بنات الإمارات العزيزات:

من عندها فكرة عن سوق أبوظبي للأوراق المالية؟؟

وعن تداولات الأسهم فيه؟

دخلت على موقعهم بس للأسف أهم الأشياء ما طاعت تفتح عندي عن كيفية الاشتراك و القوانين و العقوبات وغيره....

اللي تعرف شيء عنه اتمنى تعطيني فكرة كل اللي اعرفه إنه لازم يكون عندي رقم مستثمر و آخذه من عندهم بس.....

واللي عندها أي حد من أهلها أو معارفها مسجل فيه أو يشتغل هناك

أتمنى تساعدني وتكلمني عن الأسهم لأن رصيدي كبير واريد أستثمره في الأسهم

وحده قالت لي عنهم إنه زين

بس لازم أكون متابعة للاسعار وأحط حد يكون هناك ويتابع عندي ويبيع ويشتري

وما تعرف أكثر عن جذيه!!

بانتظاركن الغاليات.
اعرف وحدة اخوها داخل في هال المجال بسالها وبرد عليج بس يمكن اشوفها يا السبت او الاحد تراني ما عندي رقمها لكن لو حصلت بخبرج وهي تراها عضوة عندنا في المنتدي اذا دخلت تراها هي الي بترد عليج

صدق ليش ما تشترين اسهم الدار ترى باجر اخر يوم للاكتتاب وهو يوم الخميس لو تبين سيري اقرب مصرف ابوظبي الاسلامي واشتري 10000 لفوق ولا تنسين ودي وياج جواز السفر الاصل وخلاصة قيد الاصل والمهم يكون عندج حساب عندهم بس واذا ما عندج افتحي عندهم حساب ما بتخسرين جربي...
اليابسة مشكوووووورة وايد لأنج رديتي

والحمدلله عندي حساب في مصرف أبوظبي وإن شاء الله بشتري لي أسهم الدار

بتخبرهم و بشوف...

وإن شاء الله إذا عرفتي شيء عن سوق أبوظبي للأوراق المالية عطيني خبر

لأني ما لقيت حد مجربنه

ومشكورة الغالية على ردج الطيب

أختج: ريم
السلام عليكم

اختي عندي لج الحل الكامل وان شاء الله بكتبه لج في وقت ثاني

لانه شرح طويل و مفصل

بس أول شي لازم تسوينه نج تروحين سوق ابوظبي للاوراق الماليه - في برج الغيث

و تفتحين حساب وياهم و يعطونج رقم مستثمر

ولازم تاخذين وياج الجواز والخلاصه

والباقي بعدين بشرحه لج بالتفصيل ان شاء الله
اختي، انا زوجي خبرة في الاسهم والحمدلله وهو مشرف في منتديات المساهم وكل اسبوع يكتب عن اداء السوق وتوقعات الاسبوع المقبل، تحت اسم (صادق الاحساس) تقدرين تدخلين على الموقع وتقرين وان شاء الله يفيدك واذا عندج اي استفسار انا حاضرة والله يوفقك ان شاء الله


الساعة الآن 04:17 .