العام مع الفطور اسوي مرقة السحور واطفي عنها واخليها ولاجت الساعه 3 كبست الرز والحمدلله ارتحت كثيييير
خليت شغلي مررره وحده..
اطحن..
(سكر..فستق..بسكوت..)
وآسوي..شيرة وتوفي..
واللف كل يوم بيومه وقت النهار طويل رمضان هذا الله يبلغنا..
24-06-1431 هـ, 03:02 مساءً
 
رفع نفس ا لمعنااه مافي وقت في نهار رمضان احسه يضيع وقتنا بلمطبخ يالا نبي تفاعل وحلول اكثر طبعااا بعد اذن صاحبت الموضوع
24-06-1431 هـ, 03:24 مساءً
 
الله يبلغنا رمضان..

أنا أرتب من رجب..

أدري بتقولون بدري..بس حنا نصوم من رجب..رجب كل خميس وجمعة..وشعبان من النص..

أبوي تعود يصوم تطوع..وحنا من صغرنا تعودنا مثله..لأن له عادات وأجواء حلوة..يحسسنا إن أحلى شي بالدنيا إننا نصوم..

طبعاً أبوي وأمي يصومون رجب وشعبان ورمضان..

بس أبوي يقول لنا لا..عشان عندنا دراسة وأعمال..فنصوم خميس وجمعة..



ونظامنا يومياً..

نجلس بدري قبل صلاة الظهر بساعة على الأقل..

نطلع اللحم أو الدجاج أوغيره..يذوب ونجهز وش بنسوي..

ونجلس نقرأ قرآن لحد ما يأذن الظهر..نصلي..وندخل المطبخ نبتدي..

نجهز أول شي اللي ياخذ وقت..نقطع الخضار والبصل..ونسلق اللحم أو الدجاج..

نجهز العجينة..

طبعاً السمبوسك يوم بيوم..بس المسبوس نلفه قبل..وكل يوم نطلع اللي يكفينا..ونحسب لكل شخص وحدة..

نسوي الفطاير..والشوربة..وإيدام..وطبق..بالإضافة للقيمات..ونوع سلطة..

عجينة اللقيمات نسويها تبقى لـ3 أيام..كل يوم نطلع منها شوي بملعقة..ونخلي الباقي بحافظة مسكرة بالثلاجة..


طبعاً كل الكميات نسويها حد الحد..ما نزيد..إلا إذا في ضيوف..


وبنفس الوقت..نكشن ونجهز للسحور..بعدين يبقى علينا بس نسوي الرز..ونجهز السلطة مرة وحدة..

هذا كله يصير قبل صلاة العصر..


بعد الساعة 4 ندخل نكمل شغلنا..

نلف الفطاير..والطبق إن كان نكرونة أو شي يحتاج ينخبز بالفرن..ونسوي حلى..
ونقلي اللي يحتاج قلي..

الحلى ياكلونه بعد صلاة العشا..فيمدينا نسويه العصر..

وإذا كان شيز كيك أو شي يحتاج وقت طويل بالثلاجة..نسويه من الليل..

وقبل الشهر نلف أصابع السمبوسة بالجبن...وشي بالقرفة..وفطاير النفاح..والباي..عشان لو مالنا خلق نسوي حلى أو عندنا ضيوف..نطلعهم..

وأحمس حليب وطحين..وباقي الأخباز أفرمها بالخلاط..بدون ما أحمصها..وكلهم بحافضات مسكرة زين بالفريزر..

بتقولين ليش ما احمص الخبز..لأنه لو تحمص مع القلي بيحترق بسرعة..بس بدون تحميص..بيطلع ذهبي..وحلو..


طبعاً الحليب والطحين والخبز هذي طول السنة..ما تنقطع من الفريزر..

وأسوي بتي كروكر بدون بيض..نفس الخلطة تبع العلبة وفيها زيت ومويه..وبكن بودر وفانيلا..وملعقتين طحين..أخبزها وأقطعها شرايح..وبالفريزر..أسوي فانيلا وشكولاته..وقت الزنقة أطلعها وأكمل الحلى..

سواء حلى كاسات أو شيز كيك..أو أي شي يحتاج كيك..

طبعاً ما أخليها أكثر من إسبوع..أصلاً ما يمديها..خخخخ

بالنسبة للطماط..أفرم منه كمية..وشي أخلط معاه بقدونس وكزبرة..وماجي..

وشي بدون..

والجزر شي أبشره..وشي أقطعة مستطيلات..وشي مكعبات..وكل نوع بكيس مسكر زين..وبالفريزر..وقت ما أحتاجه أطلعه..

ما أحب أطبخ الكشنات وأفرزنها..وبما إني أعرف وش بسوي بدري..أطلع كيس أول ما أجلس من النوم..يديها تفك الثلج..وتذوب..

وأستخدمها للشوربات والمكرونة والإيدام..


بكذا مع صلاة المغرب نكون مخلصين كل شي..ونجهز السفرة..وكل وحدة تروح تتروش وتتجهز للصلاة..

نصلي ونقرأ قرآن على ما يجون من المسجد..ونفطر..ونغسل الصحون مباشرة..عشان ما ننشغل طول الوقت..

ومن بعد الفطور..إلى قبل السحور بساعة..عندنا وقت فاضي لأي شي نبي نسويه..

سواء عبادة..أو طلعة..أو زيارة..أو نروح لأماكن تسوي برامج ومحاضرات دينية..


طبعاً هذا النظام من قبل زواجي..ولهالحين ماشيه عليه فبيتي..وبما إننا نفرين ونص..لأن بنتي عمرها سنتين..فيكون عندي وقت فراغ أكبر..

يمديني أسوي طبق زيادة..وكل يوم أودي لناس أعرف إنها محتاجة..

وبما إن زوجي مو مرة مع الحلى..أسوي الكمية وأقسمها نصين..شوي لنا..يعني حد إثنين أو ثلاثة..والباقي لأهلي..أو أخذه معاي بيت جدي مع جمعة عماتي..


قبل وقت السحور بساعة..أكمل الرز..وأجهز السفرة..










في أمان الله..
24-06-1431 هـ, 03:41 مساءً
 
رفع
24-06-1431 هـ, 04:53 مساءً
 
رفع للفائده
24-06-1431 هـ, 08:45 مساءً
 


الساعة الآن 09:44 .