Analysis Services
  • «
  • <
  • 1
  • 2
  • 3
  • 4
  • >
  • »
رفع
طيب ابحثي بقوقل طريقه عمل الملفوف
27-06-1431 هـ, 08:37 مساءً
 
حبيبتي حطيه بالفريزر وراح يلين معك
والصلصه تعطيها لون أحمر يعني حطيتيها والا كله واحد
27-06-1431 هـ, 08:38 مساءً
 
انا اشوف البنات في المنتدى حاطين عنه بس للاسف ليش اللي تعرف ماترد ماادري عاى العموم لكن الف شكر
27-06-1431 هـ, 08:44 مساءً
 
يا اختي العزيزه انا توني راده ع موضوع نفس موضوعك قبل 6 ساعات وكنت كاتبه الشرح كامل كيف يكون بس للآسف ما حصلته عشان انسخه لك ..لانو ما عندي وقت بس عشانك برجع اكتبه مع اني مضغوطه

لالالا اشوى لقيت الرد بنسخه لك
انا اعرف >>>>>>>>>>>مبسوطه اني اعرف
الملفوف سر المهنه عندي ..
شوفي ياقلبي الملفوف يتكسر ومستحيل ينلف زين الا بطريقه وحده (هذا الي اعرفه)
جيبي الملفوفه وفككي الشرايح من بعضها ...(كيف تفككينها ؟؟ قصي القاعده الي تحت بالسكينه وفككي الملفوفه شريحه شريحه ابتداء من الي قوق لين توصلين للب الي داخل لانه ما تجي شريحه كبيره يعني استغليه بالسلطات او اي شئ ثاني <من دون ما تفرزنينها لانه يكسرها>)
عقب جيبي قدر كبير وحطي فيه ماء حار وملعقه ملح (من دون زيت لانو الزيت يفككها بعدين )
ويفضل تكون الملفوفه كبيره عشان تكون الشرايح للملفوف كبار وتقدرين تاخذين راحتك مع اللف

المهم اسلقيه شوي يعني لين تذوب الشريحه حقت الملفوف
عقب جيبي الحشوه وحطيها في شريحه الملفوفه ولفيها عادي نفس بف الورق عنب او لف السيبرنج رول...

واول ما تخلصين لف لالالالالالالا تسلقينها بقدر

جيبي صينيه نفس صياني الكيك وتكون معدن مدري حديد المهم انها عادي تحط ع الفرن من فوق وحطي فيها بصل وطماط مقطع وبهارات وملح وواهم شئ اللومي الاسود يطلع نكهه جنان
وصفي الملفوف في الصينيه وحاولي انها تكون مرصصه ومتلازقه جنب بعض وحطي عليها مويه شوي شوي لين تستوي ......

وبــــــــــــــــــــــــــــ ـــس بالعافيه على قلبك
تقبلي مروري واتمنى انك تسوينها نفس كذا وتضبط معك وتدعين لي
ادعي لي انه يتحقق الي ببالي ..

ويارب يضبط الملفوف معك


(ونسيت اقولك في البدايه كيف تفككينه قصي الي تحت في الملفوفه وابدي انزعيها شريحه شريحه وبالهداوه عليها وترا الملفوفه الوحده تستفيدين بس من الي برا يعني اذا جيتي واصله للي داخل قوه خلاص ما عد ينفع يعني الي بيبقى خليه لسلطات او ايشئ ثاني )





هذي صوره الملفوف انا مسويته (اذكروا الله )
الصوره قبل نزلتها اختي بالمنتدى في موضوع كانت سفره كامله
بس لا تنسين تزينينه بالليمون ..
تعبت لين حصلت الصوره والشرح >>>عجازه


المهم اختي اتمنى انك تستفيدين من كل ذا الحسي وتكونين فهمتي على شرحي المتواضع ..

عالعموم ادعي لي ان الله يوفقني في امتحاناتي مابعد فتحت ولا ماده ...الله يعين

وان شا ء الله رح انزل بعد الامتحانات طريقه الملفوف بالصور لاني لاحظت كثير ما يعرفون له ....


تقبلي مروري الطويل ودعواتي لك بحفظ المولى ورعايته ..
27-06-1431 هـ, 09:56 مساءً
 
رفع
27-06-1431 هـ, 09:56 مساءً
 


الساعة الآن 12:20 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