السلام عليكم ورحمة الله وبركاته
كل عام وأنتم بخير
وتقبل الله منا ومنكم صالح الأعمال


أنا جايه اليوم عندي طلب وعارفه أن النشميات الي بعالم حواء ما يردوني خايبه بأذن الله

أمس كنت جالسه أتكلم أنا ووحده من البنات

وكنا نسولف عن بعض الطبخات فجلست هي تتكلم عن القرصان بالحليب

والصبيب بالحليب
بعد وتقول أنها سبق وأكلتها مره عند وحده وطعمها جنااااااااان

بس حسافه ما تعرف طريقه مضبوطه لها

بعدين قلتلها أبد ولا يهمك ***** الله بنات حواء ما يقصرون هم الي بيعطونك الطريقه الزينه

فعاد أنا أتمنى أنكم ما تفشلوني معها وتقولون لي طريقه مضبووووووووطه علشان أقولها عليها

بس هي مشترطه شرط أنه ما يعرف يطبخ الطبخات هذي بأتقان الا بنات المجمعه هذا كلامها وهي أدرى فتبي وحده من بنات المجمعه السنعات تقولنا وش الطريقه المضبوطه للطبخات الي فوق .

ومع السلامه أنا بأنتظار ردكم والي أتمنى ما يتأخر

^
^
^

يــــرفــــــع
الله يجبر بخاطرك يا عطور ة دايماً تجبرين بخاطر الجميع
انا بعد ودي اعرف الطريقة
ياحبي لك ..

قلت بنات المجمعه وجيتك ركض

شوفي ياقلبي .. القرصان والصبيب بالحليب سهله طريقتهم مرررره ,, تحمرين البصل على النار مع زبد او زيت اللي تفضلين .. وبعدين تحطين معاه شوي ثوم مدقوق .. تتركينهم الى ان يذبلو مررره وتبهرينهم بشوي بهار مشكل وملح وفلفل .. الحين الله يسلمك تصبين الحليب عليهم (( حليب معلب بارد او حليب السعوديه المعلب الصغار )) وتخلينهم شوي لما ينطبخون مع بعض وتطلع ريحة البصل في الحليب .. تحطين قرصانك في طبق عميق شوي وتصبين عليه من الحليب وترشين البصل وبعدين تحطين طبقه ثانيه من القرصان وتصبين حليب وترشين بصل .. واستمري في عمل الطبقات لما يتعبى عندك الطبق .. الحين دخليه الفرن شوي لما يتشرب القرصان الحليب لكن ماينشف تماماً .. وخلي اخر طبقه هي الحليب والبصل ..

الصبيب نفس الفكره لكن سوي صبيب اول .. وبصراحه الطريقه ماهي معي الحين انا اسويها بطريقه مضبوطه مرره لكن ماحفظت المقادير

الله معك وإن شاء الله تعجبها الطريقه


الساعة الآن 06:38 .