وش فيني بالضبط ؟؟؟

السلام عليكم ورحمة الله وبركاته
بصراحه توني ادري عن هالقسم في عالم حواء وصراحه فرحت كثير مره

ابقولكم اعراضي وابي اعرف شفيني بالضبط لاني تعبانه من حالتي
فيني قولون من 9 سنوات شديد مره مكرهني نفسي
فيني من سنتين جرثومه في المعده عالجتها كم مره ولا راحت
بطني متفوخ مره وكاني حامل بالسادس
فيني الم بظهري شديد ايام ما اقدر اقوم من فراشي
والم بكتوفي تشوه جلدي من كثر اللزقات ولا طاب دهنت عند كم وحده وما طاب
عندي هشاشة عظام وانا تو عمري 26 سنه ويقول الدكتور ان عضامي عظام وحده عمره 42 سنه مهمله في نفسها مره
عصبيه جدا اتنرفز بسرعه
حساسه جدا اصيح بسرعه
نسااااايه جدا كثيره النسيان
كثيره مشاكلي مع زوجي بس الحمد لله في نفس اليوم اتحسف واترضا انا وياه بس نادرا مانجلس يومين زعلانين
اعصب من عيالي على اتفه الاسباب على اني كنت حنونه جدا الحين اضرب ضرب مبرح ولساني صاير طويل اصارخ

الصلات اعجز اركز فيها اعجز اعجز حاولت بكل الطرق خوفت نفسي من الله عجززززت ما اتذكر وش قريت وكم ركعه صليت لدرجه اني اصلي 6 ركعات وخمس واربع الفجر بعد وبعض المرات المغرب 4
القران والاحاديث اعصب نفسي على سماعها بعض المرات بس بعض المرات مابي اسمعها ولا ابي اقرا قران ولا ابي اصلي السنه كذا مابي ابد يقولن لي الاجر ماتبين اجر اقول مو اليوم
الجمعه اعب فيه مره من اقوم وانا طفشانه وضايق صدري على اني من فراشي اطلع على جمعت اهلي كلهم من الغداء وهم جمعه الين العشاء اوقات كثيره اصيح
اذا كنت معصبه مابي احد يذكر الله عندي او يذكرني بالذكر والدعاء احس نفسي ازيد
احب سماع الاغاني بس ما اسمعها ما اشغلها اخاف من الله بس اتمنى يشغلها احد عندي عشان اسمعها


علما اني قد اصبت بسحر من 7 سنوات وقريت عند الشيخ سنتين وطبت لاني كنت مابي اتزوج وتزوجت عشان كذا حسيت اني طبي لاني تزوجت اول وطلقت منه والحين متزوجه ولله الحمد
عندي ولدين
دايم احلم بضواطير ( براصي ) ودايم احلم باسناني تتكسر
ودايم احس اني اطيح من شي مرتفع واقوم مرتاعه

فرج الله هم من يفرج همي

ابي اعرف وش فيني بالضبط عين سحر مس تكفوووووووووون