حياة يحيى
ممكن تقولين لي كم تدفعين لشحن الارامكس؟؟؟؟؟؟؟؟؟
لان ودي اشتري من سيفورا
هم ياخذون اشتراك أول شيء 135 ريال يدفع مرة واحدة (مب سنوي... يعني رسوم تأسيس)
بعدين حق كل طلبية توصلك تدفعين 30 ريال لأول باوند (نصف كيلو) و 20 ريال لكل باوند إضافي
بس فيه بعض الضوابط للأشياء اللي ممكن تطلبينها ... مثلاً ممنوع عطورات أو مواد سائلة أو مواد غذائية ... هم يفتحون كل شيء يوصلهم ... بس أنا خاطرت أكثر من مرة (طلبت كريمات ومكياج وغيره) ... بس كلها وصلتني ولله الحمد ... يعني الظاهر أحياناً ما يدققون وايد ويمشّون حق الناس...
بس إذا بتطلبين من سيفورا لازم تدخلين على سيفورا من موقع أمازون ... لأن إذا من موقع سيفورا الأصلي ما يقبلون الفيزا ... بس إذا من أمازون ... شركة أمازون هي التي تسحب وتعطي لسيفورا، ولذلك فهم يقبلون الفيزا غير الأمريكية...

وانتبهي ... إذا اشتركتي مع أرامكس ... ترا هم يوصلون لك للبيت بس لازم تلحين عليهم ... احنا في البداية كانوا كل ما جات طلبية يتصلون يقولون تعالوا استلموا وكان زوجي كل مرة يتهاوش معاهم (يعني بالمنطق، شركة توصيل عالمية ... وجايبين لنا الأغراض من أمريكا للدوحة، ما تقدرون تكملون معروفكم؟؟؟) ... بس الحين خلاص تأدبوا ... إذا وصل شيء يتصلون ويجيبونه لنا توصيل ثاني يوم (حتى لهم موقع على الإنترنت ممكن تتابعين منه كل الأغراض اللي توصلك)
شكورة اختي بس ممكن تقولين لي تقريبا كم يكلفج الشحن؟؟يعني كل مرة كم تدفعين؟؟لاني مترددة بصراحة اشترك عندهم ولا لا؟؟؟انتي ايش تنصحيني؟؟خصوصا ان في شنط ماركات ماتوصل الا لامريكا
والله يا أختي حسب الوزن .... يعني إنتي قدري حسب حاجتك ... الشنطة الواحدة كم وزنها تقريباً؟؟ وهل يسوى إنك تدفعين عليها مبلغ معين في الشحن؟

أتا ما أقدر أحكم لك أنت ... كل واحد واستخدامه ... يعني إذا مثلاً بتجيبين أشياء رخيصة وثقيلة ما يسوى ...

وبعدين أنا أشوف ان أسعارهم معقولة ... وهي قريبة من الأسعار اللي تدفعينها للشركات اللي توصل مباشرة للخليج... بس الفرق أن مع أرامكس تدفعين عند الاستلام وليس عند الشراء (طبعاُ ممكن تستفيدين من عروض الشحن المجاني داخل أمريكا عند بعض المحلات علشان بس تدفعين الشحن مرة واحدة وليس مرتين)..

صح تذكرت ملاحظة واحدة.... ترى حتى لو عندك عنوان في أمريكا ، بعد في محلات ما راح تقدرين تطلبين منها لأنها ما تقبل إلا الكرت الأمريكي... وهي كثير من المحلات على الإنترنت حسب تجربتي... بس بعد فيه الكثير اللي يقبلون وعادي..

أما بخصوص كم أدفع فحسب الأغراض اللي طالبتها ... يعني مثلاً أنا الآن أنتظر مجموعة من الأشياء طالبتها كثيرة (منها حول 11 كتاب وغيرها من التناتيف) ... والشحن تقريباً راح يطلع فوق 250 ريال بشوي... وهذا راح يكون أكبر مبلغ أدفعه
من بداية اشتراكي قبل 6 شهور بسبب ثقل الأغراض وكثرتها ...

أنا في رأيي تجربين الخدمة... ومتى ما بغيتي تشترين شيء عليها فهي موجودة ... يعني الحمد لله ما فيه اشتراك شهري أو سنوي علشان تحاتينه.. بس أهم شيء تحافظين على العنوان الأمريكي تبعك ما تعطيه حق أي من الشركات إلا للضرورة وللطلبيات فقط... لأنك كل شيء يوصل بريدك راح يجيبونه لك أرامكس ويدفعوك حقه ... حتى لو كان هذا الشيء غير مرغوب فيه ... يعني مثلاً ممكن بعض الشركات يرسلون لك إعلانات وغيره ...
اختي حياة يحيى فعلا انا كنت اشتري من محل Newport News وما نفعت العمليه
فبعد ما قريت ردج رجعت جربت مره ثانيه محل ثاني وطلعت لي نفس المشكله ..تعقدت والله
انا اشك في الكود رقم كود البطاقه كيف تدخلونه انا ادخل الثلاث ارقام بدون اي احرف او اي زياده


انا صورت المشكله بس ما قدرت احطها حاولت انزلها من المنتدى لقيت الخدمه مش لكل الاعضااء خبروني كيف انزل الصووره


الساعة الآن 06:41 .