صباح الورد

يعطيك العافية قمر ودلع ! خليها تولي !
انا اقول الوحدة ممكن تتساعد من الناس اللي تشعر انها محتاجة - هذا المفروض -
ثم مع اللي -على الاقل- يظهر الحاجة ,
مو مع الشين وقوي عين!!

انا بقو ل لكم موقف, لكن ابدا مو طريف !!
اقوله للفايدة ( الثقة اللي مو محلها غباء حقيقي- بعذر الرجال يقولون الحريم ناقصات عقل )

انتم ما تعرفوني انا قشرى وافهمها وهي طاااااايرة, واذا انغثيت وسكت فترة ثم انفجر ونظراتي تفضحني !
لكن لا تخافون والله بنت رجال وقلبي عصفور !!!
عموما
من سبعة اشهر تقريبا
التحقت بمكتب عقاري نسائي - كان جديد طبعا بلا اختلاط - اعجبت المسؤلة بالرقة والطيبة والذوق ووو.... ما درت عن شي !!؟؟

كنت ادخل بيانات ارتب ملفات - لآني من البداية قلت لها مسألة الرد على الاتصالات ما احبها ابدا وياليت الموظفات الثانيات هم اللي يردون ( يعني يكون لهم عملاء ويعرفون اصحاب الشركات ووو انا ماكنت ناقصة غثا !!)

لا حظت فيه واحد نقول اسمه (((يمون!!))) كل ما كلمته وحده ابتسمت ووتضاحكت على سوالف اذا عرفتها بعدين ما قدرت اضحك من تفاهتها!! بعدين انا انسانه مستعمة اكثر من متحدثه! ما دريت ان الناس بعد كم اسبوع صاروا يحسبون حساب لصمتي ونظراتي الناقده خاصة اني بدأت انغث لأنهم كانوا حريصين ما يقولون الحقائق قدامي!!

بعد فترة - ما صبرت - وش قصة يمون هذا .. ( هم قبل يصرفوني بانه شريك !!؟؟) صار مكتب عقاري ثاني رجالي
متعاون على تسويق مجمع فلل كان عند مكتبنا !!
سويت نفسي بطلة وقلت لصاحبة الحلال , الرجال هذا مش ولا بد , هل تثقين فيه؟؟
ابتسمت وهي ودها تذبحني ! طبعا يا حبيبتي هذا مجربينه وعارفينه وابوي يعرفه واخواني وبيننا عقود . بعدين حرام عليك تحكمين على الناس بدون ما تعرفينهم , انسي دراستك وتخصصك واحساسك ووو هذا عالم بزنس ! ما تعرفين له

اوكيك !! براحتك !! ( كانت كاسره خاطري لأنها بجد طيبة وبنت ناس , وانا حابه اكمل معها )
من بكرة (((( ما ادري وش اللي صار ..؟؟))))
المكتب متكهرب , الدنيا مختبصة , يا بنات وش فيه؟ ,, كل البنات يناظرون لي كاني السبب في مصيبة صارت !
طلع الاخ يمون , بايع 7 فلل من برا برا لصالحه دون ما يرجع للمكتب اللي - كنت فيه
( تقريبا اكثر من سبع مئة الف اللي راح على المكتب )
دخلت على- بالي بساعد - على المسئولة ... الا المسكينة في حالة يرثى لها , ولا عندها قدرة على تصريفي ! ابدا...

اطلعي برا ( نعم يا اختي ) !!
انصدمت ثم ضحكت
و رحت ألم قشي !!
وحده من البنات سوت لي فيلم هندي , ليه؟ حرام عليكم ؟ هذا بدل ما تشكرينها ؟؟
بعدين قدمت استقالتها لأنها مش معجبها التعامل اللي صار لي !

مسكينه ما تقدر تتحملني - كل ما تشوفني بعد كذا - بتتذكر هالمصيبة.0
او حاقده علي لأني ما نبهتها في الوقت المناسب , او لأني عرفت ان لا ابوها ولا اخوانها عارفينه ؟؟!! ولا عقود ولا هم يحزنون!

