السلام عليكم ورحمة الله وبركاته


بناااااااااات أنا عندي عزيمه أهل زوجي يوم الخميس في بيتي وما شاء الله كثااااااااااااار يعني جماعه مو عائله أو ثنتين لا تقريبآ9 عوائل فأيش العمل أبي منكم تساعدوني بتنضيم السفرة بحيث وش أحط من اكل وسلطات وحلى يعني أبيكم انتم تختارون الأطباق لي وترتبون سفرتي وأيضآ حلى القهوة والي يقدم لضيوف يعني تخيلي أنه جاين لك ضيوف بها العدد أيش تسوين لهم وانا رااح أطبق كل الي تقولونه واصورها لكم واحطها هنا في المنتدى وارفع لكم الشكر على الي بذلتوه

فياليت الان الي تختار الطبق تكتبه لي مضبوط والطريق وأذا فية صور ياليت وأريد أيضآ أضافه كمالية تلفت أنتباه الناس على السفرة من مناديل أو غيرة تكفووووووون والله انكم راااعين فزعه وما تقصروووون



أنا بأنتظاركم شاكرة لكم تعاونكم وعسى الله يفرج لكم
دعواتكم ربي يصلحي لي بناتي ويشفي ماما من كل عله

الله لا يحلل كل من يدخل ملفي الشخصي ويتتبع مواضيع ماراح أسامحه

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
السلام عليكم

احب اساعدتك وكان الله بعونك وانصحك بالعمل بدري لاكن كم عددهم ماقلتي لنا

نجي لحلا القهوة بنفس اليوم سوي حلا الكاسات للاخت مشاعل الرياض روعه ويضبط من اول مرة وفخممممممممم

اشتري الاكواب الصغيرة اللي لونها ابيض ولما تصبي الخلطه وترشيها بشوكلاته مبشوره بيضاء شيء غير طبيعي وحطيها بصينيه تكون مفروشه بمناديل ملونه قماش
الطريقه اذا ماهي عندك خبريني

وسوي بسبوسة الحليب المحمص جنان وحطيها بعد ماتقطعيها بورق بلاسية
اللي ماتعرفي طريقته خبريني لاني اخذتها من المنتدى

فيه حلويات لمشاعل الخليج سهله وروعه راح اضع لكي الروابط *****الله تعالى

نجي لسلطات راح اقولك عن كم نوع ومميزات
جيبي صواني بايركس شفافه يعني سوي 2من هالنوع
خس شرائح وضعي فوقه جزر مبشور وفوقه خياراصابع راح يكون ثلاث طبقات وبعدين حطي ذرة
سوي الصوص عباره عن علبة لبنة وسط مع 4ملاعق زبادي ثوم شوي زيت زيتون شوي ملح وشوي طحينه طبعا هالمقدار راح تضاعفينه عدة مرات حتى يكون طبقه سميكه نوعا ما
ضعي فوقه بازلامسلوقه وانثري سماق الاحمر وادعيلي
السلطه الثانيه تجنننن كل من ذاقها انخبلللللل
راح اقولك المقادير وانتي ضاعفي على حسب الصواني يعني سوي من كل نوع اثنتين
باذنجان اصابع مقليه بطاطا اصابع مقليه زهرة مقليه خبزمربعات محمص اومقلي
كرنب لونين شرائح خياراصابع فلفل بارد ملون اصابع وبصل ابيض شرائح و بليه مسلوقه ويفضل ان تشتريها وتنقعيها وتسلقيها
بازلاطازجة ومسلوقه تخلط جميع ماعدا الخبز وتوضع سلطانيه زجاج شفاف
ولاتضعي عليها ملح لان الصوص يكفي
عند التقديم رشيها بسماق احمر وقلبيها وصبي عليها الصوص وزينيه بالخبز وشوي بقدونس مفروم وسماق
الصــــــــــــوص
لبنة علبة كبيرة وعلبة زبادي ثوم زيت زيتون ملح خل 3ملاعق كبيرة طحينة جهزيها وحطيها بعلبة بلاستيكيه محكمة الاغلاق وضعيها بالثلاجه لحين التقديم
وسوي فتوش طريقته معروفه وتبوله احس انه يكفي من كل نوع حطي اثنين
سوي محشي كوسه قبل بليله بدون طبخ بس برديه بالثلاجه
لفي سمبوساء واشتري كيس بطاطس جاهزحق القلي سوي اربعة اطباق كبيرة سمبوساء مع بطاطا مقليه
سوي قبل بيوم اقراص بيتزاصغيره افرديها وقصيها بكوب راح تكون نفس المقاس وضعي الحشوة بدون الجبن وحمريها نت تحت فقط وخلي لونها اشقرفاتح ويوم العزيمه حطي الجنن وحمريها من فوق وبعد ماتبردشوي صفيها باربعة اطباق كبيرة او ابلام الفضيه الطويله وزينها بشرائح الفلفل الرومي
سوي لازانيا رهيبة وطعمه وسوي صينية سمك بالفرن وعند التقديم حطيها بابلام طويله وشكليها بانواع الخضار وياحبذالوعندك اة تقطيع السلطه اليدويه لانها تخلي شكل السلطه عذاب
اطلبي ورق عنب من مطعم معروف وصفيه انتي باطباقك وزينه عشان يكون شكله انتي اللي مسويته
نجي لحلاالعشـــــــــــاء
سوي حلا الكاسات ان كان عندك اكواب حلاشفاف جيبي كيك سيرسرول قصيه شرائح ضعي كم قطعه وبعدين ضعي قطع اناناس وخوخ (دراق)المعلب وضعي فوقه دريم ويب وعند التقديم صبي فوقه هرشي السائل وضعي فوقة كرات الكاكاو
الحلاالثاني صفي شرائح كيك بالشكولاته سيرسرول في بايركس وضعي طبقة دريم ويب خليه سميك (الافضل لدريم ويب الحليب الطازج لانه يخلي لون الدريم ابيض
سوي حمام مائي لكاكاوجالكسي السائل مع قشطه وصبيه فوقه او صبي هرشي بدله وابشري شوكلاته بيضاء فوقه
راح اتذكر حلويات اخرى ولي رجعه

