محلات ادوات االتنظيف بالجمله؟؟ في الرياض...

التنظيف والتنظيم

هلا خواتي

بنات الرياض سمعت عن محلات تبيع ادوات التنظيف اعتقد عند مخرج 17 .. مدري في فرق عن بنده وغيره يعني يستاهل نروح ونتعنى له ولا؟؟ اقصد الفرق في الاسعار..وياليت توصفون لي وين بالظبط؟؟ وينفع اروح انا ولا زوجي

يعني عادي الحريم اخاف انه زي المستودعات ويستغربون الحريم ؟؟ وهل هو سوق شعبي ولا مركزتجاري يعني بالعربي في مكيفات ولا بدوخ من الحر؟؟
15
21K

يلزم عليك تسجيل الدخول أولًا لكتابة تعليق.

تسجيل دخول

ابتسامه انثى
ابتسامه انثى
هلا قلبي

هي مستودعات كبيره وماهي مثل بنده لا فرق كبير الارضيه مفروشه ومليانه حفر يعني صعب تستخدمي العربه والمكان حر لكن فيه مكيفات ... علشان كذا رخيصه وفيها ادوات تنظيف بالجمله وادوات بلاستيك بالجمله مثل كاسات وصحون بلاستيك وورق وقصدير وسفره وبعض الاواني المنزليه

نصيحتي لك روحي مع زوجك لا تروحي بلحالك ابد

بالنسبه للاسعار ما تستاهل الا اذا كنتي بتاخذين اغراض كثيره

الوصف مخرج 17 تمشين غرب اول اشاره امشي تعديها وثاني اشاره هو سوق الغاله للاثاث تعديها

بعدها امشي قدام بتلاقين اشاره مدري هي الثالثه او الرابعه ما اتذكر زين لكن هو شارع سيدين كبير لفي يسار بتلاقينهم على يدك اليسار

كثرت الكلام لكن اتمنى اني قدرت اخدمك واعطيك الصوره واضحه

امممم نسيت اقول لك لا تروحين بالليل يسكرون بعد صلاة العشاء الا اذا تغير نظامهم
**ام جــــنى2005**
تسلمين ياقلبي ماقصرتي..
صاروخ شاورما
صاروخ شاورما
لعيونك ارفع الموع وعسى البنات يفيدونا
أوكوشية
أوكوشية
رفع لعيونك
لمار فهد
لمار فهد
رفع