا ظمير ولا يقدرون كيف الوحدة تتعب علشان تصمم وتخيط

والتصميمعن طريق النت في ناس راح تطلب وبعدين يمكنتقول ما عجبها الشغل وتعبك راح يروح عليكي

اذا بتعرضين عرضي بعد ما تخيطين وعرضي موديلاتك القديمة بس علشان ياخذون فكرة عن نوعية شغلك وحاولي تصمميين اول شيء للاهل و الاصدقاء ويسون لكي دعاية

الله يوفقك وييسر عليكي ويرزق ويسخر لكي من يساعدك آمين
23-06-1431 هـ, 05:45 مساءً
 


الساعة الآن 04:36 .