ابي طريقة القيمات المقرمشه بدون ان تتشرب الدهون

ينقل من المعجنات الى اطباق عالم حواء
السلام عليكم

لقيمات بالروب


المقادير
- كوب ونص روب (زبادي)
- كوب ونص طحين ابيض
- نص ملعقه وسط خميره
- نص ملعقه وسط هيل ناعم
- ملعقه صغيره زعفران
- نص ملعقه وسط نشا
- نص كوب ماء
- نص ملعقه صغيره ملح
- زيت للغلي الغزير


الطريقه:
- تخلط المقادير مع بعض جيدا في وعاء ويغطى ويوضع في مكان دافىء بعيد عن التيار البارد وتترك مدة 3 ساعات
- يرفع القدر الخاص للغلي مع الزيت على نار تكون حرارتها اقل من المتوسط الى ان يسخن الزيت
- تخلط العجينه مره ثانيه وتؤخذ كميه صغيره من الخليط باليد بعد تبليل اليد بالماء وتصب بالزيت بأصابع اليد (يمكن استعمال ملعقه متوسطه بدل اليد )
- تقلب اللقيمات جيدا الى ان يصبح لونها ذهبيا مائلا الى البني
- ترفع من الزيت وتوضع بالقطر مباشره (يجب ان يكون القطر نفس درجة حرارة المكان)
- ترفع اللقيمات من القطر وتصف في صينية التقديم وترش بالهيل الناعم وتقدم
وبالهنا والعافيه
ملاحظه: هناك طريقه اخرى وذلك باستخدام بطاطا متوسطه مسلوقه جيدا تخلط مع المقادير بعد عملية التخمير وبدون استعمال النشا

وبالهنا والعافيه

بوفهد(الكويت)
عزيزتي فتــــ ام ـــــــون أنا إللي أعرفه إنه أهم شي الزيت يكون حاااااااااااااا ميييييييييي بحيث تسوي الطبقة الخارجية بسرعة و يمنع دخول الزيت لداخل.. ثاني شي التقليب المستمر عشان تنضج من الداخل و ما تحترق وياج..
أنا صراحة جربت وايد بس ماشاء الله إللي ضبطت و زوجي كله كان يطلبها على الفطور عشان يفتتح فيها هذي مقاديرها كانت كاتبتنها الأخت المسافرة جزاها الله خير و أنا أضفت عليها شوي:

لقيمات
كيلة طحين رقم 1 ( طبعا تعرفين الجيلة = علبة السميد )
فنجان سكر
ملعقة صغيرة بيكينج بودر
ملعقة صغيرة خميرة
شوية زعفران
ماء على حسب تشكيل العجين.. وبس
تعجنين وتخلينها تخمر.. والباقي أكيد تعرفينه.

أنا أسوي نصف المقدار تقريبا....إضافاتي كانت 10 حبة من التمر أخلط تقريبا 7 حبات مع العجن في العجانه و الـ3 الباقيات أخليهم آخر شي عشان يبقى قطع صغيرة في العجين. و الماء مقداره تقريبا كوب و شويييييييي بسيطة انتي أضيفي بالتدريج...
انتبهي ما تكون وايد سائلة لأنها بتيبسلج اللقيمات بعد القلي. لاحظي إن زوجي يحب ياكلها بدون غموس يعني لا عسل ولا شيره لذلك أخليها حلوه شوي.. و بعدين عاد انتي و ذوقج بحلاوة اللقيمات ممكن تقللين السكر..

أتمنى أكون أفدتج حبيبتي.. و الله يوفقج إن شاء الله


الساعة الآن 06:20 .