السلام عليكم

جاتني الفكرة من زمان وحبيت اشارك اخواتي للي عندها موهبة الطبخ

الفكرة انك تعملين دورة طبخ صيفية للبنات الصغار وتعلمينهم وصفات بسيطة بس لذيذة في نفس الوقت ولا يحتاج إلى استعمال الفرن إلا طبعا بإشراف الكبار

يعني مثلا تعطينهم وصفة بسكوت بسيطة وانتي تدخلين البسكوت في الفرن

ويكون طبعا انتي اول شيء تحددين الوصفات المناسبة وبعدين تحددين الادوات اللي تحتاج لها البنات علشان كل وحدة تقيس مقاديرها وهي تخلط وأنتي تشتغلين معاهم تراوينهم خطوةخطوة وتخلينهم يطبقون مع تعليمهم كتابة الخطوات او تعطينهم مطبوعة ومغلفة وتخلينهم يكتبون ملا حظاتهم الخاصة

وبعد تحديد خطة مثلا لمدة شهرين وتكون الحصة مثلا مرتين في الأسبوع انتي تحددين , تحسبين التكاليف لكل طالبة من ادوات إلى المواد اللي بتحتاجينها للوصفات , ولا تنسي تكلفة الغاز اذا في خبز وتشوفين كل طالبة كم بتكلفك وتزيدين عليها تعبك وتخلينهم يدفعون مقدم وكذا انتي مو خسرانة أي شيء .

أهم شيء للنجاح لازم يكون الشغل نظيف ومرتب وأيضا تعلمين البنات الترتيب والنظافة وهم يشتغلون وبكذا بتظمنين على طول زبونات لو مش طالبات حتى بيجيبون لك خدم تعلمينهم الطبخ .

وعن شراء الادوات مثلا يكون في وصفاتك كيكات وبسكوت فطبعا راح يحتاجون إناء للخلط طبعا بلاستك لأنه أكثر امانا لهن , قوالب للكاب كيك , اكواب للقياس إذا متوفر البلاستك طبعا أحسن ولا تبالغين في شراء الأدوات علشان مايرتفع عليكي السعر
ويمكن يخبرونك أولياء الأمور أن ممكن عندهم ها لأدوات بس أنا أحس أن البنت لوعندها أدواتها الخاصة تطبخ فيهم راح تحب الطبخ أكثر , بس لاتصرين على شراء الأدوات علشان ما ينفرون وتحسبين لهم تكلفة المواد للطبخ و تعبك .

أنا كنت حابة أعمل هالمشروع هذا الصيف بس للأسف الله ما كتب فقلت اكتبه لأخواتي يستفيدون منه

الله يوفقكن واذا في أي استفسار أنا حاضرة

استودعتكن الله
06-07-1431 هـ, 09:37 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
يسلمووو ع الفكره
06-07-1431 هـ, 09:57 مساءً
 
فكرة رائعه فعلا
07-07-1431 هـ, 03:34 صباحاً
 
نبغى الهمه من التاجرات طباخات السوق التجاري ينفذون هالمشروع
07-07-1431 هـ, 05:10 صباحاً
 
فكره رائعه
07-07-1431 هـ, 02:00 مساءً
 


الساعة الآن 06:52 .