اقتباس مشاركة
المشاركة الأصلية كتبت بواسطة جبال وسهول
موضوعك مهم أختي بالمشمش

وحبيت أضيف إني اكتشفت عضوة تشارك بأكثر من إسم

يعني إسم تكون فيه التاجرة .. والأسماء الثانية تقعد تمدح في بضاعتها .. وتسوي نفسها اشترت من نفسها وإلخ من هالحركات القرعة

فلازم نحن ناخذ حذرنا.. هذي انترنت .. مش محلات عادية بالسوق

وسلامتكم
أشكرج على تحذيرج وأعتبره فعلا أحد أساليب الغش عن طريق النت

إنه تجي وحدة وتشارك بكذا اسم علشان تبين لك إنه الزباين مقطعين بعض هلى بضاعتها
هلا بكم ومرحبابكم والله يخليكم
اقتباس مشاركة
المشاركة الأصلية كتبت بواسطة atyaf555
من وجهة نظري أشوف إنه ليس بالضرورة إن جميع البضايع المطروحة تعتبر عرض جيد

و لاأستطيع أن أثق بأي أخت تطرح بضاعة للبيع
لكن ممكن إني أثق في حالتين :

* إذا كانت الأخت عندها محل أقدر أروح له
* أو إن حد من أهلي جربها قبل وتعامل معاها

أما إنه وحدة من النت تمدحلي فيها .. فما أعتقد إني ممكن أثق .. لأني ما أعرف الثنتين
كلامج معقول .. والحذر مطلوب جدا
هلا بكم ومرحبابكم والله يخليكم
صح في وايد بنات يمدحوووون بضاعتهم بشكب فضيع!!

شوفوا عناوين المواضيع

صراحه من اشوف موضوع له مثل هالعناوين ما ادخله لانه مبالغ فيه

انا مابي اخرب بس المواضيع موجوده والزرق على الله

الله لايوفقني ان كنت اكذب عليكم دخون مسيطر على منطقة في الجنوب (في دخون يسيطر عالمنطقه؟؟ هههههه)

والله العظيم يابناااااااات دواااااااااء خياااااااالي 7 كيلو في 8 ايام( ما شاء الله )

أقسم بالله صابون جاني من المغرب أعطيت كم وحده لقريباتي و عماتي سارت عليه طلبية فظيعة ( احم )

هاذي مجرد امثله كتبتها على السريع

واتمنى محد يزعل مني

بس العناوين تضحك صراحه ههههههه
بنات لا تخوفونا انا ناويه ابدى مشروع يديد من النت شجعونا خو

ومشكوره اختي بالمشمش على موضوعج اللي يا بوقته

واللي عندها خبره بهالمجال تعطينا شلون طريقه التعامل ومدى الثقه الموجود ؟؟

وشلون نبتعد عن الغش من ناحيه البيع والشراء ؟؟

لانه في اشياء ودي اشتريها بعد بس اتردد

ويعطيكم الف عافيييه

شخصيا ما بثق في وحده تعرض شئ الا اذا شفت صورته واذا عجبني بشتريه(اقصد الملابس وتوابعها)


اما العطورات والكريمات فالمفروض مانشتريها على العمياني وانما بعد تجربة عينه منها


الساعة الآن 02:56 .