السلام عليكم
كيفكم ان شاء الله طيبين
هذى اول مرة اشارك معاكم في هالقسم اتمنى ترحبون فيني
المهم
انا مااعرف اسوي القهوة العربية وكل مااسويها ماتزبط ياتقيلة ياخفيفة ياريت لو وحدة تديني المقادير واكون لها شاكرة ولاتضحكون على لان امي هي الى تسوي القهوة وعجزت وهي تعلمني لاكن لاحياة لمن تنادي وانا ابغى افاجئ امي وتعرف اني صرت اعرف اسويها
عاد انا ابغى فزعتكم تكفوووووووووووون قلت مالى الابنات حواء
وهذى احلى ورود لاول وحدة ترد
13-07-1431 هـ, 07:48 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ياعمري انت
تمنيت افيدك بس انا كمان زيك
..
13-07-1431 هـ, 10:37 صباحاً
 
إممممممممممممممممم


طيب يا عسل إنتي وإللي ردت عليك قبلي


حطي ملعقتين بن , انا أحب البن إللي أنا أحمسه بالبيت

بس عادي لو أخذتي جاهز

وحطيه على أقل من لتر موية بشوي

حطي كم حبت قرنقل
3 كفاية
وقرفة مطحونة , بطرف الملعقة الصغيرة

وشوية كركم

وخليه يغلي

الهيل اطحنيه تو , يعني فرش

وووووووووو

سلامتك

أنا هذي طريقتي

طمنيني إذا زبطت معك طيب ؟

وشكر على الوردات إحم إحم
13-07-1431 هـ, 10:49 صباحاً
 
كركم وقرفه !!!!!!!!!!!!! وش خلينا للكبســـــه

الأمر يرجع لدرجة حمس القهوه لاأكثـر .. خليك معاي ..

انا ياغاليه احط بالدله الصغيره ( دلة الحليب ) ثلاثة ارباع فنجال القهوه (بن) حمسه وسط ( جاهزه )
<<< طبعاً للأمانه انا اشتريها جاهزه (نيه) ثم اختار من عنده درجة الحمسه (يكون عنده عينات ) واخليه يحمسها و يطحنها
لأن بعضهم يعطيك قهوه فايته (مطحونه او محموسه ) ويقول لك هذي جديده وهذا يأثر على طعمها ..

طبعاً احتفظ فيها بالفريزر مايضرها لأنها مفرزنه , اما الحر يفوتها ويتغير طعمها مايصلح تخلينها براااا نهائي

ثم اضيف ثلاث ارباع الدله مويه
واضيف مايقارب 5 حبات قرنفل مطحونه , واضيف 10 حبة هيل مطحونه , واضيف شوية زعفران (حسب الرغبه) , وذرة زنجبيل (حسب الرغبه ) , تقريباً ربع ملعقه صغيره حليب بودر ( برضه حسب الرغبه هذا لو حبيتي تكون بيضاء ) وتجنبي مبيض القهوه قدر ماتستطيعي

وسلامتك خليها تطبخ لايقــل عن ثلث ساعه عشان تصير قهوه صح مو ( مطاريس ) خخخخ

وقدميها وبالهناء والعافيه ..

دعـــــــــواتـك يالغاليه ..
13-07-1431 هـ, 11:39 صباحاً
 
كرركم !
غرييب
والله ياقلبي انا ما احب الخربطه بالقهوه
اللي اسويه تغلين المويه وبعدين احط البن المجروش <<< ما يكون طحن ناعم مره
يعني بالنظر اعرف اذا ثقيله او خفيفه احط البن واشوف لو يحتاج زيادة ولا لا
واحط الزعفران و لو لونها غامق او حمستها غامقه احط شوي حليب سائل<<<< اطلق من الكوفي ميت
بس لا تكثرين شووووي
واذا قربت تفور رشيت عليها الهيل وطفيتها
اخليها شوي تركد بعدين زليها بالدله وبسسس
واشوف انا فيه خلطات ابوعبدالعزيز فيه وحده منهن تنضاف ع البن فيها الهيل والزعفران وكل شيء يمكن تصير اسهل لك
13-07-1431 هـ, 12:06 مساءً
 


الساعة الآن 10:59 .