السلام عليكم ورحمة الله وبركاته

خواتي الغاليات ابيكم تساعدوني انا معاي مبلغ معقول نقول كبير نوعا ما وابي اسوي مشروع

بجد مايهمني الربح المالي يكون كبير اهم شي انا ادير هالمشروع مليت من جلسة البيت

ابي اطلع ابي اروح ابي احس اني عايشه مليت احلم بوظيفه الوزاره

ومليت بس جالسه انتظر سي السيد متى يطلع ومتى يجي احس جاني اكتئاب

تحمست راحت اقص قصة حياتي

نرجع للموضوع

تعرفون البنت عندنا عشان تسوي مشروع تلاقي قدامها مائة عائق تبدي بالعادات والتقاليد الى مالا نهايه

الف فكره جت في بالي بس عوائقها احبطتني

مابي المشاريع البسيطه الي انفذها بالبيت ماعندي صبر عليها

1- فكرت اسوي روضة اطفال او حضانه بس خفت هذي مسؤليه كبيره اخاف يصير شي لاطفال الناس

والاطفال التعامل معهم صعب انا شخصيا ماتحمله

2- فكرت في كوفي شوب نسائي بس اذا قدرت اقنع زوجي من يقنع اهلي ومعهم حق لان كثير يشوفونه

مكان شبهه وكيف اقدراضبط لبس واشكال هالبنات الله يهديهم وسمعت كذا قصه عن هالاماكن والبنات ال...

وخاصه ان مو كل المدن اهلها متفتحين هذا غير ان تصريحها صعب ولازم اذن الهيئه

3- فكرت في مشغل نسائي بس احس بين كل بيت وبيت مشغل من كثرها غير انها فيها مخالفات كثيره

للدين مثل النمص او حتى التوصيل بالتسريحات او الفساتين الي يتم تفصيلها اغلبها عاريه واذا منعت هالاشياء

مافي احد بيجيني

عقلي خلاص وقف معاد فكر انقذوني مالي غير الله ثم انتم

كل الي حولي جالسين يحبطوني الي يقول عطينيها اشغلها لك

والي يقول حطي بارض وانتظري لين يرتفع سعرها وبيعيها

طفشوني انا ابي شي يشغلني مايهمني الربح وبس

الي عندها فكره وفاضيه ممكن اشاركها المهم نسوي شي حلو

انتظركم اخواتي

وبالنسبه للهوايات ماعندي هوايه ممكن تتحول لمشروع
16-07-1431 هـ, 12:41 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يوفقك ،،
16-07-1431 هـ, 12:50 صباحاً
 
اهلين اختي انتي وايش تحبين يعني ايش هوايتك ممكن تطورينها وتصبح مصدر رزق لك
16-07-1431 هـ, 01:30 صباحاً
 
عندي فكره وحده بس
































روحي تسوقي وضيعي فلوسك وتعالي وااعطيني اياها






امزح معك ياعسل ربي يوفقك حبيت ارفع الموضوع
16-07-1431 هـ, 02:02 صباحاً
 
شكلي انا الي كاتبه الموضوع
غني يليل ماطولك بس
16-07-1431 هـ, 05:30 صباحاً
 


الساعة الآن 01:58 .