محتاجة مساعدتكم والله يوفقها ويرزقها ياللي بتساعدني

عندي لك اكثر من مشروع وكتبته لاكثر من عضوة في المنتدى:

(1) تحطي لك عامل يبيع لك بالونات مملؤه بالغاز وممكن يجيك طلب لعمل بالونات للحفلات .

(2) ممكن ماكينه الفشار( الذرة ) شغله سهله وتربح وما تكلف .

(3) حنايه هنديه في البيت تحني الناس.

(4) تحطي سياره تملئيها مستلزمات عائليه من ملابس وادوات مكتبيه وغيره وتلف على المنازل البعيده عن الاسواق.

(5) مشروع ماكينه تفقيس البيض احسبي تشتري ماكينه البيض وكرتون البيض الطازج ممكن 15 ريال وبعد ما تفرخ تبيعي الفرخ 3 ريال وعلى حسب كميه البيض ممكت 200 بيضه في الشهر 200*3= 600 ريال في الشهر

(6) سياره تبيع الايس كريم او السندويتشات.

(7) عمل شاي وقهوة للاعراس والحفلات الخاصه.

(8) كاميرا وتحطي لك عامل يصور الناس والصورة عندنا في قطر 10 ريال شوفي الفيلم كم فيه وانت الكسبانه

9) عندي لكم فكره جديده وهي تجليد دفاتر تحضير الدروس وعمل حركات جميله على الاقلام . ممكن تاخذي الافكار من منتدى الاشغال اليدويه.

(10) عندي لك فكره جديده اذا انتي شاطره في عمل البيتي فور شي حلو.

(11) اذا انتي شاطره في الخياطه اعملي مخدات باشكال حلوه .

(12) عندي لك فكره حلوه للمواليد حنا عندنا في قطر مواليد الاطفال حديثي الولاده يسمون الثون ( ثوب العافيه) قيمته 5 ريال وهو عباره عن ثوب ابيض خفيف وعليه تطريز ناعم . مثلا اذا انتي اشتريتي متر القماش 5 ريال وخيطتي 5 ثياب 5*5=25 انتي الربحانه وبامكانك عمل غير الثوب حنا نسميه ( مهاد ) وهو عباره عن قطعه كبيره تلف على الطفل>

13)فكره جديده وهي الزراعه تزرعي شتلات صغيره سواء نبات داخل المنزل او خارجه ( مثل شجر الظل) (النعناع والحبق والريحان وغيره كثير) .


انا وضعت لك افكار .

مشكووووووره أختي
افكارك حلوووه جزاكي الله خير ,,,,, بس انا ودي في مشغل لو في وحده تشاركني ونفتح مشغل ولو بسيط وشوي شوي نكبر ان شاء الله ,,,, الله يوفق الجميع

طيب المشغل.

(1) ديكور .
(2) ايجار
(3) رواتب
(4) فواتير
(5) صيانه
(6) ادوات كهربائيه
(7) موقع ممتاز
(8) اعلانات


هل هذا كله سيكفيه مثلا 20 الف.10 منك و10 من المشتركه معك

فكري جيدا.

(9) لوحه كبيره عليها اسم المحل.

(10) سكن للعاملات.

(11) مشرفه للمحل.

(12) رواتب العاملات مختلفه .

مشروع ممتاز