السلااااااااااا ااااااام عليكم

هاذي اول مشاركه لي بقسمكم وان شاءالله مو الاخيرة

اول شيء انا من محبين المحاشي ومااعتقد فيه احد مايحبها
اول شيء جيبي الملفوفه الي تجي اوراقها عريضه وهي تجي مفلطحه<<<ام الوصف رهيب

المهم جيبي المحروسه مع المحروسه علبه الورق عنب انا احب الكرسي الذهبي رهييب
وجيبي اذا تبين كوسا
اسلقي ماي للملفوف وحطي كمون عليه وطلعا تعرفون وش تسون
تفكونها ورقه ورقه وفي ناس يقولن نسلقها اول قبل نفكها
المهم جيبي بصل وقطعيه صغيييييييير وطماطه وقطعيها صغيرة اوقات كثير استغني عنها
وجزرمبشورة صغار وشبت وبقدونس مفروم صغير ورز مصري وعصير ليمون طبعا هذا الحشوة
بعد ماتنقعين الرز حطيه عالمكونات الي عندك واخلطيهم عدل عشان يتوزع
بعدها جيبي ملح وحطي عليها ملح وبهاراتك المشكله وحطي قرفه مطحونه ملعقه صغيرة تعطي طعم لذيذ عليهم وممكن ملعقه صغيرة مررة ليمون اسود مطحون واعصري ليمون على حسب رغبتك انا احبه حامض واخلطيهم وخليه شوي وابدي احشي الملفوف والوق عنب والكوسا والي تبين تحشينه
وبتكونين جهزتي على جبن تقريبا كوب فيه ماي حاار ومذوبه فيه تمر هندي وكوب ثاني مذوبه فيه مكعب ماجي وليمون وهذا اذا بتحطينه بقدر الضغط وبطاطس حلقات وبصل وطماط حلقات للقدر
بعد ماتخلصين تحشين صفي بصل الحلقات والطماط والبطاطي بقاع القدر الضغط وبعدها صفي الورق عنب وبعدها الكوسا والملفوف على حسب ترتيبك بس اهم شيء الورق عنب اول شيء بقاع القدر بعد البطاطس
وبعدها حطي الكوبين الي سويتيهم وكوب ماي تصير تقريبا 3اكواب او كوبين ونص هاذي تكفي للقدر الضغط يكفي عايله ماشاءالله سويته بقدر 7لتر غطيهم باقي الورق حق الملفوف طبعا الي داخل الكرنب نفسه يجي قاسي صعب تحشينه
طبعا بنات الملفوف لما تسلقونه وتجين تلفين خذي شوكه واضغطي بشويش على العروق الي بالورقه طلعي الماي منها وطلعا لفوها عدل ضغطته يابنات نص ساعه من تبداء تسمعين صوت الصفارة احسبي نص ساعه وبعدها طفي الفرن وخليه لحد مايبداء يبرد طبعا بنات في ناس يحبون الصلصه انا مو مرة معها وعشان النكه الذ حطي قرون فلفل الطرشي الاخضر انا احبه يكون فلفل حااار يهبل

وطبعا بنات فيه حشوة ثانيه للكوسا للي يحبون الكوسا

احمسي بصل وثوم وفلفل وصدور دجاج مقطعه صغار وحطي بهاراتك وخذي من الحشوة حقت المحاشي وخلطيها مع الدجاج حق الكوسا واحشيها ولك الحريه اما تحطيها بقدر الضغط ولا تسوين لها بقدر ثاني وتحمسين بصل وتحطين ماجي وصلصه وتحطين الكوسا فيها تطبخ ومع ماي طبعا

هاذي طرقي دايم اسوي كذا للمحاشي واوقات احطهم بصنيه بايركس الملفوف والورق عنب وبالفرن بس ياخذ وقت بقدر الضغط اسرع للي عندها عشاء وماتدري ترى يفك ازمه

وعواااااااااااا اااافي عقبال ماانزل صور فالقريب البعيد مدري شلون تجي بس المهم هاذي الزبده

اذا جربتوها عطوني خبر واي استفسار حاضرة يالغاليات





الحمدالله يارب ولدت يوم الاحد ورزقني ربي باخت لولدي

الله يفرج همي ويأنس قلبي بغربتي ويحفظ ولدي وزوجي ويسخرنالبعض
الله يعطيكي العافيه
مشكوره
يعطيك العافية بأذن الله اجربها
الله يعافيكم وشاكرة مروركم
الحمدالله يارب ولدت يوم الاحد ورزقني ربي باخت لولدي

الله يفرج همي ويأنس قلبي بغربتي ويحفظ ولدي وزوجي ويسخرنالبعض
يعطيج العافييه

دعواتكم لي بالوظيفه


الساعة الآن 04:50 .