السلام عليكم ورحمة الله وبركاته
بصراحة هذا اول موضوع ليا وحبيت اخد رايكم في انتقادات الناس وردود افعالهم وكيف اتعامل معاها
بااختصار انا من لما تزوجت وانا كل مرة بفكرة وكل ما اسوي شي يلومني الكثير _مثلا في البداية كملت دراستي وانا متزوجة وكان اكثر شى متعبني كلام المحيطيين وانتقادهم رغم اني حاولت اتجاهل بعض الكلام لكن بصدق كنت افكر احيانا فيه (ليش تضيعي احلي ايام عمرك في الدراسة _مش حتكملي وراك اولاد_ظالمة زوجك ومتعبتيه بمشاويرك اليومية_حارمة نفسك _......الخ.ودعيت الله يعيني والحمد لله انجبت طفلين وان ادرس وتخرجت
وقالو خلاص بترتاحي ؟؟؟؟؟؟؟؟؟وانا ناوية اشتغل بعد كل السهر والتعب صعب وكنت متفاهمة انا وزوجي علي العمل بس ساكتة وبدات النقاشات ولي فترة اشتغل والحمد لله وبعدين فكرنا نوسع البيت شوي واناجر منه للاستفادة وتعرفون البناء ؟؟وبعد ما خلصنا من سنة طلع جميل جدا والحمد لله وحدث اثناء البناء مشاحنات مع جارنا الل كان مشرف علي البيت الله يسامحه فقررنا نبيع البيت وفعلا بعناه واشترينا قطعة ارض وبدانا البناء من جديد وحاليا في التشطيبات النهائية وبصراحةا نفكر في البيع من باب الاسثتمارلان جاي مقاول واعطانا سعر خرافي وكأن الله فتح امامانا بابا للرزق وهو سوق العقار اي نبي ونبيع وقال لي زوجي انه لوبعنا بناخد ارض ثجارية ونبني شقق للايجار وبنفتح عيادة تخصنا لاننا في ايجارو بنسكن وبنسافر لدراسة الماجستيروبنرتاح وبنريح ناس محتاجين معانا وايش رايكم.. خايفة من كلام الناس وردود فعلهم ؟؟وخايفة من الفشل رغم انه والله اعلم اني تعبنا لحد ما صار عندنا راس المال وانه الي الان اعاني من انتقادهم لحياتي ارجوكم اعطوني رايكم بصراحة انتظر الردود ولكم جزيل الشكر
ما شاء الله عليكم يا اختي من تابع الناس ما تهمل ايش دخلهم الناس بعدين لو ما كملتي دراستك مين راح ينفعك مافي احد وحتندمي العمر كله وربنا قدر العمل والعلم لان المثل يقول اطلب العلم من المهد الي اللحد واقولك اني الناس ما يعجبهم لا الشين ولا الزين لو صار لك شئ زين حسدوووووووووووك واذا صار شئ شين يقولو عمايل ايديها
فارجوكي لا تتابعي كلامهم وخليك مع زوجك وان شاء الله ربنا ييسر لك كل عسير والي الامام دائما والله يوفقكم لما يحبه ويرضاه
لا اله الا الله وحده لا شريك له له الملك وله الحمد وهو علي كل شئ قدير
ماعليك من احد

عيشي حياتك زي ماانت تحبي مادامك متفقة مع زوجك

والله الناس ماراح ينفعوك في شي ليه يتدخلون سووا الشي اللي يناسبكم ويخلي مستقبلكم حلو بإذن الله

الله يوفقكم
اللهم اصلح لي شأني كله ولا تكلني إلى نفسي طرفة عين






ما شاء الله عليك ياختي من تابع الناس ما تهمل صلي علي النبي وتابعي حياتك لانه الناس لو صار لك الشين تشمتو فيك ولو صار لك الزين حسدوووووووووووووك عشان كدة سوي الي يرضي فيه ضميرك وتابعي والي الامام باذن الله ربنا يوفقك ويسهل لك طريق الخير
لا اله الا الله وحده لا شريك له له الملك وله الحمد وهو علي كل شئ قدير
بارك الله فيك يا ام مصطفي وفرح والله اني محتاجة لدعم معنوي ودخلت للمنتدي افضفض لاني حسيت خلاص ما عاد في احد مقتنع بتصرفاتي حتي امي( لاني حاليا ساكنة في بيت ايجار واحنا في بلدنا مش مقبولة كثير)؟؟ وعارفة انها من باب الشفقة علينا.. واقول لنفسي الحياة تعب وشقا ومستعدة اتعب كمان
بس نفسيتي صايرة حساسة_ وودي اسكتهم او انطرش _ وخايفة اكون علي قولتهم (غير قنوعة)و(ظالمة )و(ومش حاسبين حساب لصحتنا انا وزوجي وراح نندم ) وياريت يا اخواتي تقولون رايكم او اذا فيه اي اقتراحات ممكن اسويها ...وشكرا مرة ثانية والله يوفقكم ويفتح عليكم وينولكم اللي في بالكم امين


الساعة الآن 05:28 .