بنات الله يخليكم عندي استراحه مع اهل زوجي وابغى

حلى فخم مره وعلى مستوى وحلى الفناجيل القلوبه الي تحته صحون من بسكوت

ووين ينباع صحون البسكوت وملاعق الشوكلاته

والله لدعي للي تقولي لاني مالي احد بالرياض الا الله ثم انتم
العلب هذى دوريها بمحلات الهزازي
والحلى اذا قهوة اكتبي بقوقل شكولاتة الشوفان كانه جاهز ومرتب

وجوجل مايقصر اكتبي حلى وشوفي الصور اللى يعجبك منها

ربي يوفقك
الله يوفقك لشى زين
كود:
استغفــرالله الذي لاإله إلاهوالحي القيوم وأتوب إليه
نسختلك نوعين حلا ان شاء الله تعجبك


المقادير

علبه قشطه
4حبات كيري
5ملاعق حليب بودره
2ظرف كريم كرامل
ملعقه صغيره نسكافيه
وبسكوت اولكر على حسب حجم الصينيه
باكيت دريم ويب مع بياله شاهي حليب

الطريقه
غمسي البسكوت في الحليب المضاف له النسكافيه
اخلطي القشطه و الكيري والحليب والكريم كر امل في قدر على النار حتى تغلي
وصبي نصفها على البسكوت ورصي طبقه ثانيه بسكوت وصبي باقي الخلطه ودخليها الثلاجه بس اهم شي خلي حركتك سريعه عشان مايجمد عليك الكريم كرامل
الحين اخلطي الدريم ويب مع الحليب حتي يصبح كثيف وحطيه على الحلى وزينيه بالتوفي السائل

الحلا الثاني

المقــــــــــادير

كاس حليب محموس

12 بيالة موية

12 بيالة زيت

3 بيض

فنجال سكر <<< انا احط نص لأنة يكفي حلا الطحينية وانتم وذوقكم

ملعقة كبيرة باكنج بودر

فانيليا

الحــــشوة

6 ملاعق مليانة طحينية


الطـــريقة

يخلط الجميييييييييع بخلاط الكيك ثم يصب في صينية واسعة و مدهونة بالزيت ومرشوشة دقيق انا حطيتها بالبايركس الكبيرة

ويدخل الفرن من تحت الى ان يستوي وشغلي علية من فوق شوي بس

وبعد ماتستوي خليها برا تبرد 10 دقايق تقريبا بعدين اقلبيها على قصدير

جيبي الطحينية وحطيها بصحن وحميها بالمكرويف الين تحسين انها صارت سايلة اخلطيها وكبيها على الكيكة وادهنيها بسرعة عشان ماتبرد

وبعدين لفيها بالعرض زي السويسرول ولفيها بالقصدير وخليها لا تفتحينها الا بعد ساعة واذا مستعجلة خليها بالثلاجة الين تبرد

وقطعيها وصفيها بصحن على شكل حلزوني
حلى تشيز كيك بالشوكولاته :
ط1 بسكويت مطحون +زبده سائحه بحراره الغرفه ثم توضع بالصينيه .
ط2 نستله +6 حبات جبن كيري بالخلاط ثم نضعها ع الطبقه الاولى ثم نضعها بالفرن من فوق لما تجمد فقط ماتتحمر .
ط3 اظرف كريمه +3م شوكولاته بودره +اك ماء + 2م حليب بودره ع النار لحد ماتغلي فقط ثم نضعها ع الطبقه الثانيه ثم توضع بالثلاجه .
مره روووووووووووووووعه وتجنن واعجبت كل اللي ذاقها يارب تعجبك


الساعة الآن 04:21 .