السلام عليكم ....

أهلين بنات ...... أدري الكل يمكن مايعرفني لأني والله سجلت بالمنتدى قبل فتره
بس ماشاركت بأي شيء ....
وأشكر كل من يكتب بعالم حواء لأني من جد استفدت كثير منكم ...
ولأني استفدت كثير ... حبيت أفيد اللي عندهم التهاب بالبول ولا لقو علاج ....

أنا من اربعه شهور متزوجه ... وتعرفون التهابات العروس و و و ....
المهم كان عندي التهاب بالبول
جربت المضاد ... والفوار الأصفر بس ماكنت أطيقه ... وعلاج مدري وشو ...
المهم كانت الحاله تروح وتجي ... وقبل ماتجي تجيني الالام فضيعه ... ثم تستمر معي الالام لأسبوع ..
أحس بفشله من زوجي كل يوم وأنا طايحه ...
المهم فآخر شي قامت أمي الله يجزاها الجنه قالت يمكن عندك التهاب بالأرحام ماثر على البول ...
فسوت لي علاج الخواجوا وقالت استخدميها اسبوع من غير ماتحطين عطور حتى زوجك لا يحط والبخور بعد اتركيه ..
وفعلا الحمد لله من أول ثلاث مرات راحت الالام ..... واليوم الخامس راحت الريحه الكريهه اللي بالبول ...
من جد راحه نفسيه ... الله يجزى الوالده خير ...


عموما طريقه عمل الخواجوا ...

كوب زيت صغير ( حق جبن المراعي الصغير ..) + بياله خوجوا تلاقونه عند العطار لونه أحمر ..+ كسره مره متوسطه + وكبرها حلتيته ...

تغلين الزيت شوي ثم تحطين الخوجوا والمره والحلتيته ....... ثوانيي وترفعينه من النار ...
تخلينه يبرد وتصبين شوي منه على الفوطه (حقت الدوره خخخخ) وتلبسنها ساعتين ..
والباقي خليه بالثلاجه .....
طبعا العلاج هذا لالتهاب الارحام ... صدقوني حتى الالام ظهري راحت ... وبطني .....

طلع البلا كله من ارحامي لأني أتعطر أيام الدوره .... ولا آكل شيء يمنع الالتهاب ...
طبعا ينفع للبنات لأني كنت قبل استخدمه إذا حسيت بالتهاب ....

وأي سؤال انا جاهزه ............ بس اعذروني مارايح أرد إلا يوم الأحد .. لأني مسافره ... بس حبيت أفيدكم ..

وادعوا لي بالذريه الصاااااااااااااااالحه وان الله يرزقني العيال ...  
26-06-1431 هـ, 03:53 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
شكرااااااااااااااااااااااااااااااااااااا
26-06-1431 هـ, 05:41 مساءً
 
الله يوفقك ويرزقك بالذريه الصالحه
26-06-1431 هـ, 05:47 مساءً
 
جزاكى الله خير وجعلها الله فى ميزان حسناتك
26-06-1431 هـ, 06:36 مساءً
 
مشششششششكورة الله يعطيك العافية
انا اعاني من التهاب البول
والطريقة مررررررة سهلة
13-08-1431 هـ, 04:44 صباحاً
 


الساعة الآن 07:38 .