يارب مايكون احد نزل مثل هذا الموضوع ..
نفسي اعرف ليش المشرفات مايحطون مواضيعي من المواضيع المميزة ؟؟؟؟ :angry:
متى يجي اليوم والاقي نفسي فيه محررة ماسيه :icon28:؟؟
الله يرزقنا الجنه بس ..
هذا ياطويلات العمر ..
قال ضحكت من قلبك ؟
قال أيييييييييييه :)
قال ركبت الباص ؟
قال لاااااااااااااا :09:
قال أجل ما ضحكت من قلبك خخخخخ
الباص وما ادراك مالباص :3_10_6: هذا هو خخخ
خبرتي معه لها تقريبا 14 تشمل جميع مراحل الدراسه من رابع ابتدائي الى يومكم هذا .. طبعا من قبل كنت امشي لكن تعرفون الشباب كيف يغازلون بنات الإبتدائي ولذا قررت اجي في الباص (ازعجوني ذا الشباب ) :42: خخخ
اول موقف لي ..طبعا وانا صغيره أولى متوسط من الطفاقه كنت راكبه سياره فان ( اللي ما يعرفها سياره كبيرة فيها فتحه بين السواق واللي جنبه ويستفاد منها بوضع شناط المدرسه خخخخ)وكان السواق بينزل بنت وانا بعدها .. وانا طفشاااااانه ودي انزل بسرعه الا بيت البنت نازل على تحت فيوم جاء يوقف اخذت شنطتي ( اتجهز للنزول بعدها ) الا ومسك فرامل وشوي الا وانا اشوف رجول السواق وهو مييييييييييت ضحك الله يسعده شايب فلاوي تخيلوا كنت على المقعد وشوي الا وانا اطيح على وجهي في هالفتحه الله لايعيدها واتلخبطت الدنيا طاحت العبايه والطرحه على وجهي وحالتي حااااااااااااله خخخخخخ
الموقف الثاني ..
في الكليه .. كنت سهرانه عندي اعمال وما نمت الا على الساعه 3 المهم السواق يجينا بدري كاننا بنروح ديرة:icon33: ثانيه المهم وصلنا الكليه والباص ما شاء الله مليااااااااااان نزلوا البنات ونزلت بعدهم ولسه ورايه بنات كثير .. تخيلوا بكل برود نزلت وقفلت الباب ورايه .. وبكل ثقه دخلت الكليه الا والبنات داخلين بعدي طيب والله لنسويها فيك مقلب على الصبح ؟ وانا ما ادري وش يقولون ومن وين طلعوا ( فايقاااااااااات يحسبوني انكت معاهم على الصبح ههههه) ومن البكرة نفس الشيء فيني نوووووووووووم الدنيا وانا قايله لأمي قبل لأطلع ما راح اصحى الا اذا اخذت لي كف على الصباح .. وفعلا يوم وصلنا عند باب الكليه الا وفتحت الباب اول وحده عشان اعرف ان باقي ناس وراي وتوي بأحط رجلي على الأرض الا والسواق فرررررررررررر يوه يابنات بغيت اموت من الخوف والله بغت رجلي تروح فيها لولا الله ثم وحده مسكتني من قفايه للي ما فهموا السواق مشي وانا حاطه رجلي على الأرض ( قولوا لي الحمدلله على السلامه هههه )
يالله كم مرة سواقنا صدم فينا .. وتحسبونه ينزل يطمن على اللي يصدمهم ؟ ابدا على طول يمشي واااااااااثق الخطوة والله محد يهمه ( طبعا دقه بسيطه خخخ ) ..
سواقنا هذا الله يحفظه ما لقي يسوي عمليه لعيونه الا وسط الترم .. فما كان فيه حل الا انه يوكل ولده :arb:السواقه .. ولده هذا اذبحيه بس لاتقولين له لاتسمع كلام البنات .. والبنات اذا اجتمعوا خبركم ما يحلا لهم الكلام الا فيما بين المرء وزوجه عاد ما انتهت السنه الا والولد مهيأ تماما للزواج خخخ والله كنت اقولهم حرااااااام تتكلمو كذا قدامه يقولون وش نسوي ما نقدر نسكت ..
المهم يوم من الأيام البنات مسوين لعبه وحده تقول بيت شعر والثانيه ترد عليها ( طبعا من المحفوظات خخخخ) المهم الا الولد كالعاده اذنه ناسيها عند البنات والله يابنات انه يمر من بيوت البنات وما يوقف وبعضهم ضيع بيوتهم .. مرررررررررررررة مركز مع البنات ومبسووووط من الشعر اللي يذوب والكلام الناعم ولما شافوا هذه النتيجه سكتواااااااااا بالمرة ونبهوه على اللي سواه ,,,
وفي يوم من الأيام كان عندنا سواق مسسسسسسسسسسسرع بكل ماتحمله الكلمه من معنى .. يعني ما يمديك تحطين رجلك داخل السيارة الا ومشي بسررررعه مو لازم تجلسين .. المهم جينا من البكرة ووحده من البنات ما ركبت معنا ويوم جينا الكليه الا هي قبلنا قلنا لها ليش ما جيتي معنا ؟ على طوووووووووول شفنا يدها كلها ملفوفه بشاش ليييييش ؟ لأن الأخ حجزها بين بالجدار والباص ولما مشي يدها على طوووول حكت في الجدار وصار لها ما لايحمد عقباه من الكف الى الكوع :( ..
وحده من زميلاتي تقول سواقهم كان يجيب لهم عصير في رمضان يقول عشان انتم بنات قاموا تركوه خخخخخ والله اني بموت عليهم من الضحك ...
يالله عاد هذا اللي تذكرته وان شاء الله اجيكم بالمزيد بس انتم لا تقصرون .. وهذه لكل حده ترد :26:
فور روز @for_roz
عضوة جديدة
لايفوتكم مواقفنا مع الباص .. وان بغيتي السياره ومو مشكله الطياره مواقف ضحك وخوف ونوم
46
4K
يلزم عليك تسجيل الدخول أولًا لكتابة تعليق.
وحده من زميلاتي تقول سواقهم كان يجيب لهم عصير في رمضان يقول عشان انتم بنات قاموا تركوه خخخخخ
ههههههههههههههههه
ههههههههههههههههه
الصفحة الأخيرة
انا داومت سنه وحده مع الباص وحرمت ادوام مع الباصات مااجي الا وانا معايه صداع من الفرفره
والله يعينك وييسر لك حبي
:26: