وينكم بنات شو صار بالمشروع ؟؟؟
24-10-1425 هـ, 12:47 مساءً
 
انا سألت خالي لان هو منظم معارض ومهرجانات

وهذا الكلام على لسانه :

يقول :

القريه العالميه اللحين تحجزين عن طريق الدائره الاقتصاديه ومب عن طريق الفطيم قبل كان عن طريق الفطيم

الاكشاك الخارجيه تحجزينها عن طريق الدائره الاقتصاديه أما القرى فياخذونها التجار مساحه فاضيه ويبنون القريه ويأجرون الاكشاك فيها وفي بعض الدول تكون القنصليه هي المسؤوله عن التأجير

بعض التجار يتشاركون في المحل يعني قسم جلابيات وقسم ثاني عطور وقسم ثالث هدايا وألعاب

نصيحتي اللي يبي يفتح كشك لازم تكون بضاعته مميزه ومرغوبه عند الناس

يشوف المحلات المجاوره هل هن نفس النشاط ولا

وياخذ على يمين المدخل لان كل الناس من تدخل اي قريه او اي مكان يمشون اول شي على اليمين ولاحظو بنفسكم اول ماتدخلون اي قريه تاخذون اليمين لاشعوريا

تدرين ان حتى الصينيين لما يختارون كشك عندي يدورون على اليمين لان يلاحظون على الناس اول شي يدخلون على اليمين واذا ماعجبهم المكان يطلعون حتى لو ماخلصو المكان ويكون النصيب في البيع حق اللي على اليمين

هذا هو كلامه وانا لاحظت على عمري اي مكان ادخله اخذ اليمين ممكن عاده وممكن سنه الله يعلم
24-10-1425 هـ, 02:45 مساءً
 
مشكورة اختي وانا حاليا اجهز الصناديق والاغراض للمهرجان
24-10-1425 هـ, 02:59 مساءً
 
صدق فكرة الأخت ياقوت حلوة للي تبقي تبيع.. وبالتوفيق خواتي..
24-10-1425 هـ, 09:10 مساءً
 
بنات اخويه يقول انه كل الاكشاك في القريه العالميه اتأجرت ؟؟!!!
25-10-1425 هـ, 02:40 صباحاً
 


الساعة الآن 05:00 .