السلام عليكم ورحمة الله وبركاته ....
أسعـد الله صبآحكـم بالخيـر والمسرّآت :26:
اذكروا الله
وصلوا ع النبي ..
السالفة ياطويلات العمر .. عمتي قبل فتره سقطت حملها << مات الجنين في بطنها ..
ففكرت ارسل لها رساله واحترت مدري وش أرسل .. وتذكرت أعظم شي ,, اللي هو الدعــآآآء
عرفت انها مكروبه ومهمومه فـ رحت أرسلت لها دعاء الكرب
{ لا إله الا الله العظيم الحليم .. لا إله الا الله رب العرش العظيم .. لا إله الا الله رب السموات ورب العرش الكريم }
وهو دعاء أوصى فيه الرسول صلى الله عليه وسلم لإزالة الكرب ..
المهم انا ارسلت لها هالمسج بالظهر ..
ويوم جاء العشا ارسلت لي عمتي رساله كتبت فيها { الله يجزاك خير .. اليوم سويتي فيني شي يمكن تدخلين الجنة بسببه }
عاااد انا تشققت من الوناااااسة خخخخ وارسلت لها وشهوو !!!
قالت بعدين أقوووولك
وحصل تقابلنا قبل فترة وحكت لي اللي صار لها ...
طبعاً هي وصلت للشهر الرابع .. وكانت متعلقه بهالحمل ومتخيله إنه ولد ..
ويوم قالوا لها الجنين مات في بطنك .. سلمت أمرها لله .. ودخلت المستشفى بالصباح عساس تعمل عملية تنظيف ..
تقول زوجي كان معي وكان مواااصل وتعباااان .. وعلى الساعة 8 الصباح قلت لزوجي روح البيت مايحتاج تقعد معي .. هذي مو أول مره أسوي العملية .. وان شاء الله أكون بخير وما أحتاج أحد مثل كل مره .. بس انت روح البيت وريّح ..
طلع زوجها من عندها .. وبعد ساعه أو ساعتين جو عملوا لها عملية التنظيف بعد ما عطوها البنج ..
تقول صحيت من البنج ومسكت بطني وتحسست إنو فاااضي .. وقمت أصيــــح وأبكــــي .. وين ولدي !! انتوا قتلتوا ولدي !! أبغى ولدي
وتقووول أبكككي أبكككي ماااني حاسه بنفسي
وباقي فيني أثر البنج
ويرجع البنج يسطل فيني وأرد اناااام
وأصحى بعدها بشوووي وأبكككككي مااااااني مستووعبه اني فقدته
وأصيييح عليهم أبي ولدي .. جيبوه أبي أشوووفه
والممرضات قلوبهم قاسيه ماغير يقولون خلااص ماما
ويرجع البنج يسطل بي وأنام من دون ما أحس
وأصحى وأبكي وأصييييح مفجووووعه وبردااانه وخاااايفه
تقول وصلت حاااله تمنيت إن عندي أحد يمسكني ويسمي علي ويقول لي اذكري الله
ويلا على هالحال أطيح من البنج نااايمه .. وأصحى أصيييح وأبكي أبي ولدي
تقول مسكت الجوال دقيت على زوجي ومارد .. شوي أشوف رساله منك وأفتحهاا وأقرأ دعاء فك الكرب
وقريتــه وحسيــــــــت برااااااااااحه ماااتنووووووصف
ونمــت من دوون ماا أحس بنفســي ولا عاد صحيت مفجووعه ولا هم يحزنون .. لين جاء المغرب وجاء زوجي ..
الخلااصة من السااالفة .. إنو مانستهين برسالة جوال ممكن تأثر في اللي انتي ترسلين له ..
يعني انا صراحه يوم ارسل لها هالرسالة ماتوقعت إنها بهالحالة .. ولا توقعت بيكون لها كل هالإثر ..
انتوا يابنات اذا حسيتوا أحد متضايق مهموم مكروب .. ارسلي أدعيه .. نصايح .. ماتدرين سبحان الله .. على يدك ربي يفرج همه أو نصيحتك يكون لها أثر عليه ويدعي لك ...
وووو سلامتكم واعذروني ع الإطالة ...
وادعوا لعمتي ربي يرزقها الذرية الصالحة في القرررريب العاااجل ويرزق كل مبتلى .. ويرزقني اللي أتمنى ...
معينه خير :)
معينه خير @maaynh_khyr
عضوة فعالة
يلزم عليك تسجيل الدخول أولًا لكتابة تعليق.
سعادتي إيماني
•
الله يرزق عمتك الذرية الصالحة و وكل محرومة ويرزقك ماتتمنين
صباح النور وانتي صادقه كم من رساله تجيك من عزيز خاصه لو بعيد تحسسك انه معك ويشاركك همك والله يفرج همك ويعوض عمتك ءامين
الله يرزق عمتك الذرية الصالحة و وكل محرومة ويرزقك ماتتمنينالله يرزق عمتك الذرية الصالحة و وكل محرومة ويرزقك ماتتمنين
:26:
الصفحة الأخيرة