Analysis Services
كتبت الرد وانحذف وعشانك عدت من جديد
جهزي مواعين القهوه والشاي والتمر والسفره قبل بيوم
سوي رز ودجاج او لحم او سمك وبامكانك تجيبي من برى
سوي نوعين سلطه
نوع شوربه
محشي كوسه وبطاطس قبل بيوم يوم العزيمه بس اطبخيه
صينية دجاج او خضار هذي لذيذه وانصحك فيها قطعي صدور دجاج بالطول زي الكودو وتبلي الصحن الواحد له 2ملعقه مايونيز و2ملعقه كاتشب وبهارات وملح وخليها ع جنب بامكانك تتبلينها من الليل بعدين رش بقساط اللي هو فتات الخبز وقلبي الدجاج الى ان يتغطى الدجاج دخليها الفرن الى ان يستوي وكل شوي حركيه اقلي بطاطس اصابع متوسطة الطول وقطعي فلفل بارد ملون بالطول حطي بالبايركس الدجاج طبقة بعدها البطاطس بعدها الفلفل بعدها قشطة الخفق تلقينها بالسوبرماركت دخليها الفرن فبل العشاء بربع ساعه اذا طلعتيها رشي ع الوجه بقدونس مفروم وقدميها مع خبز
سوي نوعين حلى بارد وعصيرات او نوع حلى بارد ونوع سلطة فواكه جيبيها جاهزه من المطاعم
لو حابه كبه عطي المطعم صحن التقديم ويصفها لك ورق العنب ياخذ وقت والرجال مو حريصين عليه زي الحريم
اي سؤال انا بالخدمه ع الخاص
25-06-1431 هـ, 01:13 مساءً
 
شوفي انا من زمان عن العزايم بصراحه\
بس الرجااال ماياكلون كثير اذكر احط اشياء وهم ماهمهم الا الرز تقولين ماعمرهم اكلوه سعوديين ماعليهم شرهه

انا اقول حطي رز ولحم او دجاج وسلطه بس تكون غريبه شوي يعني حطي معها كراااث ....أمزح
وبعدين مصقعه طبعا مع خبز احس الشباب يحبونه
ومكرونه بالباشميل لانها تواجه الا اذا كانوا يحبون المكرونه الحمراء مع اللحم
وبس لاتكثرين نصييييييييحه ترى الشباب مو زي الحريم يحبون الخرابيط ويدققون
وحطي حلا عشاء واحد بس لاتكلفين على نفسك انت لحالك وتبي تراكم عليك الدنيا الا اذا كان عندك شغاله مو مشكله حطي نوعين حلا
ووشولوا الاسراف ومن اللحين اقولك مااحد اكل كثير<<<وحده واثقه
لانهم يبي يظربون بالحلا حق القهوة وبعدين شاي وتبي تنسد انفوسهم
انت اهم شيء جملي السفره يعني رز وفوقه بزاران وكشنه وحركات زمكرونه بالباشميل ومصقعه وخبز مقطع بطريقه حلوة ونوعين سلطه واخيرا حلا العشاء
اهم شيء تجميل السفره ومناديل السفره وطريقة صف الخبز والليمون فوق الرز وخلاص
وفطاير وبيتزا ووورق العنب لاتحطينه ولا شوربه بيقلون لك حنا برمضان ههههه نصيحه ماراح احد ياكل<<<<مصره الاخت
وعلمينا وش يصير واي مساعده امري وتدللي ان بغيتي اجي اساعدك
25-06-1431 هـ, 01:17 مساءً
 
أقول حالك من حالى
وش رايك تسيرين على <<<< برااااااا
25-06-1431 هـ, 01:37 مساءً
 
اقتباس مشاركة  (موناليزا القصيم)
شوفي حبيبتي انا متعوده على العزايم هازي اواختنا طفله نست تكبر ماقصرت والباقين بعد بس انتي حددي ايش ودك تسوي واهم شي لاتجربي حلى اول مره تسوييه
او اي شي وانتي بتطبخي العشاء بالبيت يعني مفطح انا اساعدك بالطريقه وتخليك ماتفشلين ابد بازن الله ولاتكثرين حلويات الرجال مايحبونها مثلنا يالحريم اهم شي ركزي على الطبق الرئيسي وحطي كم نوع سلطه وفيه عصير راح اقولك طريقته راح ينهبلون عليه كل عزيمه عندي لازم اسوييه وازا تبين ارسل لك صورة اخر سفرة عشاء زينتها هاتي ايميلك على الخاص وارسلها لك لاني ماعرف انزل الصور هني واتمنى اني افدتك باللي اقدر عليه وسلامة عمرك
ياحبيل قلبك ارسلت لك الايميل بالخاص الله يجعلة في موازين حسناتك ابغى طريقة العصير اذا ماعليك كلافة
25-06-1431 هـ, 02:24 مساءً
 
اقتباس مشاركة  (كلاسيكية الغروب)
حبيبتي جيبي الرز من برا مندي او مضغوط وريحي نفسك
هههههههه اجل سبقتس وقلتوراة ماتعزمهم بالمطعم مير انة تسعمن
25-06-1431 هـ, 02:25 مساءً
 


الساعة الآن 11:30 .