يا حلو رمضان و يا حلو عاداته
كل يوم نطبخ نفس الاصناف بس طعمها في رمضان غيييييييييير
من جد الله يرحم حال الفقراء الي اذا كانوا ماكلين كلوا صامولية ناشفة مع كاس مويه
النظام عندنا شوربه لقيمات و نوع واحد مقليات تشريب لابوالعيال طبق للعيال حسب رغبتهم شورما بيتزا مكرونة اي شي و في الليل حلى بارد جلي كاسترد كريمه فقط صنف واحد و السحور يوميا لازم كبسة بدون لحم ولا دجاج مع زبادي
ودائما يضحكون علي عيال اسوي من دجاجة وحده السفرة كاملة اقوم اسلقا لدجاجة الموية اسوي منه الشوربة والتشريب واللحم فطاير شورما بس اللقيمات و السمبوسة ما دخلت فيها ها الدجاجة
الله يبلغنا رمضان و يتسلمه منا متقبلا
01-07-1431 هـ, 09:25 مساءً
 
احنا فطورنا برمضان الأشياء الاساسيه
رطب و قشطه و لقيمات و فيمتو و ماي
بعد الصلاه
شوربة الشوفان باللحم
سمبوسة لحم
و نضيف لها هالطبخات اللي كل يوم غير
ثريد + بيتزا
مكرونه + معجنات
جريش + أي نوع من أنواع صواني الخضار
و كريم كرامل أو أم علي أو جلي أو مهلبيه أو حلى
و ممكن أضيف نوع من أنواع السلطات
السحور
رز أو باقي الفطور نحميه
و سلامتكم
01-07-1431 هـ, 09:45 مساءً
 
الله يبلغني ويبلغكم رمضان اللهم آمين

اول شئ بتكلم عني وعن زوجي

فطورنا مره وحده

رطب او تمر مع القهوه

فيمتو حبيب القلب او تانج مخلوط مع سن كويك امممممممم تحفه

8 سمبوسات 4 جبن و4 لحم

لقيمات مو دايمآ واحيانآ جبنيه

شوربة كويكر بس واحيانآ استبدل الشوربه بالشعيريه

والسحور

كبسة اهم شئ مع جلي او كريمه او مهلبيه

واحيانآ لبن وحليب


اما اهلي

الفطور الاول

ليقمات وسمبوسه نوعين فرن ومقلي ( لحم . دجاج . جبن . كبده )

وانواع العصائر بين الطازج وبين الفيمتو والتانج

ورطب وتمر وقشطه وزبادي مع القهوه

الفطور الثاني

شوربة كويكر

شعيريه

مكرونه

حلي

محاشي وجريش احيانآ

بس ماشاء الله عليهم يسوون هالكميات علشانهم يفطرون عمال

والله يبلغنا رمضان هالسنه ويقبل طاعتنا جميعآ
01-07-1431 هـ, 10:16 مساءً
 
فطورنا مرحلتين : اول شي موية باردة وتمر وسمبوسة جبنة عشان يلحق زوجي يصلي بالمسجد
بعد مايرجع اكون مكملة تجهيز السفرة وتكون بسيطة بطلب من لانه ينغث اذا اكل فوق ال3-4 اصناف بوجبة وحدة فتلاقي السفرة يوميا عليها الاساسيات اللي يحبها (شوربة شوفان بدجاج والاغلب بلحم - سمبوسة جبن - فول - سلطة + طبق مختلف لكل يوم بس مو ضروري تواجده عند العيال وابوهم لكن انا يعتبر الاهم بالنسبة لي جنب الفول والسلطة وهو اما يكون (مكرونة (عادية او بشاميل) - ملوخية - سليق دجاج - مسقعة باذنجان - صينية خضار -مقلقل لحم >>هنا مايقاوم
واي اكلات حلوة من المنتدى هنا
والحلى لازم جلي احمر .... والمشروبات الشاي مهم عندنا والفيمتو اسااااااااااااااااااسي مافي رمضان بدون فيمتو وزوجي هو اللي يسوية
01-07-1431 هـ, 11:08 مساءً
 
السلام عليكم
التشريب اهم شي على السفره وبعدين العصاير والتمر وباقى الاطباق وكل عام وانتم بخير وعافيه
01-07-1431 هـ, 11:23 مساءً
 


الساعة الآن 07:08 .