الله يوفقه ويسعدها الي تعلمني كيف اتعلم الطبخ انا ما تعودت اطبخ قبل زواجي والحين توهقت يوم تزوجت
قلت اتعلم بس زوجي ذااااق طبخي بعدين قال لا تعبين نفسك المطعم احسن
وسمعت كلامه لي الان تقريبا ثلاث سنوات ما اطبخ كبسات وهو يروح ياكل عند اهله وتفشلت قدامه وقدام اهله وقدام خدامتي بعد بدل ما اطبخ اكل احرق يدين واخاف من الفرن
بااااااااااااااااااااااااااااااااااختصار ابي اصير طباخه فنانه كبسات وسلطات وحركات كمان ما ادري ليش اني عجاااااااااااااااازه
وكمان رفلاااااااااااااااااااااااااااااااااا من ناحية ترتيبي لدولابي خلقيني مبعثره
كمان اهتمامي بطفلي خربوطي لعبت في مرمته كم مره طااااااااااااااااااااااااااح مني المسكين
وفي دراستي ززززززززززززززززززززززززززززفت يعني فاشلة بكل شيء
بس عندي امل اطلع سنعه وشقردية وابغى اتعلم تعطوني طريقة طبخات لذيذة وسهلة يعني بالتدريج ابغى اكون شقردية
03-07-1431 هـ, 02:57 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ياقلبي انتي بس شلون اعلمك اختاري الطبخة اللي تبين تعرفينها
والله حزنتيني وينك امك وخواتك

03-07-1431 هـ, 03:05 صباحاً
 
اسمعي ياعمري انتي شقردية وبقوة مدام حسيتي اكييد بتنجحي اهم حاجة نظمي وقتك ورتبي حياتك وتعلمي شوي شوي وربي يوفقك واي حاجة ابشري بنساااعدك شوفي المنتدى ملياان نقي الصواني السهلة والحلى السهل وبصير اكبر طباخة والله يسر امرك
03-07-1431 هـ, 03:13 صباحاً
 
ياقلبي عليك
شيكي ع الخاص ارسلت لك رابط طبخات للمبتدئات ان شاء الله يفيدك او يعطيك خبره لو شوي
انتي ابدي بالرز مثلا حطي الرز الابيض البشاور مايبيله شي بس اغسليه وحطيه بالقدر وحطي مويه مغليه وعشان تعرفين مقدار المويه حطي ملعقه اغرزيها بالرز وصبي المويه اذا حسيتي الملعقه راح تميل معناته المويه مضبوطه وحطي ملح وطولي النار لين يبداء يشرب الرز الماء بعدين قصري النار اخر شي وغطيه وحطي معاه سلطه ودجاج مقلي او بالفرن اشتري اكياس الشواء واغسلي الدجاجه وحطي عليها ملح وبهارات واربطي عليها الكيس وبالفرن لين تستوي وتصير شكل وطعم وهذا احلى غداء وشوي شوي لين تضبطين الكبسات وترانا يالحريم مانمشي الا بالمدح ان مدحك وانتي تشجعتي انا احس انك محطمه نفسك ترى كل شي هونيه ويهون
03-07-1431 هـ, 03:25 صباحاً
 
شوفي دامك ناويه الكل معك

بس توكلي على الله وقولي يارب

شدي حيلك ورتبي بيتك

وتعالي لقسم الطبخ كل طبخه موصوفة وسهله

واللي يصعب عليك إسألي وحنا تحت امرك

بس انت نزلي موضوع فيه طلب أي طبخه وشوفي كيف ما يقصرن البنات معك

ربي يسهل أمورك
03-07-1431 هـ, 04:02 صباحاً
 


الساعة الآن 11:38 .