لقد عرض الشيخ عايض القرني مسابقه وجائزه لمن قوم بمجاراة القصيده المشهوره (لا اله الا الله )
ولقد قام بالرد على هذى القصيده الشاعر (احمد صعمود الزهراني ) وانشدها بصوته في هذا الملف بدون ايقاع
http://www.4shared.com/file/141262729/c787e19e/ahmed_samood.html
بالتحـــيه والسـلام افتتــح رد الجواب
وباسمك اللهم هـــي خير مانبدا بها
واحمد اللي عزني بالشرف والانتساب
لخير امه يشرق ا لنور من محرابها
ثم اصلي عالنبي خير من صلى واناب
خصه الله بالرساله وكان اولى بها
بامدح الباري بشعري عباده واحتساب
وامدح الفكره وباثني على من جابها
شيخنا عايض تحدى المهالك والصعاب
وامتطى للعلم صهوه وقال اهلا بها
باني المجد العصامي قبل سن الشباب
صاحـب الـدعـوه حملها ونـال القابـها
الاديـب الـعـالم الـفذ قــوله مــايـعاب
شاعــر القـمه عـلمها على مرقابها
والله ان الحب مكنون له في قلب ذاب
والمحــبه نــابعـه من قلــوب اصحابها
اهدته نفسي ورودي مع عطر السذاب
واجمل اشعاري مع اصدق شعور انتابها
لااله الا الله اول ركـن واشرف خطاب
احمد المختار اخـــر نبـــي نــادى بها
هي حروف النور هي نازله باغلى كتاب
ختمة(ن) لاضاق صدري اقوم اقرا بها
لااله الا الله اكبــر مــراسيـم الـتحاب
تشـهــد الانصـار كيـف النبي آخا بها
لااله الا الله افظل ذكر واعظم حجاب
شوفنا والسمع والجــسـم حصنا بها
لااله الا الله ساقت لنا مزن السحاب
لانضب بير المشاريب يستسقى بها
لااله الا الله اغلى قدح واحلى شراب
لاضمي عــــرق المعاليق نتروى بها
لااله الا الله هـــي صـبرنا والاحتساب
شعب عامر علـــم الصبر كل شعابها
لااله الا الله اسمى شرف واقوى شهاب
يـوم جار الجور في الارض جاهدنا بها
لاالـه الا الله رايـة سـرايـــا الانــتداب
هيمنت بالارض بشرى لكل اقطابها
لاالـه الا الله دكـت لـنـا روس الــصلاب
وكــل حيــه تنـفـث السـم تقــلع نابــها
مثل ا بو جهل المكابر خسر حربه وخاب
فوق صدره شبل الاسلام يتباهى بها
اهدت الدار الرحيبه لمصعب والخباب
وخــلـت الـفــجار اغــرابها واجـنابـها
علمتنا الاستخاره محت شؤم الغراب
يـوم ازلام الخرافه طـغـت وانـصابـها
لاالـه الا الله الراسيه مثل الهضاب
مايـسـود العــدل مايستقيم الا بـها
كلمة التـوحيد لاشك مافيها ارتيــاب
المـبادي والسماحه رقــت باسبابها
كل قول وفيه حجم الخطا مثل الصواب
والرساله الساميه اصغر خطا ماشابها
تعــجز الثقلين لو تجتمع تخلق ذباب
ويعـجز المسلـوب منـها يـرد اسلابها
لااله الا الله يشهد بها طيـر العقاب
وكل ذيب(ن ) في مفاليه يتغنى بها
حدثتنا سير الاحداث في ماضي الحقاب
جل من علم رسوله واليه اوحى بها
يوسف الصديق بعد المكايد والكذاب
عزه الله والخزاين فتـــــح له بابها
للنبي يعقوب عاد النظر بعد الغياب
وشافت العين الحزينه اعز احبابها
والنبي ايوب ياطول صبره والمصاب
ماشكت نفسه قدرها من اللي صابها
وابن متى في السفينه رضي بالانتخاب
والتقمه الحوت لكنه استجدى بها
بشر الله كل داعي بـها انــه مجاب
ساق لـه كـل العـطايا وهـو وهابها
واهن العظم الكبيراللي منه الراس شاب
بشـره ربـي بحمل المـره وانـجابهـا
لاالـه الا الله الـكنز والشهد المذاب
كل عالم كل زاهد لنا وصى بها
من غفل عنها تكدر وجاه الاكتئاب
استبدت به همومه وهو يشقى بها
الله الباقــي وغيره مصيره للذهاب
والحياه لابــد من يوم يفنى مابها
الله اللي لاذكرته انا اخشع واهاب
والمدامع في خضوعي تبل اهدابها
كرم الانسان في خير صوره من تراب
مايفرق بين عُجم البشر واعــرابها
علـم النـحله فـنـون البنا والاكتساب
وحـده اللـي يعلـم اسرارها واسرابـها
يغفر الزلات لو هي كثيره للي تاب
ونظرة الرحمن عند اللقا يحظى بها
لو قصيدي منك ياشيخ ماحاز الصواب
منك نظره تكفـــي القاف يتعلى بها
وعنــد هذا البيت ياشيخ نوخت الركاب
واطلـب الله جــنة الخــلد يجمعنا بها
شذى الموده @shth_almodh
محررة ذهبية
يلزم عليك تسجيل الدخول أولًا لكتابة تعليق.
شذى الموده .. حيّ هالشوووف يابنت : ) نورتي الواحه يالغلا .. ومايحتاج اقول نقل مميز ومجاراه مميزه لقصيدة الدكتور عائض القرني استمتعت فيها .. لاعدمت هالطله : )شذى الموده .. حيّ هالشوووف يابنت : ) نورتي الواحه يالغلا .. ومايحتاج اقول نقل مميز ومجاراه...
هلا بك الدخيله
النور نورك
ولازلت متابعه بصمت لما تكتبي ولازلتي الاسم الوحيد اللي يشدني بالواحه لاعدمناك
النور نورك
ولازلت متابعه بصمت لما تكتبي ولازلتي الاسم الوحيد اللي يشدني بالواحه لاعدمناك
الصفحة الأخيرة
حيّ هالشوووف يابنت : )
نورتي الواحه يالغلا .. ومايحتاج اقول نقل مميز ومجاراه مميزه لقصيدة الدكتور عائض القرني
استمتعت فيها .. لاعدمت هالطله : )