مرحبا

زوجي بحري يموت بالأسماك والربيان وغيره

ابغا طريقة ربيان اصلحها مع الرز


وسمك مع الرز

وبالتفصيل تراني ما ادل درب المطبخ اصلا ..

حتى التنظيف وغيره ما اعرف
وعندي صدور دجاج مجمده كيف استخدمها افوحعا ولا كيف اذا بسويها بحمسه


واذا بستخدم نصفها والباقي برجعو الفريزر قالو اذا ذاب ورجعتيه يسبب تسمم اجل كيف



وابغا طريقة رز مجربه وفواحه وطريه ولذيذه الرز اصلحو يطلع زي العجين

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
السمك على حسب نوعه شئ حلو مقلي وشئ بالفرن وشئ صيادية
الربيان مجفف ولا طازج ؟
اذا مجفف سويه كبسه واذا طازج قشريه واسحبي الخيط اللي فية وغسلية وانفعيه
احمسي بصل جوانح وزيت وملح وبهارات وطماط وفلفل بارد وحطي الربيان وخليه لين يستوي قصري عليه وقلبيه عند التقديم حطي كزبره وبقدونس مفروم تقدم مع خبزاو رز ابيض
او سويه مقلوبه احمسي بصل وزيت وبهارات وطماط وحطي الربيان وقلبيه لين يستوي واسلقي رز ابيض بعدين حطي طبقات رز ربيان وقصري النار
الدجاج فيك تسلقينه وبعدها تقطعينه او قطعيه بعدين احمسيه
اذا طلعتي الدجاج سوي الحشوه كلها والباقي من الحشوه حطيه فعلبه وحطيه الفريزر
الربيان مجمد



رفع
اختي في الله السمك انواع فالزبيدي افضل شيء له المطبق والشعوم حلو للمرق والمطبق وهكذا بس ابي اعطيك نقطة مهمة بالبحريات وهي البهارات اذا كثرتي تطلع مو حلوة الطبخة واذا قللتي تكون زفرة فاول شيء اغسليها زين وضعي عليها الملح والليمون وانا استعمل بهارات السمك تبع شركة كويتانا والله انها روووووعة وتبعد الزفر نهائي وانا لا اضع غيرها واذا مو موجوده اضع بهارات السمك لمجدي واليك طريقة السمك
هنا انا غسلت السمك وتبلته بالليمون والملح والبهارات ثم حشيتا بحشو وهو عبارة عن بصلتين وشدة اشبنت و شدة كزبرة مفرومتين ناعمتين ثم وضعت عليها من البهارات و الملح وقليل جدا من عصير الليمون المهم وخيطتها عشان ما تطلع الحشوة منها وانا اقليها وقبل لا انزلها بالزيت افركها من جديد بالملح واضعها بالزيت عالطول وهذا شكلها بعدالقلي



ثم اعمل الرز بان احمس بصلة صغيرة مع بعض حبات الهيل واعواد الدارسين وقليل جدا من البهارات (بهارات السمك )واضع الرز وقبل ان ينشف ماءه ابعد نصف العيش من القدر واضع الباقي من الحشو على النصف الموجود بالقدر ثم اضع السمك ثم باقي الرز واتركه على نار هادئه لمدة من ربع ساعه الى نصف ساعه ويقدم بالهناء و العافية




هناالرز وعيه باقي الحشو


وهذا شكله النهائي اتمنى من الله اني اكون افدتك ولكن بحق هذا الطبق لذيذوشكرا

للرفع


الساعة الآن 07:56 .