هذا الموضوع للتسليه حطيته هنآ علشان نرفهه عن اللى عندهم مشاكل زوجيه ماطول عليكم
هذي قصه اخونا دحيم
بقولكم وش صار في ليلة عرس دحيم
المواصفات :::
الأسم / دحيم الدلخ
العمر/ منولد في سنة الطفره
الشكل / قزم ودب واقرع ووجهه كله دود وما فيه عيون باختصار يحوم الكبد
الولد دحيم داشر 24 ساعه مشاكل وتفحيط وخرابيط وهجوله
المهم ابوه قرر انه يزوجه يمكن يعقل الولد ؛؛؛؛
ويقوم ويخطب له ابوه بنت عمه حصه ::
عاد حصه خبله مثله
المهم يوم جاء العرس ولا دحيم طالع مع اخوياه للثمامه يطعسون
وابوه يدق عليه ؟؟؟؟
الاب : الوووو دحيم وينك ؟
دحيم : هلا والله طالع مع الشباب لثمامه ،
الاب : جعل تطلع روحك بلا تعال اليوم عرسك
دحيم : طيب العرس بالليل يمديني ارجع المغرب
الاب : اقول امش جعلي امشي العصى على ظهرك
دحيم : طيب خلاص جاي
.,.,. ويقفل التلفون المهم ويجي دحيم ويلبسونه الخبل ناوي يروح
بقميص نوم وطاقيه
المهم ويمسكونه اخوانه ويلبسونه ويودونه للقصر
>> دحيم الا الحين مايدري وش السالفه
يبي يخلص بسرعهعشان يلحق على الشباب في الاستراحه يلعبون بلوت
ويدخلون القصر ويجلسونه في المنصه وهو يول ابي اروح اجلس عند القهوجيه ابي
اتكي معهم واشرب شاهي
( والله منسم مررررره )
ويلقطه اخوه ويجلسه على الكرسي
ويجونه الناس يسلمون
المعازيم : مبروووك منك المال ومنها العيال
دحيم : هلا ايه طيب يكون خير والله ماعندي ولا ريال ( قايل لكم مهو بوجه زواج )
المهم ويدخلونه على الحريم يوم دخل
( وهو اللي يفتح كشرته )
ابتسامه عريضه ويناظر في ذا البنيات .
المهم يوم طقوا الطقاقات الا وهو يطمر ويرقص سامري
ويسحبه ابوه ويقول اركد لاتفشلنا !!!!
المهم ويجلسه على الكرسي
وتجي وحده ترقص عنده وهو اللي
يضحك عليها ويقووووول اوووووووه ماتعرفين ترصين يالدبه
وانواع الاستهبال والمشكله اللي ترقص امه مسيكينه
تبي تفرح به مادرت انه مايستاهل
المهم ويقومون البنات يرقصون عند وهو يناظر ويقول
صح يالرقص مو برقص العيال في الاستراحه امحق رقص ؟؟؟؟؟؟ ( اجحد )
ولا ابوه يصفقه على جبهته
دحيم : طيب خلاص انطم !!!!
المهم يوم خلصو وهو ياخذ العروس ويركبون السياره ؟
المهم مادرا الا تقوم حصيصه وتقول مابغينا نطلع
اقول ماعندك شريط كسرات ( شعبي ) بشير شنان يعني ؟
ملينا من ذا الطقاقات ازعجوني !!!
الا وهو ينبسط على حرمته خبله مثله "
المهم وتقول له حصيصه : دحيم ابسألك سؤال ؟؟
دحيم : اسألي ؟
حصيصه : انت الحين تعرف تفحط ؟؟؟؟؟؟؟؟؟؟؟؟
دحيم : اكيد انا احسن واحد يفحط <--بدء الهياط
( مسوي فنان عندها وهو ماعنده ماعند جدتي ) .حصيصه : والله ورني ابي اشوفك تفحط ××××
دحيم : توهق ) خليها بعدين مو باليوم ( يبي يصرف ) ..
حصيصه : افا شكلك ماتعرف ( ههههههههااااي ) إإ
دحيم : اوريك من اللي مايعرف ـــــــــــــــــــــــ
وهو اللي يلف هذيك اللفه وطراااااخ في الماصوره على طول
والحين حصيصه ودحيم في الشميسي الدور الاول غرفه 123
قسم الكسور الزياره من 9 الى 12 ظهرا و 5 الى 9 مساء ////
ان شاء الله تهنوا بالعرس ؟
7
والله مهووووووويين هو ووزوجته الزاااحفه
مماراق لي ونقلته ~