مثل ما انتم شايفين بالعنوان
عطوني أفضل طريقة لعمل المعجنات وتكون هشه وبنفس الوقت متماسكه وطريه من الداخل ...؟

وابي طريقة ورق العنب بس أهم شي تكون الطريقه مجربينها


وياليت الخبيرات بمثل هالشغلتين بطلبي
يفيدوني



انتظركم
بقولك طريقتي بورق العنب

المقادير لقاوره ورق عنب
اول شي حطي بالبلاندر 2 طماطم \2 بصل \فص ثوم \ حزمة بقدونس \ مكعب ماجي \ ملعقتين مليانه صلصة طماطم \ ملح \ نعناع \ 2 ملعقة دبس رمان \ حوالي كوب زيت زيتون
بعدين صبيها على كوبين رز مصري مغسول وخليها لين يتشرب الرز الخلطه
لفي ورق العنب عادي وممكن تحطين معه ملفوف أمممممممم ... حطي بقاع القدر بصل وطماطم وانتبهي تحطين بطاطس لأنه راح يشرب الطعم كله ويطلع ورق العنب بدون طعم بعدين صفي ورق العنب
سوي خلطه مكونه (باكيت تمر هندي منقوع بكوبين ماء حااار +ملعقتين سكر وممكن تزيدين على كيفك +مكعب ماجي +3 ملاعق صلصه مليانه )
وصبيه على ورق العنب وغطيه بصحن ثقيل سيراميك أو بايركس
وخليه يطبخ على راحته لين تنشف مويته طبعا على نار هاديه
بعدها شيكي اذا كان استوى او يبيله زيادة ماء
اذا خلاص استوى سوي خلطه (نصف كوب زيت زيتون +عصير ليمونتين )
وصبيه على ورق العنب وخليه يبرد تمااااااااااااام بعدين اقلبيه وقدميه بالعافيه
ولو عجبك ادعيلي بالتوفيق والنجاح
اسطوا على الحياة ... أمتصوا نخاعها كل يوم مادام يُمكننا ذلك ..!
فَ ذات يوم .. لن تكونوا شيئاً سَ ترحلون وكأنكم لم تأتوا ..!
أحلام مُستغانمي . ...
888888888888
حفيدة حفصة : التوقيع نساني الموضوع اللي دخلت عشانه .........الكلام كبير و عميق و جميل
نرجع للموضوع
المعجنات امممممممممم
2ك دقيق
2ملعقة حليب بودرة
1 بيالة زيت
ملعقة خميرة
ملء 2غطاء خل أبيض (عشان ريحة الخميرة )
ملعقة أكل كبيرة سكر (عشان الخميرة تنفش \و عشان يعطي لون ذهبي للتحمير)
و أعجني كويس لين يشرب الدقيق كل الزيت
حطي موية دافية بالتدريج لين تتكور العجينة و تصيصر لينة
تختمر ساعة أو أقل حسب الجو

في الخبز لا تخلينها تطول في الفرن أذا طولت تنشف و تبيس
كل ما نضجت المعجنات في وقت قصير كل ما جات طرية و قطنية
و بالعافية الدافية مقدما
وينكم يا خبيرات الطبخ ..؟
عشان ينجح العجين لازم تطولين شوي في العجن
وهذي القاعده اخذتها من المنتدى

وهذي مقادير عجينتي

3 كاسات دقيق
3 ملاعق حليب بودرة
فنجال سكر
بيالة زيت
كاس ونص ماء دافي
ملعقة ونص خميرة
ملعقة باكنج بودر
ذرة ملح


واحايانا اضيف عليها 3 ملاعق زبادي وأقلل من المويه

اعجنيها وحاولي ترفعينها وتخبطينها عشان يدخلها هوى
وغطيها وخليها لمدة ساعة وبعدها استخدميها وبتدعين لي

اما بالنسبة لورق العنب
الحشوة مافيها مقادير معينة بالنسبة لي:
احمس بصل وثوم مقطع صغار في زيت ثم اضيف عليها طماط مخلوط واضيف شوي صلصلة واخليها تتسبك شوي ثم اضيف الرز واحركهم شوي واضيف ملح وبهارات وشوي كركم وفلفل واقطع كزبرة وبقدونس وشبث مفروم واضيفها في الاخير واخلي الحشوة تبرد بعدها استخدمها

طبعا انا احط رز بسمتي << بالنسبة لي ألذ ويعطي طعم أحلى

و ورق العنب مالي نوع معين كل مرة اجرب شي
افكه من العلبه وأغسله كويس بعدها اخليه يطبخ على النار عشر دقايق واخليه يبرد ثم ألـفه بالحشوة

وعشان طعمه يثبت لاتضيفين بطاطس في القدر

حطي حلقات بصل وطماط وفصوص ثوم ورشي عليهم شوي بهار وبعدها رصي الورق عنب فوقهم على القدر واطبخيه بماء حار مخلوط بشوي صلصة وزيت

ومدة الطبخ بين ساعة الى ساعة ونص

واذا استوى خليه في القدر لين يبرد بعدها طلعيه وصبي عليه زيت زيتون وعصير ليمون


وبالعافيه عليك
" فوضت أمري لله وتوكلت عليه "

" لا إله إلا أنت سبحانك إني كنت من الظالمين "


الساعة الآن 12:16 .