الرجاء من الأخوات..
وضع الوصفة بالقسم المناسب لها.. واي موضوع يوضع
بقسم أطباق عالم حواء نضع هذا الشعار مع اغلاق الموضوع نرجو الالتزام:


مثلا الحلى والكيك بقسم الحلويات الشرقية والغربية
الطبق الرئيسي بقسم عزيزة الساخنة
الفطاير والمعجنات بأنواعها بقسم المعجنات والمخبوزات والسندويتشات
العصاير والخفايف والسلطات بقسم السلطات والمقبلات والمشروبات
التجارب من عالم حواء بقسم الأطباق المجربة



¨°o.O ( شاكرين لكم تعاونكم ) O.o°¨





مساااااااااائكم زنبق

طبعا هالمكرونه سويتها لزوجي مره غدا وعشاء بنفس الوقت طبعا الفتها من راسي

والصدق اني ابلشت عمري كل يوم يقول المكرونه البنيه سويها

مالكم بالطويله ياحلوين

المقادير//

نصف باكيت مكرونه طويله انا استخدم العلالي

نصف حبه دجاج

بصله مفرومه ناااعم
نص حبه طماطم مطحونه

عودين قرفه
حبه بطاطس كبيره مقطعه مكعبات

حبتين ماجي يعني بكت واحد

بهارات مشكله ((فلفل اسود -كمون-بهارات مشكله_كركم))


الطريقه//

تحمسين البصل لحد مايقارب لونه البني الفاتح لان درجة تحمير البصل هي اللي بتعطيك لون المكرونه

تضيفين له عودين القرفه وهو يتحمس واذا قرب لونه يشقر حطي البهارات كلها واذا وصلتي للدرجه المرغوبه حطي نص حبة الطماطم المطحونه وماجي وخليها تتسبك شوي واضيفي الدجاج انا قطعته زي اللي في الصور وزيدي مويه الين ينغمر وخليه يطبخ 10 دقايق تقريبا واضيفي قطع البطاطس وخليهم الين تتاكدين ان البطاطس استوت والدجاج راح يبقى معك شوي مرق طلعي البطاطس بمشخل وجنبيها .. وطلعي الدجاج وجنبيه ..

طبعا المكرونه تسلقينها بمويه وملح شوي لاتكثرين ونقطتين زيت وخلييها الين تستوي وطفي

تجيبين المكرونه وتحطينها بالمرق اللي بقى معك وتخلينها تطبخ على نار هاديه وتتشربه

على ماتشرب المرق خذي مقلى تيفال وحطي زيت شوي وخليه حار مره واقلي الدجاج فيه اذا خليتيه حر ماراح يطول بيعطيك وجه للدجاج بسرعه وحطه على ورق النشاف

حطي البطاطس مع المكرونه وخليهم مع بعض اقلشي خمس دقايق
انا قدمت معها سلطه الخيار باللبن والجزر والليمون
واغرفيها ورصي الدجاج عليه وبالعافيه عليكم جميعا

وهذي الصور

سامحوني لو في اخطاااء املائيه ولدي الله يصلحه الا بيكتب معي
الملفات المرفقة
نوع الملف: ١٧٠٨٢٠٠٩٢٣٨٢.jpg‏ (30.1 كيلوبايت, المشاهدات 950)
نوع الملف: ١٧٠٨٢٠٠٩٢٣٨١.jpg‏ (22.4 كيلوبايت, المشاهدات 942)
24-06-1431 هـ, 05:33 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ماشاء الله

سبحان الله
الحمدلله
لا اله الا الله
سبحان الله وبحمده
سبحان الله العظيم

لاحول ولاقوة الابالله
استغفرالله العظيم
ان اردتي تحقيق الى تتمنيه بإذن الله
http://forum.hawaaworld.com/showthread.php?t=2334581
24-06-1431 هـ, 05:38 مساءً
 
روووعه

وتسلم يمناااك وشفتها بكتااب الطبخ المميز واسمهاا كبسة المعكروونه
24-06-1431 هـ, 05:41 مساءً
 
اقتباس مشاركة  (موكا فراوله)
روووعه

وتسلم يمناااك وشفتها بكتااب الطبخ المميز واسمهاا كبسة المعكروونه
الله اجل انا مشهوره والله اول مره ادري انها موجوده بكتاب يالله منكم نستفيد
24-06-1431 هـ, 05:45 مساءً
 
يسلمو
24-06-1431 هـ, 05:46 مساءً
 


الساعة الآن 02:08 .