راس المال مقسم
عليه انا البضاعة وباتكفل بالمبلغ كله ومصاريف الشحن والجمارك والمتابعة وانتي حسب الايجار بيكون عليك
الباقي متشاركيين وما اعتقد نحتاج اكثر من عشر الاف لكل وحدة منا
عشان نخلص كل الاوراق واللي بياخذ فلوس هي اللوحة وكم شغلات لازم نصلحها من مسامير مثلا لتعليق السجاد او بعض الطاولات للمفارش وكم سرير للعرض مفارش الاسرة
او ممكن وحدة عندها محل اثاث اشارك بالبضاعة وبالايجار
الغاليه افكر بموضوعك حلو والله

بالنسبه لضمان لحقوق الغاليه كل شي يكون موثق عند محامي معروف عشان مانختلف شرايك؟ كم المبلغ المفروض انا اكون مجهزته يعني كم راس المال عشان النص بالنص بيكون والربح كذلك عشان نرتب امورنا
من زعل من غير سبب يرضى بلا اسباب*** انا ماقصرت في حق المحبه ولا حق الحبايب



صح اوراق رسمية اهم شئ فكل منا تصير على بينة
قلت لك عشرة الاف جهزي وانا عشرة يكون معنا عشرين الف
نشوف كم يكلفنا السجل والترخيص والتامينات ويمكن نحتاج معقب للدوائر الحكومية ونشوف نقل الكفالة لازم عشان نكون على النظام وما يسرقنا ويروح
البضاعة مهما كان المبلغ باتكفل بيه فعندي خبرة بالمفارش ومع كم مصنع ويمكن اذا معنا محل اصير اتفق معاهم بسعر مؤجل الدفع
الايجار انتي شوفي شلون انسب مكان ما يكون غالي مره وبنفس الوقت بمكان عليه رجل وماشي سوقه مو بعيد لو بالعليا العام او التحلية حلو رغم غالية بس ندور المعقول المحل بويته تكون جديدة ونظيف احنا ما بنسوي ديكورات بس مسامير ونعلق وطاولات بلاستييك وسررين او ثلاث كبار ممكن تكلفنا شوي
وبنحط مكتب وكراسي عشان الزبون يرتاح والبايع يعرض له بنصلح كاتلوج برضوه
انا التجهيزات ببالي وباعرفها
بس الصعبة الترخيص والمكان المناسب للايجاء وتوثيق الحقوق اللي لك واللي عليك
شلون نحسب الارباح
اسمعي اذا معزمة
نجيب دراسة جدوى اقتصادية بادور بالنت وببعض المنتديات المالية نسال ونشوف راي من اللي عندهم علم بهالشغلات
وقولي لي افكارك اقترحي انتي بالرياض وبتعرفيين اكثر
أقولكم شيء يحطمكم ..
يا وخياتي .. خلكم من هالشغلة .. ما راح تجيب لكم الا وجع الراس ..

أولا .. أنها تبغى وراك مية رجال ومية معقب .. يدورون معك .. ويحوسون حوستك ..

ثانيا .. أنتم بتبدون من تحت الصفررررر .. يعني الخسارة واردة بنسبة كبيرة ..

ثالثا .. أنتم تتعاملون مع بعض .. وأنتم جاهلين للطرف الثاني .. فكل وحدة تجهل الكثير عن الثانية ..

رابعا وخامسا وسادسا ووووو قدر الشراكة ما يفوح ..

عفوا أن كنت حطمتكم .. لكن صدقوني .. ما أبغى لكم الخسارة ..

لو كان المحل جاهز والعامل موجود .. وما بقي الا البضاعة .. كان ممكن .. وراح يدي بيدكم ..

لكن كل شيء مو موجود .... بالطبع الربح .. ما راح يكون موجود ..

وآآآآآسفة على نظرتي التشاؤمية ..


الساعة الآن 05:57 .