مريم12 هلا حبيبتي والله .. الله يعيييييييينج إن شاء الله صراحة مب سهل.. بس انتي قد هالتحدي إن شاء الله
أنا عندي وصفة عجين رووووعة وبدون بيض و تقدرين تستخدمينها لتقريباً كل شي فطايرجبن + زعتر + سبانخ + لبنه و زيتون ، بيتزا ، أو حتى خلية النحل بس اتحكمي انتي في حلاوتها يعني إذا لشئ مالح مثل البيتزا لا تكثرين السكر..

العجين:
4 أكواب طحين
1 كوب حليب نيدو
2 ملعقة كبيرة خميرة فورية
1 ملعقة كبيرة بيكنج باودر
2\1 كوب زيت
ذرة ملح
فنجان صغير سكر ( وهنيه تتحكمين لو فطاير حلوه أو الخلية خليها على فنجان.. لو لا نصف فنجان بس وزيدي الملح)
2 كوب ماء دافئ
بالضبط خذي كل المقادير و حطيها في العجانة أو بإيدج مب مشكلة و مضبوطة 100 بالـ 100

و ممكن حتى تسوينها كالتالي رقيها.. وقطعيها دوائر بالكوب ثم احشيها جبن كرافت مبشور سكريها و غمسيها في البيض ثم الزعتر ثم اقليها.. هذي الطريقة موجودة في كتاب المطاحن الكويتية...أنا زوجي وايد يحبها


الساعة الآن 10:59 .