اخواتي من فيكم جرب موقع amazon الي جربته تساعدني لانه عقدني يابلي عقده نفسيه من يومين وانا احاول اشتري منه مافيه فايده انا جربت اشتري عن طريق بطاقة الاارامكس مانفع معاي مع ان عنوان التوصيل بيكون في امريكا ورجعت جربت ببطاقه ثانيه للانترنت عن طريق بنك ا بو ظبي الوطني
بعد ما نفعت وحوالت اشترك في البطاقات الي مسوينها في موقعهم بعد ما ينفع لانها بس للي ساكنين في امريكا


الله يخليكم بنات الي تعرف تطلع لي بطاقه تسوق من امريكا تقوولي لاني جد محتاجتنها احس بالقهر لما اشووف البضاايع الحلوه ولا اقدر اشتريهاا


فعلا انا حالي اليوم جيه
13-10-1425 هـ, 01:11 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
والله انا اشتري من الموقع بس البضايع اللي يوصلونها حول العالم..وعادي ادخل كل البيانات مالت البطاقة( الفيزا) والشحن ..بصراحة ماصارت عندي مشكلة في الموقع
13-10-1425 هـ, 05:04 مساءً
 
شكلج يالغاليه تعبين البيانات غلط اذا في امكانيه تكتبين بالتفصيل شلون تعبين اكيد في غلط في تعبئة بياناتج والا عادي تقدرين تشترين من كل المواقع وامازون بالذات اسهل موقع تشترين منه
13-10-1425 هـ, 05:11 مساءً
 
هلا خواتي والله انا سبق واشتريت من كذا موقع يعني عندي فكره الشرا
امازون اسهلها بس المشكله يقول انه ما تعرف على كود البطاقه او احدى بيانات البطاقه دخلتها خطا مع انتي متأكده ان كل شي صح
13-10-1425 هـ, 06:05 مساءً
 
السلام عليكم ورحمة الله وبركاته

أنا يا أختي دايماً أشتري من موقع أمازون ....

الكتب الثقيلة أرسلها لعنواني في قطر

الكتب الخفيفة أرسلها لعنواني في أمريكا (أرامكس) ... لأني راح أدفع عليها شحن الأرامكس (يكون أرخص من شحن أمازون للكتب الخفيفة ---- وزن الكتاب يظهر مع معلوماته)

الأغراض الثانية (مثل أدوات المطبخ والملابس غيرها) ... أرسلها لأمريكا لأنهم ما يوصلون لنا ... بس الدفع عادي عن طريق بطاقتي الفيزا من مصرف قطر الإسلامي...

يعني في جميع الحالات أستخدم البطاقة القطرية للدفع ... وما في أي مشكلة في أغلب الأحيان (فيه بعض المحلات اللي تعرض بضائعها في موقع أمازون لا تقبل البطاقة غير الأمريكية - مثلاً شركة Newport News للملابس حاولت أن أشتري منها عن طريق أمازون لكن رفضت البطاقة لأنها غير أمريكية ... لكن بعض المحلات الأخرى مثل Sephora للمكياج عادي قبلوا بطاقتي عن طريق أمازون)

ما أدري يا أختي ايش المشكلة عندك بالضبط ... إذا ممكن تقولين لنا الخطوات اللي تعمليها بالضبط ... والرسالة اللي تظهر لك ... ممكن نساعدك أكثر...
وأيضاُ إذا ممكن تقولين لنا نوع البضائع اللي تبغين تشترينها ... هل هي البضائع التي يمكن توصيلها للخارج مثل الكتب مثلاً والأشرطة ... أم غيرها؟؟

في انتظار ردك
13-10-1425 هـ, 09:02 مساءً
 


الساعة الآن 03:54 .