بنات اخوى واهله بيجون عندي ويجلسون يومين ابيكم تساعدوني وش اسوى في اليومين هذى من ناحية الفطور والغذا والعشاء ابي شي مرتب مع انه زوجته طباخه ماهره واتكيت وهم مايحبون الرز يحبون اكثر شي السمك ودجاج الحم على خفيف ابيكم تعطوني افكار يعني كم صنف اطبخ على الغدا والعشاء وش احط على الفطور وش الاشياء الى تتفرزن قبل باسبوع ولكم جزيل الشكر



بنات دخلت 11 وحده ولاحد رد
حبيبتي قسم الطبخ مليان من الأفكار الحلوه ماحبيت أدخل مارد وبالتوفيق
ويييييييييييييي يييييييييييييين كم
باعطيك أفكار وأنت شوفي اللي يناسبك

الفطور

اليوم الأول اعملي فطور إنجليزي
((كرواسون وتوست وبان كيك ومافن وجيبي العسل والزبدة والمربى الحجم الصغير وحطي أنواع جبن شيدر وحلومي وكيري ))

اليوم الثاني خليه فطور شرقي
(( فول وتميس ولبنة وبيض وأي نوع جبن تحبين وزيتون ووو........... ))


الغدا

اليوم الأول

مشاوي (( كباب دجاج وشيش طاووق ))
أو
ربيان مقلي وصينية سمك فيليه
وقدميها مع
/ رز أبيض بالشعيرية / حمص ومتبل أو سلطة طحينة علشان السمك أو تبولة وورق عنب / صينية خضار بالفرن أو مسقعة ))


اليوم الثاني

خليه أكل شرق آسيوي
وامزجي بين الصيني والهندي
يعني مثلاً سوي ماسالا دجاج
و برياني بالروبيان
أو نودلز بالخضار الصينية
وممكن تزيدين شوربة صينية
أو سبرنق رول بالحشوة اللي تبغينها
وسوي معاها سلطة خياربالزيادي
وزيدي نوع سلطة ثاني

وهذي طريقة النودلز
اقتباس مشاركة
نودلز (المعكرونيه الصينية) :

المقادير:

كيس نودلز (معكرونيه السباجيتي ام لم تتوفر النودلز) .
2 مكعب ماجي .
زبده .
بصل
خضروات مشكله مثلجه .
فلفل اسود .
صلصة ماجي .
خل ابيض .
قليل من الملح .
جزر .
فلفل اخضر .
ملفوف ابيض .

الطريقة:

تسلق المعكرونه في قدر به ماء والقليل من الزيت حتي تنضج وتصفي.
تقطع كل من البصل والفلفل الاخضر والجزر الي شرائح طويله.
ثم تذوب القليل من الزبده ونقلي البصل والجزر والفلفل حتي تنضج تماما.
ثم نضع بقيه الخضروات المثلجه مع الااستمرار في التحريك واضافه الصلصه مع الخل مع المكعبات الماجي والاستمرار في التقليب ووضع الفلفل الاسود والملح مع تحرك الخضروات حتي تنضج جيدا ثم نضع الملفوف اخيرا وذلك حتي لايذبل لانه سريع الذوبان مع الخضروات الباقيه ، ثم نضع المعكرونية بعد تصفيتها من الماء وتحريكها قليلا ثم تقدم.

العشاء



اعملي ساندوتشات بالتوست أو اورتلا بالحشوة اللي عندك
أو ممكن تسوين بيتزا بالتوست وكاساديا بخبز التورتلا
مع الصوصات اللي تناسبها وبطاطس مقلي
ونوع سلطة مثلاً سيزر سالاد

أو سوي معجنات
مثل البيتزا أو فطيرة القشطة وفطائر نقانق وأجبان وسمبوسة بف

أو ممكن تسوين صينية مكرونة بالباشاميل وسلطة

أو صينية كرات البطاطس ورز أبيض


والحلويات أبدعي فيها

لكني أنصحك بحلى الماركة ومثلثات السميد للقهوة
وحلويات السفرة سوي كريمة بالفرن أو تشيز كيك أو أي حلى طبقات

والله يجمعكم على الخير والطاعة والله يبيض وجهك وييسر أمرك ويعينك

دعواتك بتيسير أمورنا والله يرزقنا ما نتمنى ويسخر لنا مافيه الخير









وهذا الرابط حلو جدا وبيفيدك

http://forum.hawaaworld.com/showthread.php?t=1070269


إذا تبغين روابط ثانية أنا حاضرة


الساعة الآن 10:57 .