عزيزاتي بنات حواء :

أكلت عند ناس سندويتشات توست بالتونة

وكانت لذيذة وايد... وطعم التونة فيها خفيف

مش لاذع وما تحسين إن في السندويتش تونة

واللي أتذكره إنه كان مع التونة طماطم أو صلصة طماطم و مايونيز

والباقي ما عرفته أو ما قدرت أركز من سوالفنا

اللي تعرف طريقة هالنوع من السندويتشات تخبرني

وسويت بحث في المنتدى ومالقيت نفس المقادير

الغالبية فيهن خس و ذرة و بقدونس وغيره

أما طماطم أو صلصة طماطم مع المايونيز وغيره

ما أحد كتبه....

وأتمنى تحطون لي أحسن أنواع التونة للسندويتشات العلالي أو كاليفورنيا وغيره؟

وهالأفضل تكون التونة منقعة في الزيت أو الماء؟

بانتظاركن أخواتي.
14-10-1425 هـ, 01:32 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
سندويتش التونه الخاص فيني و بصراحه كل من يحبه

افضل انواع التونه اللي منقوع بالزيت لأن الماي يتفاعل مع العلبه ويعطي طعم مو شي
المهم
علبة تونه امريكانا او الوزان اللي بالزيت وصفيها من الزيت
ابصله خضراء مفرومه ناعمه مع الراس
ملعقة بقدونس مفروم
2 ملعقه كبيره مايونيز
نص ملعقه صغيره فلفل اسود مطحون

للزينه
مايونيز وجزر مبشور

فتتي التونه ناعم جدا بالشوكه واخلطيها بباقي المقادير
ادهني بها شريحة من التوست وقطعيها مثلثات نصفين
ادهني اطراف التوست من كل جانب بقليل من المايونيز والصقي عليه جزر مبشور وبالعافيه
14-10-1425 هـ, 04:00 مساءً
 
هلا الغالية ماكو اسامي

مشكورة على تونتج الحلوة

و سيفتها عندي في الكومبيوتر

وبشتري إن شاء الله أمريكانا و الوزان و التونة المنقعة في الزيت على ما قلتي

ويزاج الله ألف خير لأنج عبرتيني

بس السندويتشات اللي أقصدها فيها طماطم و مايونيز أو صلصة طماطم

ولونها على أبيض و وردي من الطماطم

ومشكورة الغالية
15-10-1425 هـ, 09:54 صباحاً
 
معقولة يا بنات؟؟؟؟؟؟؟؟؟؟

ولا وحده فيكن شاطرة في التونة غير ماكو أسامي الله يحفظها

يا ربي ما تعرفن طريقة هالتونة؟؟؟؟؟
16-10-1425 هـ, 12:46 مساءً
 
وينكن بناااااااااات؟؟؟؟؟؟؟؟؟

لازلت أنتظر
18-10-1425 هـ, 10:03 صباحاً
 


الساعة الآن 10:53 .