السلام عليكم ...

علموني المطازيز كيف يسونها ؟؟؟؟

و اني اول مرة اسمع عنها و اشوفها ..

القصة و مافيها و اني مخلصة من المحاضرة في الكلية الا يوزعون علينا اكياس

مكتوب عليها مطازيز الطبق السعودي الشعبي من شركة ...

وما اعرف اسويها ؟؟؟ ساعدوني ؟؟؟

كيف اسويها ؟؟؟؟

و هي على شكل مربعات صغيرة مثل المعكرونة و لونها اسمر ...

انتظركم لا تطنشوني ...

09-10-1425 هـ, 06:53 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
مطازيز ... ومربعة الشكل هههههههه
احس بيصير شكلها مضحك .. لان المطازيز شكلها دائري في العادة

ترى مرقة المطازيز مثل مرقة المرقوق كانتس تعرفينه بس بدل قرص المرقوق الكبير حطي الاقراص الصغيرة اللي هي المطازيز
09-10-1425 هـ, 08:05 مساءً
 
مرحبا ...

مشكووووورة حبيتي تحفة على ردك ... و الي ما يعرف المرقوق ؟؟؟؟

للأسف ما أعرف المرقوق ...

و شكلها مربعات 2سم في 2 سم .. من قودي .. توه جديد نيو ....

اعرف الي يسمونها الصالونة الي فيها جميع الخضار و اللحم بصلصة حمراء ... و ناكلها في شهر رمضان اكثر شي ...مع الثريد ...

يسلمممممممموا ..
09-10-1425 هـ, 08:33 مساءً
 
شكلك مو من نجد ولا من الشمال .. ياجنوبيه ياغربية

المرقوق هو انك تسوين ايدام عادي فيه كل الخضار اللي تحبينهم وبعدها تاخذين عجينه عادية بعد وتفردينها وتقطعينها قطع كبيرة وتحطينها فوق الايدام وهو بعده يطبخ وتقطعين العجينه بالسكين وهي بداخل القدر مع الايدام ..
والمطازيز تاخذين العجينه نفسها وتقسمينها على شكل ( كور ) صغيرة وتحطينها على الايدام لحد ماتنضج وبس .

هذا اللي اعرفه
10-10-1425 هـ, 05:29 صباحاً
 
هلا جوهرة الالماس
عرفت اللي تقولين عنه انا اشتريته من السوبرماركت
بصراحه مره مريحه بدل حوست العجينه (ترى انا كسلانه ) المهم عيوني
انا بقولك كيف سويتها وطلعت مره لذيذه :
تسوين مرقه لحم ( تكشنين بصل لين يتحمر وبعدين تحطين الصلصه والبهارات وتقلبينهم
وبعدين تحطين كمية مويه مناسبه وتخلين اللحمه تطبخ لين تستوي )
بعدين تجيبين كيس خضار مشكله ( مجمده ) + بطاطس مقطعه مربعات + كوسه مقطعه مربعات
تحطينهم فوق المرقه لين تستوي الخضار نص استواء وبعدين تحطين فوقهم المطازيز لين تستوي
يبغالها تقريبا رع ساعه لين تنشف المرقه عنها ....
ملاحظة :
اللحمة اقطعها مربعات صغيره عشان تنأكل بالملعقه
وبالهناء و العافيه واي سؤال انا حاظرة
10-10-1425 هـ, 02:34 مساءً
 


الساعة الآن 02:37 .