السلام عليكم ..هلا ومرحبا
ياعزيزاتي الطيبات...حبيت استفسر منكم عن البازارات ..انا ماعمري جربت وما اعرف الطريقه ولا شي عنها...
ابي معلومات بالطرق بالتفصيل
وهل البازارات تعطي ارباح رغم غلاء الايجار؟
وهل المكان طاوله يكفي للبضاعه...ما دخل راسي
وهل اقدر اشوف مكاني قبل البازار بيوم مثلا؟
وهل لازم ارفع سعر بضاعتي عشان اربح واعوض الايجار؟
وايش اللي اكثر شي يقبلون عليه الزبائن؟
والوقت من الصبح الى الليل؟
كل شي قولوا لي
الله يعافيكم ويرزقكم من حيث لا تحتسبون
08-07-1431 هـ, 11:30 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
هلا اختي
وهل البازارات تعطي ارباح رغم غلاء الايجار؟

البازارت مختلفة فيه من 200 و 100 ريال الايجار لكن الدارج الحين اكثر بازارتنا 1000 الى 2500 مدة 5 الى 6 ايام مدة البازار يعني مايعتبر غالي جداً وفي بنات يدخلون شراكه معهم على الطاولة عشان ينزل الايجار
وفي الي زي نيارة والفوسيزن 6000الايجار ومافوق
فصعب تقولي غلاء الايجار لان على حسب اختيارك للبازار
وهل المكان طاوله يكفي للبضاعه...ما دخل راسي
البازارت دائماً عبارة عن طاولة صغيرة ممكن متر في متر وفي الكبيرة مترين في متر واذا كان معك ملابس تجبين ستاند تعلقين عليه
زيادة على الطاولة بدون زيادة فلوس يعني يكفيك المكان وزيادة .
وهل اقدر اشوف مكاني قبل البازار بيوم مثلا؟
تشوفينه على المخطط الهندسي وتشوفينه قبل بأسبوعين او 3 وقبل البازار بيوم عشان وضع البضاعة طبعاَ هذا حقك.
وهل لازم ارفع سعر بضاعتي عشان اربح واعوض الايجار؟
لا مو شرط بس تعاملي بذكاء مع الاسعار .
وايش اللي اكثر شي يقبلون عليه الزبائن؟
الانجري الاكسسوارت الحلوة والغريبة والاطواق الاكل والكيك والملابس الجديدة على السوق باختصار كل شيء حلو ومغري
وسعره يناسبه.
والوقت من الصبح الى الليل؟
الغالب من 4 العصر الى 11 الليل
لكن اذا كان في جامعة مثلاً يكون صباحي .
08-07-1431 هـ, 11:40 مساءً
 
يامال العافيه لك يالصغيرونه
طيب المكان اللي اعلق فيه بضاعتي لو هي ملابس او غيرها...يعني كم المساحه اللي حوالي الطاوله؟خلفي ويميني وشمالي؟
09-07-1431 هـ, 12:50 صباحاً
 
احتاج زياده في الردود
09-07-1431 هـ, 02:41 مساءً
 
على حسب القاعة والمكان اختي
09-07-1431 هـ, 08:29 مساءً
 


الساعة الآن 07:05 .