عارفة اني ثقل عليكم

تعرفون الوحدة فينا اذا تبي تسافر ودها تروح كل مكان زين ولاتفوت عليها اي شئ

والأهم انها اذا رجعت قالولها زميلاتها مارحتي لمكان .........خسارة فاتك نصف عمرك

المهم ابي اروح لكل مكان في دبي مابيه يفوتني شئ...........

ابي نصيحتكم الله يخليكم

1-الأسواق الزينة ((عارفة كل أسواقكم تهبل))

2-محل خاص للجلابيات تكون جلابياته حلوة وسعرها معقول

3-فندق حلو وسعره معقول

4-مشغل مميز((

5-منتزهات حلوة

6-اماكن حلوة تنفع للعرسان

7-اسواق شعبية

الف شكر لكل وحدة ترد علي
05-10-1425 هـ, 09:05 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
انا بقولج الي اعرفه في دبي ههههههه بقول كل شي

عندج المراكز

وافي سنتر

ستي سنتر

الغرير

سنتشري سنتر

ميركاتو سنتر

حمر عين سنتر

برجمان سنتر

عندج الحدايق

حديقة الخور

حديقة الممزر

وندرلاند

وايلد وادي

عندج برج العرب يقولون حلو انا ما دخلته صراحه بس فيه مطاعم حلوه

امممم

اماكن حق العرسان والله ماعرف للحين ماعرست ههههه

اممممم

بس هذا الي في بالي

وهو كل الي اعرفه

وحياج الله حبيبتي بتنورينا
05-10-1425 هـ, 09:13 مساءً
 
الغاليه لو تسوين بحث
بتلقين مليون موضوع
و هذي لج

بالتوفيق
05-10-1425 هـ, 11:22 مساءً
 
السلام عليكم

اختي عندج المراكز بس احلى سنتر ستي سنتر و برجمان ووافي سنتر

و عندج بعد برج العرب انا متأكدة انه راح يعيبج و راح تستانسين

و شي بعد عند برج العرب تقريباً مدينة جميرا أو (سوق جميرا) بعد حلو بتشوفين فيه الطراز القديم تقريباً

وشي عنه بعد فندق مينا السلام و جمير بيتش وايد حلوووو (بذات حق العرسان)

وما اوصيج تروحين المرسى (راحدة من مشاريع الاعمار) رووووعة و الحينة بعد الجوووو حلو يعني بعد احلى و اليلسة فيه رومانسية
امممممممممم بعد بخصوص الجلابيات :
عندج سوق عكاظ عندهم جلابيات حلوووة و الأسعار احلى بس شي محل جلابيات في سيتى سنتر اسمه (جلابيات الياسمين) جلاليبهم وايد حلوة

وتحياتي لك
07-10-1425 هـ, 11:35 صباحاً
 
الف شكر لك حبيبتي قمر و دلع الله يوفقك ويرزقك بابن الحلال:41

مشكورة عيوني sticky على الورد ة هذا من ذوقك

اختي لا أعرف مين قال انك ماتعرفين انا بسميك اعرف ماشاءالله عليك ماخليتي ولابفيتي شئ ماقلتيه مشكورةحبيتي :
08-10-1425 هـ, 12:45 صباحاً
 


الساعة الآن 07:17 .