اكيد راح يكون اللحم والرز عند الطباخ
سوي عصائر مع العشاء
عصير ليمون بالنعناع
برتقال
قريب فروت
فراوله
كيوي وليمون
جوافة مع حليب
راح ارجع للموضوع واردعليكي ان عجبك اقتراحي
ما شــــــــــاء الله لاقوة ألا بالله بصرااااحه مخ ما شاء الله عليك أقتراااح حلو جدآ أكملي تكفين رحم الله ولديك وللأسف العشاء لحم ورز لكن انا اسوية بالبيت مو ذبيحه لا بس لحم بالكيلو فاهمه علي

طيب ابي الشرح بالطريقة تكفين


وكثر الله خيرك عز الله ما قصرتي

طيب وينكم بنااااااااات أبي أقتراحاتكم

وافكاركم بتزين السفرة وغيرة تكفوووووووووووون :24:
معليش أخت رادا
نسيت أسئلك كيف طريقة البسبوسة تكفيم اشرحي لي


شاكرة لك وممنونه
حياك الله ياعبور

تدللي
طريقة البسبوسة
علبة حليب بوني حق الشاي *فنجالين حليب محموس *زيت *فنجالين سكر*كاس سميد ملعقه كبيرة ممسوحة باكنج تخلط سؤا ضاعفي الكميه بمقدارين لانها شوية مقدار واحد ولاتكون رقيقة بالصينيه كلما سمكت كانت احسن
بعد خروجها من الفرن اسكبي حليب نستله تدخل الثلاجه وعند التقديم يسكب فوقها هرشي السائل هذا سر لذتها

حلى خدود البنات قمة وروعه وغريب
وسهلللللللللللللل
الخلطة الاولى
بالخلاط
8ملاعق سكر
12ملعقة حليب ناشف
علبة قشطة
3ظرف جلاتين يذوب بكاس ماء حارجداااا ويقسم على خلطتين
بعد سكب نص الكاس يخلط بالخلاط جيدااااا يصب في صينية مستطيله صغيرة عشان تكون سميكه توضع بالفريزر عشان تبرد بسرعه
وعلى طول اخلطي الثانيه
الخلطه الثانيه نفس الاولى لاكن بزيادة 1ملعقه كبيرة شوكلاته وممكن زيادتها وكبيه فوق الاولى بحيث يكون طبقتان ابيض وبني تدخل الثلاجه وبعد ماتبرد تقطع
حلى الكاسات
بالخلاط كل شي >>>>>>كاس ماء_ علبة بسكويت كبير حجم 175غ _ظرف دريم ويب _حبة كريمة كرملا_فنجال حليب ناشف _3ملاعق كاكاو سائل جالكسي _1ملعقة صغيرة نسكافية _شوي قرفة
تصب بالاكواب وتزين بمبشور الكاكاو الابيض
اكتبي ماتريدين بالاسم وانا اشرح لكي متابعة معك


الساعة الآن 12:41 .