عموما المصيبة اللي لا يمكن تتخيلونها , سمعت انها رجعت تتعاون معاه!
وعلاقتي فيها ان شاء الله اذكرها بالخير . خاصة انا الحين من ولله الحمد لقيت طريقي ونجحت فيه
لكن هالقصة! قدام عيني داايم دووم !!

اتمنى الفايدة فقط !!
25-10-1425 هـ, 01:36 مساءً
 
اشكركم خواتي لتفاعلكم مع الموضوع

اختي قمر ودلع استغرب لطول بالج على هالحرمه...صحيح ان ال30 درهم مايسون بس ليش ما وقفتي هالحرمه عند حدها..وكيف تتطاول عليج وعلى الوالده....والله شي عجيب

مره ثانيه ديري بالج وسوي مثل هالهنديات اللي بالصالونات اللي يستلمن الفلوس قبل الحنا ويعطون الزبونه وصل بالمبلغ المدفوع.
25-10-1425 هـ, 02:39 مساءً
 
قمر ودلع

ههههههههههههه

زين والله سويتي فيها

صدق في ناس ما تستحي

والله لو أنا بدالج ما بطول على طول أقرب مركز شرطه وافتح بلاغ بيسحبونها هي وزوجها المصون عشان يعرفون ان السالفه ما تسوا 30 درهم

صح بالنسبه لج ولاي وحده 30 درهم ما تسوا هالحشره كلها

بس لازم كل شي يوقف عند حده

واخذي حقج لو من أسد


والله يوفقج ان شاء الله
25-10-1425 هـ, 06:34 مساءً
 
هههههههه بنات ترى هالمواقف وايد منها

مره اتصل فيني المدرب الي مدربي على المكياج

قالي شوفي بقولج شي

عندي بنت دايماً انا احط لها المكياج واهلها ما يعرفون اني انا الي احط لها

مصيبه لو عرفوا ان ريال الي يمكيجها

المهم .. انا بطرشها لج عشان اهلها يبون نفس مكياجها الي شافوه قبل

طبعاً انا كوبي منه ههههههه قلت اوكي

قالي بس عطيهم سعر حلو

قلت له اوكي

بسوي لهم المكياج والتسريحه ب 150 لكل وحده بس كل شي بيكون بسيـــــــــــــط

قال اوووكي

البنات كلهم 6

البنت الي يقصدها يات الصالون سووت بروفه وقالت اوكيه بحجز

عطيتها الفاتوره

وقلت لها ترى بسوي لكم كل شي سمبل لاني منزله فالسعر وايد

قالت البنت اوكي

خلاص اتفقنا وبعد اسبوع حان الموعد << احلى يا عربي

دخلت اول وحده غرفة المكياج

الا مطلعه لي صورة .. تقول شوفي

ابي نفس مكياج هاذي

المكياج فيه شغل وااااااااايد !!! كرستالات وحركات ورسم

قلت لها بس بيختلف السعر ؟؟ قالت عااادي

خلاص خذت الاوكيه منها ومكيجتها

طلعت من الغرفه البنات انبهروا بالمكياج ..

دخلت الثانيه

مكيجتها .. على لون فستانها برتقالي واصفر ...

لما خلصت

قالت لااااااااا انا ماحب هالالوان ..

انزين تبين اسوود؟؟

قالت لاااااا

انزين اي لون تبين؟

قالت ابي ووووووردي وبنفسجي!!!!!

