الكنب و الموكيت وإطارات اللوحات جميعها بني محروق .. فما الحل ؟؟؟

خواتي بنات عالمنا الرائع بنات حواء
أبغى مساعدتكم في تغيير بعض الغرف في بيتي واتمنى انكم ما تطنشوني مع زحمة العيد لأني والله العظيم متضايقة مرة وما أعرف شو أسوي لأني ما أعرف كثير بهاالشغلات .
أولاً أحب أقول أنا متزوجة من سنة وشوي وأول ما دخلت بيتي فيه كثير غرف ما عجبني أثاثها :29:ولا تنظيمها بس يوم كلمت زوجي بالموضوع قال والله يابنت الحلال أنا تقريباً مفلس بعد العرس ومصاريفه لأن فكرتي كانت نبيع هالعفش اللي جايبينه امه وابوه ونشتري عفش على ذوقي :55:
المهم يوم شفت الوضع كذا قمت اتشكى للوالدة الله يحفظها وقامت قالت لي : لا تضغطين على الرجال هذا مو بيت ملك تسوون فيه اللي تبون لا صار عندكم بيت ملك انزلي السوق وقضي بنفسك وبذوقك لكن الحين عدلي وبدلي أشياء بسطة لين يقرب منظرها من اللي تبينه :(
قلت حاضر يايمه ومالي بعد الله إلا بنات حواء الغاليات ( طولتها وهي قصيرة )
أول غرفة صالون:- الكنب بني محروق على سكري فاتح ( بس الغالب البني المحروق ) وتصدقون عاد وش لون الموكيت ؟ بني غامق أقول لميمتي دايم إن ها لغرفة تسد النفس واللي بيجيه اكتئاب يجي يتفضل عندي أبجلسه بها الغرفة وما فيها ألا طاولة بالنص خضراء (ماأدري وين فازع اللون الأخضر ) ويحلف زوجي إن أبوه أخذها بثلاثة ألاف وعلى الطاولة فية زهور صناعية حلوة مرة لونه مشمشي تقريباً وعلى الجدر فيه لوحتين صغار إطارها بني محروق جداً (لمزيد من الإكتـئاب ) ياكرهي لها الغرفة
عاد الحين يا حبيباتي أبي فزعتكم الله يرحم والديكم شورو علي وش أعدل وأبدل بها الغرفة عشان تصير تفتح النفس ويوم أدخلها ما أصيح :06: