تجربتي من الاوبتي سموث الى الكيراتين

السلام عليكم ورحمة الله وبركاتة
مساء الخير للجميع
مثل ماوعدتكم اني راح اكتب تجربتي للاوبتي سموث عند اختي الغاليه احب امي
يوم الثلثاء الموافق 29/6 الساعة 5م كان حجزي في مشغل كاليه ولظروف حصلت لي جيت على الساعة 11 ص
دخلت انا والوالدة ووما قصرو الاخوات اكرمونا وقدمو ماي بارد حاسين فينا مع هالحر ومن بعده قدمو كابتشينو هذا وانا ماعطيتهم خبر
رحت للرسبشن وسئلت عن احب امي <<<<<بس بصراحة تفشلت ماعرف اسمها الحقيقي وفشلة اقول وين احب امي
المهم الاخت الفاضله فهمت علي وقالت الان عندها ظرف واحتمال ماتجي وانا ضاق صدري لاني من الله اثق فيها وفي رايها
وشوي الا تلفوني يدق واطالع الا هو المتصل احب امي وهذا مادار بيننا
انا هلا اختي انا في المشغل الان وسوري غيرت اتفاقنا من دون مااخبرك
- اهلين فيك عسى امورك طيبةوانا صراحة عندي غدا والحين طالعة مشوار خاص وراجعة البيت بس باذن الله امرك قبل
انا اموري تمام ولا ياقلبي خلاص الخوات ماراح يقصرون بتكل على الله وبسوي الفرد
- لالابخلص مشواري بسرعة واجي
انا لاياختي الموضوع مايستاهل عندك عزيمة ومشغولة
-لا راح اجي علشان اشوفك
انا :) خلاص اوكيه
فديت روحها الطيبة واخلاقها العاليه من جد ناس ذوق وفاهمة حريصة على الزبون
مرة 5د وشرفت احب امي وهاتك ياسلام وشافت شعري وقررتلي على الاوبتي سموث رقم 2 (لا تسألون عنه لاني ماعرف)
ايه نسيت من قبل وحدة ياقلبي عليها عندها ضمير وذمه اذا ماني غلطانة اسمها حنان قالت لي نصيحة لا تسوي الفرد لانه بيدمر شعرك ويقطعة بما انه متبقي من الصبغة كثير وشعرك تالف وتعبان
بس احب امي قالت بما انك مصممة تفردي الشعرة سوي اختبار على خصلة اذا نفع نكمل واذا لا سوي كيراتين يعالج التالف ويخفف النفشة ويباعد الطعجات فيصير شكلها اقل
وقببل هذا قولي بسم الله الذي لا يضر مع اسمه شي في الارض ولا في السماء وهو السميع العليم<<<<<<<<<<<< موقلت ناس حريصة على الزبون
المهم سويت تست الاوبتي سموث على خصلة والنتيجة كانت فشل ذريع شعري ماتحمل ابد صار مثل الربر تعرفون النير كيف يسوي بالشعر هذا بالضبط صار لشعري
(على فكرة مومعناته فشل معي راح يفشل مع غيري سبب الفشل ان شعري تعبان وتالف جدا وفوق هذا مصبوغ هايلايت يعني بالعربي مااهتم فيه ابد والحقيقة تنقال
يعني لو مشغل غيرهم كان سوولي الفرد وماهتمو لشعري وانا اللي راح انضر وهم بسلامتهم قبضو الفلوس وما همهم)
فقررت على اساسه اسوي الكيراتين عند فلبينية دمها خفيف وشغلها مرتب والاهم متقن اسمها سندي واستمر شغلها من 2 الى 3 ساعات مو فاكرة
والحين المادة بشعري واسوي سيراميك مرة لمدة3 ايام وقالولي استمر معهم هالفترة عشان السيراميك بس للاسف لبعد المسافة ما قدرت فسويت في مشغل قريب وماعجبني بصراحة يستخدمون بيبي لس مو مثل اللي بمشغل احب امي الخاص بشركة جلوبال
هذي تجربتي وبعد مااغسل شعري اضيف النتيجة الاخيرة
للمعلومية
لاتربطني بالاخت احب امي اي صلة قرابة لا من قريب ولا من بعيد
وليس لي اي مصلحة في كتابة الموضوع
لكن رغبة مني لنشر اسماء المشاغل الي تحرص على ارضاء الزبون اكثر من حرصها على الربح المادي
*شعري خشن وجاف مره فالنتيجة ماراح تكون 100% وهذا ما قالت لي احب امي قبل ماسوي الكيراتين جزاها الله خير قبل تقدمين على اي خطوة تكون شارحتها لك
واخيرا عدم استغفال الزبون واستغلاله هي اهم ما بالموضوع وشعري اذا مانفرد راح يتعالج وهذي نعمة بالنسبة لي