الله يبلغنا رمضان على خير
الفطور عند اهلي من عرفت عمري واهلي كذا
اهلي يحطون سماط واحد مره وحده عليه العصير التمر والقيمات وسنبوسه نوعين وشوربه وخبز امي تخبزه بس والحمد لله نعمه من الله
واحسه كثير علينا
اما اذا جاء ضيوف اجي من بيتي واسوي فطائر كم نوع عشان زيده الناس لان اهلي ما يكثرون
اقصد ما يزيدون الكميه هي هي ومع هذا يبقى
وانا في بيتي فيمتو زوجي ما يستغني عنه ابدا واصابع مقليه مع عسل وسنبوسه او مطبق وشوربه وبس والحمد لله على نعمه الله سبحانه الله لايغير علينا
لا اله الا انت سبحانك اني كنت من الظالمين
يارحيم برحمتك استغيث
بارك الله فيكم و الله يبلغنا رمضان بكل عافية و رضا
شوربة توت للفطور
ورز للسحور هذي لازم والباقي اختياري
الفطور يكون عبارة عن شوربة او هريس ومعجنات او سمبوسة شي اساسي يوميا بالأضافة الى نوعين مقبلات وطبقين رئيسين والفيمتو . والحلى اسوي 3 انواع يوميا يعني اسوي مثلا لقيمات وكريم كرمل وكنافة . والسفرة لازم تكون مليانة , والسحور يكون من الأكل اللي يتبقى من الفطور لاني اسوي كمية تكفي الفطور والسحور
اقتباس مشاركة  (ام بادي #)
اللي لازم واجباري سمبوسة اللحم والشربه عشان نحس انه رمضان
ونوع ادام وفول واي نوع معجنات وتمر وقهوه وفمتو ومالي في الحلى ما احبه وزوجي مايطلبه ولا عنده وقت يحلي زين اذا لحق يفطر
والسحور لاااااازم رز ودجاج او رز ولحم ولا ما نعد نفسنا تسحرنا مدمنين رز
هذا الكلام عند زوجي طبعا

في بيت اهلي كل مالذ وطاب الله يحفظهم يازينهم ويا زين عيشتهم الله يجعل بيتهم عامر ويبارك باعمارهم
يسوون شربه وسمبوسه وقرصان ولقيمات وصينيه في الغالب تكون مكرونه بأنواعها واحيان ادام وفول واحيانا سلطه مثل سلطة المقالي يعني السلطات اللي فيها شغل وتمر وقهوه والفمتو
والسحور رز ولحم او رز ودجاج اول الايام بعدين يملون ويتسحرون باقي الفطور



الله يشفيه يارب



الساعة الآن 02:25 .