Analysis Services
  • «
  • <
  • 1
  • 2
  • 3
  • >
  • »
عصيرات طازجه مع كيك

او كوفي مع حلى

او ايس كريم يتصبرون فيهم لوقت العشا >>>>> تسوي لاخوانها ماعندها عيال

واذا العشا خفيف

وبيسهرون يذاكرون اسوي لهم حلى عشا بقوالب او شابورة اصلحها بالبيت مع شاي بس
03-07-1431 هـ, 01:31 صباحاً
 
بطاطس مقلي و ناجيت
03-07-1431 هـ, 01:32 صباحاً
 
بطاطس مقلي ناجيت اممم ساندوتشات نقانق تونة امممممم جيب التاجر لذيذة امممم اي شي حلو هههه
03-07-1431 هـ, 02:09 صباحاً
 
ولدي صغير لين الحين ما جته امتحانات
بس السناك عموما عندنا
ساندوتش جبن بالشوايه
شكولاته
ممكن تجهزين ساندويشات هوت دوق او تونه او دجاج اذا فيه وقت طويل بين العشا والغدا
ممكن موز
تراه مررررره مفيد ونسبة البوتاسوم فيه كبيره ما شاء الله من اسرع الفاكهه في التنشيط
طبعا التمر
سوي كيكة تمر صينيه كبيره اذا مالك خلق تسوين كل يوم وتقعد معك كم يوم
وطبعا مقالي سمبوسه سبرنق رول انواع كبب
واذا ما فيه وقت تجهزينها خذي جاهزه من الحريم او من السوبر ماركت

امي الله يعافيها فديت روحها ايام الاختبارات تطلع السوبرماركت وتجيب كل ما لذ وطاب من شكولاتات وشبسات وكيك وبساكيت يعني مشروع تسمين ما شاء الله

امممممممممم وش بعد
ايس كريم
وترى بقولك سر
لحد يسمع
(ترى السالفه مو كلها جوع قد ما هي هروب من الدراسه كلنا مرينا بهالشي
الجوع ما يطلع الا ايام الاختيارت وتعالي شوفي النظافه ما تطري تنظيف الغرف وقلبها الا ايام الاختبارت خخخخخخخخ
03-07-1431 هـ, 08:03 صباحاً
 
ساندوتشات همبرجر دجاج
عيش صامولي مدهون بالمايونيز والخردل والكاتشاب وفوقها شرايح طماطم وخس
والهمبرجر نقطعه شرايح طولية ونرصها في العيش وفوقها جبنة مبشورة وسخنيها وقدميها
مع بطاطس



ساندوتشات التوست
عبارة عن توست مدهون بالمايونيزوفوقه شريحة طماطم وفوقه توست وشريحة بيض وفوقها شريحة جبنةوفوقها توست
وحطيها في السخان


قراميش البف باستري
عجينة البف باستري
جبنة المراعي البيضاء مخلوط معها قليل
من البقدونس والنعناع
زعتر
سمسم
بيضتين
الطريقه
تقطع كل شريحه من العجينه الى اربع قطع ثم تحشى بالجبنه وتغمس
في البيض ثم تغمس في الزعتر او السمسم حسب ذوقك ثم تقلى في زيت غزير وحار
ساندوتش البف باستري
نحط الزيت في المقلى او القدر ونضيف عليع البصل الىين يذبل


نضيف عليه الدجاج والفلفل الرومي والماجي والملح والفلفل الاسود



نحركه دقيقتين تقريبا الين يتغير لون الدجاج بعدين نضيف عليه الخردل ونحركه ونخليه على نار هادية عشر دقايق

نطفي النار بعد مااستوى
نجيب شرايح البف باستري ندهنها بالجن ونضيف نصف الحشوه ونغطيها ونحطها في الة التويستر



بسكويت البيتزا
وهو عبارة عن بسكوت البيتزاء نحط بالوسط قطعة توست مدهونه بالجبنه السايله من الجهتين ثم نضع نص شريحة جبنة حقت البرقر ونضع على الجبنه صلصة البيتزاء وشرائح
زيتون وفلفل بارد وندخله الفرن حتى تذوب الجبنة وبالعافية
شرائح الصامولي
صآمولي مقطع شرآئح ..
تبشرين جزر ناعم +كزبره ناعم +بقدونس نآعم
+ كراث أو بصل أخضر ناعم (اختياري) ..
وتضيفين عليهم اللي عندك من أنواع الأجبان (موزريلا - كرافت - كيري - جبن سايل)
اللي متوفر و تخلطينهم كويس وتحطين عليهم شوي ملح وفلفل ..
وتدهنين كل شريحه بالخلطه وتصفينها بالصينية تدخلينها الفرن من تحت
تتحمر شوي وتسيح الجبنة واذا بغيتي حمريهآ من فوق على رآحتكـ ..
طريقه الشيبس صحييه

والطريقة:
تقطعين حبات البطاطس دوائر بس اهم شي تكون نحيفه ماتخليها
سميكه
وتحطيها في مويه وتحطين
عليها الملح وتخلينها تتنقع ساعه او اقل انا خليتها نص ساعه
تصير طعمها بالملح واذا تبغيها تكون حاره حطي البهار مع
المويه وراح تمتص البطاطس النكهه
واي طعم تبغينه حطيه على البطاطس

المهم انا سويتها بالفرن حتى تكون صحيه اكثر رصيت حبات البطاطس في
الصينيه الي دهنتها بقليل جدا من زيت الزيتون
وشغلت النار من تحت وخليتها لما ترتفع حبات البطاطس وتنجح انتي راقبيها
بكل فتره ولما نجحت من تحت ولعتها من فوق وتحمرت وصارت مقرمشه وطريه مثل حبات بطاطس ليز الجاهزه والله يابنات نفس الطعم مافي فرق الفرق بس انتي اضمن لك سويتيها في البيت بعكس الجاهزه الي فيها مواد مسرطنه والعياذ بالله
وحتى اختي مره عجبتها وسويت معها على جنب بعد ماطلعت من
الفرن خلطه لذيذه تتكون من:
الزبادي والثوم المهروس وشوي زعتر


8
8
8
8
تجميع من المنتدى

وفيه بقسم المعجنات سندوتشات ام رااشد ماشاء الله تسلم ايدينها













03-07-1431 هـ, 08:46 صباحاً
 


الساعة الآن 02:14 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