السلام عليكم ورحمة الله وبركاته




اللي تحب الشعيريه تدخل واللي ماتحبها كمان تدخل خخخخخخخ

لانها إذا سوت هاذي الصينيه بتغير رايها بالشعيريه >>بالقوه
بتمدح طبختها
انا سويتها قبل شوي وكليتها انا وعيالي وشغالتي اما زوجي في

الدوام حسافه طافته

المهم ياطويلات الاعمار هذي المقادير :

اول شي تأخذين نص دجاجه وتسلقينها في مويه بعدين تنتفينها

وتحمسينها بالبصل والجزر والطماطم ومعجون طماطم وفلفل

اخضربارد وبهارات وماجي > يعني بالطريقه المعتاده وإذا

حابه اتضيفين اي شي عادي على راحتك

بعدين خوذي قدر وحطي فيه مويه حاره ومكعب ماجي وحطي

الشعيريه وخليها تطبخ بس دقيقه او اقل يعني اول ماتلين شوي

طلعيها اهم شي ماتتفكك ولا تتكسر يعني حطي وحده من الشعيريه

بالقدر وانتي واقفه جنبها اول ماتلين على طول طلعيها بالملعقه

الكبيره ثم حطي الثانيه بالقدر وهكذا حتى تنتهي الكميه وصفيها

جنب بعض في البايركس ثم حطي عليها الدجاج المكشن


ثم اخلطي 3 ملاعق جبن سائل و3 ملاعق مايونيز وعلبة قشطه

مع بعض وحطيها على الوجه ودخليها الفرن لين تتحمر

كان ودي احطلكم الصور بس للاسف مااعرف >> فشيله

بس ان شاء الله ابخلي زوجي يعلمني واعوضكم

اتمنى انها تعجبكم ويالله عاد الله الله بالتشجيع ترا هذي اول

مشاركه لي في هالقسم







الله يعطيك العااااااااااااااااافيه وسلمت يمناااااااااااااك
جزاك الله خييير
وياليت تسوينها بالصور افضل
تسلمين يااعمري
اقتباس مشاركة  ($ملكة الاحساس $)
الله يعطيك العااااااااااااااااافيه وسلمت يمناااااااااااااك

الله يعافيك ويسلم قلبك مشكوره على الدعوه
اقتباس مشاركة  (عشقي الباونتي)
جزاك الله خييير
وياليت تسوينها بالصور افضل
تسلمين يااعمري
ابشري ماطلبتي شي يالغاليه ومشكوره والله يجزاك خير


الساعة الآن 03:08 .