اخباركم ياأخوات

طبعا اقترب رمضان الله يشرفه ومعروف كيف غالبيتنا من الأمهات يومياتنا فيه

ثلاث ارباع اليوم تقضيه بالمطبخ للفطور والسحور

ومانلقى الا الوقت القليل للعبادة والأطفال ومشاغلهم حتى وانت تطبخين وبالاخير ينتهي الشهر وماكسبنا فيه الا القليل من العبادات

وبما ان الفريزر الله يخليه يحفظ الاكلات لفترة طويلة
فقررت اني استعد مبكرا للشهر واعد ماقدر عليه للتفريز وبكذا يكون طبخي في الشهر خفيف جدا

واكسب وقت واجر


فاحب تشاركوني باستعداداتكم وافكاركم حتى نستفيد من بعض

وانا راح اكون اول من يعرض استعداده كافكار

وان شاء الله انزل صورها

1) الشوربة طبعا يوميه عندي ولازم كشنه طماط وبصل راح اخلطها كلها واحط مقدار كل يوم بكيس نايلون وعلى طول فريزر

2) صلصة البيتزا لأن البيتزا تحضيرها بسيط ومايعطل الا اعداد الصلصة احضرها مسبقا واحفظها بعلبة بالفريزر

3) تقطيع البصل وحفظ كمية بسيطة في الثلاجة والبقية بالفريزر والبصل معروف كثرة استخدامة وبكل الطبخ

4) سلق الدجاج وتقطيعه ثم تقسيمه باكياس وتفريزها .. عشان بعض الحشوات والصواني والطبخات يكون جاهز

5) اعداد السمبوسه بمختلف الحشوات بما يكفي الشهر لأننا عائلة صغيرونه
والحشوات تختلف بين الدجاج المفروم والعادي واللحم والجبن وغيرها وكل كيس يكون فيه العدد اليومي مع كتابة نوع الحشوة

6) اصابع الجبن والسمبوسة الصغار مع الافطار اجهزها بعلبه وحده وكل مرة ناخذ كفايتنا منه ... وانا احليها باعسل واللي تحليها بالشيره انصحها تعدها بقارورة كبيرة وعادي تخليها برى الثلاجة مايضر لأنها بس ماء وسكر

7) اعداد كمية من الفطائر:
اقماع بدون حشوه - خلية نحل - سبانخ - فطائر جبن ودجاج - واي شي ثاني يناسبك
بس ماراح اكثر منها لأني احب الفريش

8) حشو سبرينج رول والبف

9) لحم مفروم للمطبق او اي حشوات قادمة

10) كروكيت بطاطس او كفته البطاطس والدجاج

11) مقليات مجمدة جاهزة نشتريها من السوبر ماركت مثل الكبة وقطع الدجاج وغيرها

تقريبا هذا اللي في بالي حاليا وانت ورينا افكارك خلينا نستفيد ونفيد

ونقلل من عيشتنا بالمطبخ خصوصا ان رمضان هالسنه صيف حار جدا وانا العام كنت ادوخ بسبب الحرارة اللي زودها المطبخ وانا صايمة وصار فطوري كله سوائل ولا الجوع مايهم الحمدلله ...

يالله منتظرتكم تفيدونا ولكم اجر ان شاء الله
...
الموضوع منقوووول من



العضوه توت احمر......

بس عجبني الموضوع وحبيت انقله علشان نستفيد
من بعض.....
الله يبلغنا رمضان يارب ونكون من عتقااائيه
وجزاك الله خير اختي علي الموضوع
يارب رضاك مطلبي
احتفظي بالرابط

[size=6][color=red]
الله يبلغنا رمضان يارب ونكون من عتقااائيه
وجزاك الله خير اختي علي الموضوع
ست الحبايب في ذمة الله سألتكم بالله الدعاء لها بالرحمه

يا ارحم الراحمين اغفر لاخويه حبيبي وارحمه برحمتك الواسعه اللي وسعت كل شي


الله يعين على الطبخ و النفخ
الله يبلغنا رمضان يارب ونكون من عتقااائيه
وجزاك الله خير اختي علي الموضوع
احب لاخيك ما تحب لنفسك


الساعة الآن 01:59 .