اااااااااخ يا قلبي

تبيني امسح هالمكياج واحط الوان غلط!! لا اسفه

قالت امسحييييه ماحب هاللون .. قلت لها انزين كيف وانتي مفصله هالالوان!! اذا تبين اغيره بحسبه على انه مكياج ثاني ؟؟

انا مكياجي العادي ب 150

قالت لا خلاص مابي

الحمدلله خافت على فلوسها وغيرت رايها ههههههه

يات الي عقبها

كل شوي تقول بشووووف

بحط المثبت تقول بشوووووووف

ههههههههههه

اخر شي خلصت منها

توها طالعه


الا ردت مره ثانيه


قالت ابي رسمة عيني باللون الاسووووود نفس فلانه؟؟؟؟؟؟؟؟

قلت لها اوكي مع اني متفقه معاكم قبل على انه بيكون بسيط بس يالله << ابي امشيها بس رفعت ضغطي

المهم خلصت منها

والباقي نفس الشي كل وحده تبي مكياج سبشل وكلهم يقولون عاااااادي لو يختلف السعر مب مشكله

خلاص دام ان بتدفعون انا شعلي؟ هاه؟

كملتهم كلهم

يا وقت التسريحات

كلهم يبون فير؟؟ هههههههههههههههههه وتسريحاتهم معاهم من المجلات

ياربي شسوي ..

قلت لهم بنات شعركم طوووويل والفير اغلى من التسريحه؟ السعر غير؟ قالوا اووووووكي سووي وماعليج

وتكتشف الكوافيره ان فيهم قمل ؟؟؟؟؟ والصالون زحمه ..!!! صج احرااااااج انا استحيت اقول شي بس قلت حق الكوافيره من تخلصين المشط والفراشي فالزباله اكرمكم الله

وبلا ما نحرجهم عيب؟؟

خلصنا اوكي؟؟

ياو ثنتين زياده مكياج عيون بس

مكيجتهم

صار وقت الدفع

طلع حسابهم الف وشي ما اذكر بالضبط

قالوا لييييييييييييييييييييييش؟؟؟؟؟؟؟؟؟؟؟ انتي قلتي 150 على الوحده؟؟؟؟؟ حررررااااااااااااااام << ذبحوني ولا تقولون لي حرام

قلت لهم انا قبل ما اسوي شي اقولكم ان بيختلف السعر وانتو كل وحده تطلب شي؟؟

قالوا اصلا مكياااااااجج مب حلووووووووووووووووووو

مانشوووووووف ههههههههههه

مادري حاطه لهم اقنعه على عيونهم !!

المهم قلت لهم شوفوا .. احنا مب صغار انتو تعرفون ان السعر تغير من البدايه ..

قالوا لا والله

وتتصل الهانم حق صاحبها المدرب تقوله هاااااااذي نصاااااابه زادت السعر علينا؟؟

ويكلمني يقول ي ليش طيب ما اتفقنا احنا على سعر معين؟ قلت له اوكي بس كل وحده طلعت لي صوره واحنا اتفقنا على ان كل شي سمبل

قال اهااااا اوكي

قلت له وبعد في شي؟؟؟؟؟؟ ترى فيهم قمل؟؟؟؟؟؟؟

قال معليش انتي ساوي شغلك وخدي الي طلبتيه منون متل ما اتفئنا؟؟

قلت حسبي الله ونعم الوكيل .. بنزلهم شوي لكن مو نفس السعر الي اتفقنا عليه؟؟ لان هم بيخسرووووني فوق خسارتي فرش؟؟

المهم

صاروا يدعووون علي الله لا يوفقج والله لا يعطيج العافيه يعلج تصرفينهم في علاجج !!!

اوف اوف اووووووف

قلبي عورني ههههههههههه قلت والله ما بتعدي هالليله على خير

شفتوا كيف اكثر من 6 بنات ويقولون الف درهم وااااايد؟

ولي عوده هههههههههههههه
25-10-1425 هـ, 07:26 مساءً
 
الله يعينج يا قمر ودلع صرااحة قرف لاعت كبدي

حد فيه قمل هالايام ولا بعد يبون يتعدلون في صالونات
25-10-1425 هـ, 10:46 مساءً
 


الساعة الآن 07:12 .